Jérémie 5:24 - Ma Zhiklè

²⁴ Ta hérè ar haha ɓai: ngo-gokoy zlau Ndo nzi pèc pècèk, Zhiklè nga; nengaʼa man a gi iyam blèkwai, iyam nzlekai a iyam man a da gi aman nga ɓicè skwi ma, tiɗè samaʼa tiɗè samaʼa.

Jérémie 5:24 ပူးပေါင်းရင်းမြစ်များ

Genèse 8:22

Aman herkeda a zhè dai, nzleki skwai, mɓicè skwai, mtasl a vazaza, via a ngwar, pats a vad, da ndev asaɓai!

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

Job 29:23

Ta zhor ma ga ara man ta zhèr iyam, ta winè ma ta ara man ta zhèr iyam mbelèkwai.

Job 38:37

Vani a gi ngama, nsun wa? A ngokoɗi iyam te giɗfèk wa?

Job 5:10

Nengaʼa a ngoko iyam a herkeda, a zlündo iyam a dala,

Psaumes 147:8

Nengaʼa man a pizlè giɗfèk a va-nai, nengaʼa man a goko na iyam a herkeɗa, nengaʼa man a gi a kuza a fcè a gèɗ za, a lak te di man a ndohai.

Psaumes 65:9

ndohi man a géɗ herkeda ta rka nrkedi ngaya a ta gi zlau. Ka va ta mwuffè a herkeda te civèɗ mvèng pats, a herkeda te civèɗ nkèl pats.

Esaie 64:7

Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

Jérémie 10:13

A gèɗè, ara ntsi iyam, ara iyam a ndhè te giɗfèk, a gi aman vani a slèmbèdè te verzi gai. A gi aman iyam a ndi dai, a iyam a shkè, a nzlündko kozlar a sam man a pa.

Jérémie 14:22

Te va zhiklè-hi mbèh skwai ndohi herkeda, man ta gi iyam, a zhi dè? Giɗfek a gi iyam a ri na dè? Ka, Ndo nzi pèc pècèk, Zhiklè nga, ka ɓi dè? Nga zhèrè te ri ngaya; aman ka, ka ngu skwi haha tèlèba.

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 3:3

A iyam a ngakaɗa herkeda ɓai, iyam nzlekai mshkè ɓai. Di ngaya di fali ngwoz, ka woy a ka gi hori ɓai.

Jérémie 5:22

Kin gi zlau ga azɓi dè? Ndo nzi pèc pècèk a gaɗa. Kin gudzi a sam ga azɓi dè? I pu wyak a kuma woyam mbiaʼa, kuma a mèdèp; a slaha a ntawaɗa ɓai. Iyam a hi a wuɗai, a slaha hai. A gi tskuduf-tskuduf, a slaha a nhi auda azɓai.

Jérémie 50:5

Ta da jhèɗèʼa: Sion tema? Ta da pi di a civèɗ na. Vo-washkè, ngo-humdokoy va a Ndo nzi pèc pècèk, a nderzlè-ma nengaʼa a pca nga a gèɗ te deɓaʼa asaɓai!

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Joel 2:23

Kinè wudahi Sion, va-wuffa, va-gu langlangaʼa a géɗ Ndo nzi pèc pècèk, Zhiklè kinè, aman nengaʼa a va kinè skwi nʼndai a kin mbel kinè; a nzlinda kinè iyam, a iyam nzlekai a iyam ntil skwai ara zlèzlèa.

Amos 4:7

Iyè i va kinè iyam ɓai, ko a gi ki a ma makar, man a skwi a nslai. A kokwar ngiɗè i ga ta iyam, a kokwar ngiɗè i ga ta iyam ɓai. Gi dau ngidè a nʼngots iyam, gi dau ngidè a nʼngatsa ɓai, ngwora.

Zacharie 10:1

Vo-dzhoɗo iyam nzlekai a sam Ndo nzi pèc pècèk! Ndo nzi pèc pècèk a gi a iyam a tsai, a da va kinè iyam, a ndohi ta ngècè skwi nɗaʼa.

Matthew 5:45

aman kin ndi a wudahi Bab kinè te zhiklè. Nengaʼa a gi aman pats a vèngè a géɗ ndohi ambaɓihiaʼa, a géɗ ndohi man amba, a gi aman iyam a shkèhai a géɗ ndohi nzuraʼa, a géɗ ndohi nzura ka ɓai, cèw ba.

Actes 14:17

Aman a mva ta skwi malwuɗi a skwi man amba kumba man a giaʼa: iyam te zhiklè a via, a ta ɓicè skwai, a ngu aman ndav ta latsatsaʼa a skwi nʼndai, a ta wuf-fè.

Deutéronome 28:12

Ndo nzi pèc pècèk a da winè gi mèshèlè nengaʼa te giɗfèk, a da zlindè iyam tiɗè samaʼa, a da pshè na ma mizlinè ri ngaya. Ka da va ta skwi a ndohi herkeda kumba; aman ka, ka jhèɗè skwi a sam ta azɓai.

Jacques 5:7

Gar haha vo-zhor skwi a ma ma, dalahimam ga, ha pats man Bai Yèsu a shkè. Na haha, ndo mpizhè a zhèrèʼa, aman herkeda a cko nyi mbelaʼa auda, a zhèrè a ma ma, aman a ngècè iyam nzlekai, a iyam ngrè skwai.

Apocalypse 11:6

Tengaʼa ta ngots wuɗi-bai a ta pizlè giɗfèk, aman iyam a shkèhi azɓai, a pats man ta hodko ma. A ta ngots wuɗi-bai a géɗ iyamhi aman ta ngwèdè ta a pombaz, a ta faha matakwan tsaɗ tsaɗ a herkeda, pèc pècèk ara man ndav ta a woyaʼa.