Jérémie 5:21 - Ma Zhiklè

²¹ Kinè ndohi nrzlaʼa, man maya kinè azɓai, va-tsena ma haha! Di kinè a zhè, kin rka ɓai; zlembaɗ kinè a zhè, kin tsena ɓai.

Jérémie 5:21 ပူးပေါင်းရင်းမြစ်များ

Psaumes 94:8

Kin ndohi nrzlaʼa te ndev ndohai, va-suna! Kin madaɗauhai, kin da ngècè maya a ngèmè?

Proverbes 17:16

Ndo nrzlaʼa a gi a Suli na mè? A da shum maya a vna dè? Te man maya na azɓai.

Esaie 27:11

Aman ntsatseriaʼa ngwora, ta pasledaussa. Ngwozi ta shkè a ta fa na vogwa. Aman ndohi haha ta tsena gèɗ ɓai, gar haha ta si Ndo nzi pèc pècèk man a ge ta, te va azɓai, Zhiklè nʼnge ta a va ta pombi azɓai.

Esaie 43:8

Va-helka ta mandazlihai man di ta a zhè, a ndaɓazlamhai man zlembaɗ ta a zhè, auda!

Esaie 44:18

Ta rka ɓai, ta sun nɗèlè ɓai, di tengaʼa ndahaʼa, ta rka ɓai, ndav ta a sun maya ɓai.

Jérémie 10:8

Ta tèlèba, maya ta azɓai, ta rzla, wof ambalai,

Jérémie 4:22

Ndohi ga, maya ta azɓai, ta senyè ɓai. Ndohi nrzlaʼa, madaɗauhai. Maya ta zhè a géɗ skwi man ambaɓai; a skwi man amba ta sun ngia ɓai.

Jérémie 5:20

Va-njè ta ndohi Juda aranta, vo-boho te Juda, va-gaɗa ta:

Jérémie 5:4

A i hur i gaɗa: Mbelaw ndohai, ta rzla, a géɗ man ta sun civèɗ Ndo nzi pèc pècèk ɓai, ta sun kita Zhiklè tengaʼa ɓai.

Jérémie 6:10

I gaɗa na ma wa, i gi malwuɗi a sam ngè, a ta fi géɗèʼa? Zlembaɗ tengaʼa nʼndèʼa, ta tsena ɓai. Ma Ndo nzi pèc pècèk ambaha ta ɓai, ta ngwossaha.

Jérémie 7:13

A géɗ man kin gi skwi haha tèlèba, Ndo nzi pèc pècèk a gaɗa, a kin woy a kin tsena ma ga ɓai, ko i gèɗè a prèk, ko i gèɗè a dakwaɗ, ko i baha kinè, kin mbeɗay a pa azɓai,

Jérémie 8:7

Ko ngalawai a sun man tiɗè sama ma; tèlègwai a mbékbèkèu ta sun pats man ta menkaɗa deɓa. Aman ndohi ga ta sun ma nkwèr Ndo nzi pèc pècek ɓai.

Ezéchiel 12:2

Ka ndo, ka nza te ndev ndohi mèdègèɗ. Di ta a zhè, ta rka bai. Zlembaɗ ta a zhè, ta tsena ɓai, a géɗ man ta ndohi mèdègèɗ.

Osée 7:11

Ephraim nara nkuɗhom man a hér skwa azɓai, man maya na azɓai. Ta bahka ta ndohi Egypte, to do a sam ndohi Assyrie.

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Marc 4:12

a ta rka di ba, amari ta sun ɓai; a ta tsena a zlembaɗ ba, aman ta sun ɓai, a ta woy a ta menkada deɓa a malihi tengaʼa mpre ɓai.

Marc 8:18

Di kinè a zhè, kin rka ɓi dè? Zlembaɗ kinè a zhè, kin tsena ɓi dè? Kin hérè azɓi dè?

Jean 12:40

Nengaʼa a ndèma ta dai, a nsassaya ndav ta, a ta rka di ɓai, a ta da menkada deɓa asaɓai, aman i mbel ta azɓai.

Actes 28:26

Do a sam ndohi haha, a ka gaɗa ta: Kin fi zlembaɗ, aman kin tsena ɓai, a kin pi dai, aman kin rka ɓai.

Romans 1:20

Skwi Zhiklè, man ndo a slaha a nrka a di ɓai, ara wuɗi nengaʼa a mèdèp, ara ngi nengaʼa, ndo a shinè daga ngakaɗ herkeda, te skwi man Zhiklè a ngau. Gar haha Bi Zhiklè a jèke ta azɓai.

Romans 11:8

Ara man ɗèlèwèr Zhiklè a gaɗa: Zhiklè a mva ta Mèzhèɓ nzhunè, a mva ta dai, man ta rka di ɓai, zlembaɗ man ta tsena a vna ɓai, ha mshkè na ma mpatsna.

Deutéronome 29:3

matakwan mbiaʼa man di ngaya a rkaʼa, nrkedai a skwi man Zhiklè a ngreda auda.

Deutéronome 29:4

Aman ha patsna, nda a gèɗ kinè di ɓai, ndav kinè a nzlembaɗ kinè mwine di ɓai.

Deutéronome 32:6

Kinè ndohi nrzlaʼa man maya kinè azɓai: Kin sheda na gèɗ a Ndo nzi pèc pècèk arsa dè? Nengaʼa man a nge kinè, nengaʼa man a fe kinè a pa, a til kinè, nengaʼa bab kinè ka bi dè?