Jérémie 5:3 - Ma Zhiklè

³ Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 5:3 ပူးပေါင်းရင်းမြစ်များ

Genèse 19:34

A prèk tsuvomaʼa a ngaɗa na mbegéɗèʼa: Na haha nga mana a bab ga adatsa. A patsna a vad nga da va na barassa zaʼa, te deɓaʼa ka, kin dè mènè a vna, a verzi bab nga a zi azɓai.

I Rois 13:33

Ko te deɓ skwi haha, Jéroboam a njèka civèɗ nengaʼa ambaɓiaʼa ɓai A mpe ta ndohi ngiɗè ambalai a ndohi mvi skwi a zhiklèhi na a géɗ za, ko wawa man a woya a ngi mizlinè sa.

II Rois 1:13

A bai a nzlündo tsuvom mamakaraʼa a géɗ 50 a ndohi nengaʼa 50 zaʼa. Tsuvom mamakaraʼa a géɗ 50, aman a ndikè a sam na, a nda kalahi a deɓ sak Elie, a ntsu riaʼa, a ngaɗa na: Ndo Zhiklè, ɓür nshèffè ga a nshèffè ndohi 50, ɓèlèlihi ngaya, haha.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

II Chroniques 28:22

Te va man bi Achaz a lèyè, a ngu mali a sam Ndo nzi pèc pècèk a vaʼa.

Psaumes 51:6

I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

Psaumes 51:8

Ka, ka woya skwi nzuraʼa te ndav tʼhwaɗaʼa, ngray maya te ndav ga tʼhwaɗaʼa.

Psaumes 55:20

Zhiklè da tsenaʼa, da manda ta gèɗ a hai, nengaʼa man a zhè a sam nʼnzi bai tʼhinkaɗ na, te man ta ngwèdè ndav ta azɓai, ta gi zlau Bi Zhiklè azɓai.

Proverbes 21:29

Ndo man ambaɓai a gwora di na kusat-kusataʼa; ndo nzuraʼa a nzala civèɗ na.

Proverbes 22:12

Di Ndo nzi pèc pècèk a cè auda a verzi na azɓai, a gedassama na ma a ndo ncèkèlma.

Proverbes 23:35

Ta tsiyè – a ndzay ɓai! – ta kedyè – i senaha ɓai; i da ciɗ di a ngèmè? Te deɓaʼa i minè géɗè zaʼa.

Proverbes 27:22

Ko ka wosla ndo nrzlaʼa te gezla, nrzlè nengaʼa a shkè auda te nengaʼa azɓai.

Esaie 26:11

Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Esaie 48:4

A géɗ man i suna, ka tsena gèɗ ɓai, gèɗ ndangaʼa a zhiklè, ka mèdègèɗ,

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 15:7

I pav ta ndohi ara dau a ntamagi kokwar. I ge ta ndohi ga a delai. I zede ta, te man ta jè-keɗa civèɗ mali ta ɓai.

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 3:3

A iyam a ngakaɗa herkeda ɓai, iyam nzlekai mshkè ɓai. Di ngaya di fali ngwoz, ka woy a ka gi hori ɓai.

Jérémie 32:19

Ka sun maya kumba, ka gi skwi a wuɗai, di ngaya mwinèa a géɗ civèɗ ndohi Tʼherkeda tèlèba. Aman ka va na staɗ staɗ tèlèba ara mizlinè na, ara skwi nengaʼa man a gau.

Jérémie 35:13

Zhiklè bi mbiaʼa, Zhiklè Israel, a goɗ ar haha: Do a ka gaɗa ta ndohi Juda a ndohi kokwar Jérusalem: Kin cè ma man i slebda kinè, a kin cinè ma ga azɓi èhèmè? Ndo nzi pèc pècèk a gaɗa.

Jérémie 44:10

Kin hur mali ɓai, ha patsna, kin ga zlau ɓai, kin dzadzara ma kita a ma nkwèr ga man i va kinè, a i va ta babhi kinè, ɓai.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Jérémie 7:28

Ka da gaɗa ta; na haha ndohi herkeda man ta woy a ta tsena ma Ndo nzi pèc pècèk, Zhiklè tengaʼa ɓai, ta cè azɓai man a ngatsa ta maya. Ma nzuraʼa azɓai, ma nzuraʼa a te ma ta ɓai.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 2:4

I zlinde ka a sam ta, a sam ndohi haha man ta sassaya di ta, a ta gwora ndav ta. A ka da gaɗa ta: Bi Zhiklè Ndo nzi pèc pècèk, iyè man i goɗ ar haha:

Ezéchiel 24:13

Ka lizhè va ngaya a mphömè. I woy a i pan ka, aman ka pènè azɓai, te skwi man a lizhè ka. Ka lizhè mènè, ha a i rufa ndzoan ga a sam ngaya.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Lèv. 26:23

Aman ko gar haha kin manda gèɗ a hi bi genè, a kin salay va a gèɗ,

Amos 4:10

I pra kinè gidiɓèr a va, ara man i gu te kokwar Egypte, i bazl ta golahi kinè a tsakwal, a ta helda plèsh kinè a ma. A sam man kin ɓiceda pa, skwi man a zhkèha kinè dukedukeʼa. Ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:11

I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.

Amos 4:6

Ko skwi zlèʼèn i va kinè ɓai te kokwar kinè tèlèba; movar a slra kinè ɓai a sam kinè tèlèba; aman kin menkada deɓa a sam ga ɓai, Ndo nzi pèc pècèk a gaɗa.

Amos 4:8

Kokwar cèw, makar, ta hu a kokwar ngidè staɗ, a ta da si iyam te pa. Aman iyam a ngeza ta ɓai; ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:9

I ga kinè matakwan a hüfa man a ndi dau, a cèɓè a bono ta gedasseda gi dau a gi lak kinè aussa, a wof kslor a wof tsna, dzarai a nʼndeda ma; ko ar haha kin menkada deɓa a sam ga ɓai, Ndo nzi pèc pècèk a gaɗa.

Sophonie 3:7

I gaɗa: Anai ta da gi zlau ga, ta da tsena man i ngatsa ta maya. A skwi man i ga ta ndzoan a pa, ta jèkeda, ta gi asaɓai. Aman ta vasko ngi skwi man ambaɓai.

Romans 2:2

Aman nga suna, kita Zhiklè nzuraʼa a vava a géɗ tengaʼa man ta gi mali arsa.

Hébreux 12:9

Ara man nga ngots bab nyeka nga, man a ndah nga, a nga gu zlau nengaʼa, nga mèndè gèɗ a hai holholaʼa a sam Bab Zhiklè azɓi ɗè, a nga nzi a nshèffè?