Jérémie 5:31 - Ma Zhiklè

³¹ Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 5:31 ပူးပေါင်းရင်းမြစ်များ

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

Proverbes 17:4

Ndo man a gi skwi man ambaɓai, a pi di a ndo man a gèɗè ma ambaɓiaʼa, a fi zlembaɗ a ncèkèlma.

Esaie 10:3

Kin woy a kin gi mè a pats kita man a di a shkè? Iyam mʼmonko va! Kin woya a kin hi a ma? Nda takaha kinè wa?

Esaie 20:6

A ndohi a ma iyam haha ta da gèɗè a pats nasa: Na haha ndohi man nga pu di a tengaʼa, man nga hu a sam ta, aman a ta takaha nga a ta mbel nga te ri bi Assyrie: ta aran-ta ma ɗè? Nga da mbel nga a maya mè?

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Esaie 43:27

Babab ngaya ba a ngu malai, ndohi sak ngaya ta lèɓèslè a sam ga ɓai.

Esaie 47:7

Ka gaɗa: I dem bi kokwar a mèdèp. Ka hur skwi te ndav ɓai, ka hur ndikèma skwi ɓai.

Jérémie 12:4

Kokwar da loyo, skwi mɓayaʼa te dak da gwor na, ta ngèmè? Skwi dak a ɗiakihai ta azɓai a géɗ shèwa ndohi na, man ta gaɗa: Zhiklè a rka civèɗ nga azɓai.

Jérémie 14:14

Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 26:7

Ndohi mvi skwi a Zhiklè, ndohi nhadka ma, a ndohi tèlèba ta tsena ma Jérémie te gi Zhiklè.

Lamentations de Jérémie 1:9

Derɗa ntotpa a maslaka na, a mhur nʼndikè-ma nengaʼa ɓai, a nkalahi a vata, ndo mbidèʼa azɓai. Ndo nzi pèc pècèk, wor matakwan ga, aman ndo mayam a fi va!

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Lamentations de Jérémie 4:13

Skwi haha a ngau a géɗ mali ndohi nhadka ma, a géɗ mphömè ndohi mvi skwi a Zhiklè, man ta bazl ta ndohi nzuraʼa a sam ta.

Lamentations de Jérémie 4:18

Ta zeɓi sam sak nga, a nga slaha nga bizhè a dala azɓai. Nʼndikè-ma nga ndul ndul. Patshi nga ta rufa ma. A vava nʼndikè-ma nga a mshkè ma.

Ezéchiel 13:10

A géɗ man ta zlakede ta ndohi ga, a ta gaɗa: gumai! aman gumi azɓai. Aman ndohi ta rèm zlazlar, tengaʼa ta geda slalia a pa.

Ezéchiel 13:6

Ta rka skwi ncèkèlma, ta hadka ncèkèlma, ta gaɗa: Ma Ndo nzi pèc pècèk! Njè-kèm Ndo nzi pèc pècèk a nzlinde ta ka ɓai. Te deɓaʼa ta zhèr aman a da rufa ma tengaʼa.

Ezéchiel 22:14

A pats man i ga ka skwaʼa, ka da gi slagama genè dè? Wuɗi ngaya a zhè genè dè? Iyè Ndo nzi pèc pècèk, i goɗo, a i da giaʼa.

Osée 4:9

Gar haha a da gi a sam ndohi mvi skwi a Zhiklè lèmèlèmè ara a sam ndohi ngidè. I woy a i pela ta gèɗ mali tengaʼa, a i va ta skwi ntul mizlinè ta.

Osée 6:10

I rka skwi hori holholaʼa te Béthel. Ephraim, ka gu mphömè te pa.

Osée 9:5

Kin woy a kin gi mè a pats ngolala, a pats ngolala Ndo nzi pèc pècèk?

Michée 2:11

Aman ndo ngiɗè a shkè a ma ambalai flak-flakaʼa, a cèkèlma, a gaɗa: i hodko ma a géɗ zom a barassa! – Nasa ndo nʼnjè ma man ambaha ta ndohi ambaɓihiaʼa haha!

Michée 2:6

Ta gaɗa: Kin nju ma ɓai! Njè-ma a zhè, aman a géɗ skwi ve na a haha ka ɓai. Ndohi malihai ta hérdè va a deɓa azɓai.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Sophonie 3:4

Ndohi nhadka ma nengaʼa, man ta fu va ta a falihai, ndohi ngi rai; ndohi mvi skwi a Zhiklè nengaʼa ta derɗa skwi nkezlaʼa, ta ngwoda ma kita.

Deutéronome 32:20

A ngaɗa: I woy a i nghede va ga a sam di ta, a i rka ndikè-ma tengaʼa dai, te man ta ndohi mèdègèɗ, ta lèɓèsl ɓai.

Deutéronome 32:29

Aman agassa maya ta zhè, ar ta tsena skwi haha, a ta sun skwi man ta ngècè te deɓaʼa.