16 godoma tengaʼa, mʼmetsi te pa, tèlèba ngul ndohai.
Ndo nzi pèc pècèk, feday ma te ngi-zuraʼa ngaya, a géɗ mayamhi ga, tilay civèɗ ngaya a ma ga.
Ta ɓàr ta golahi a lèkèɗ. Wud ndohai, ko kra nkèshèʼa, ta jèkè azɓai, ta se ta te va azɓai.
Sulom tengaʼa ntasla, ncwèr lèkèɗ tengaʼa mʼmana, kotèkwèr plèsh tengaʼa nara kwa, sak kiki var tengaʼa ta hai ara ko-zlar.
Ndo nzi pèc pècèk a goɗ ar haha: Na haha ndohi kokwar ta shkè te civèɗ man a géɗèʼa, ndohi rèdèdèa ta shkè te verzi herkeda.
Lèkèd a tsakwal te rai; ndohi mwuɗitpa, ndo a se ta te va azɓai. Ta hakaɗai ara iyam mbiaʼa, ta a deɓ plèsh, skwi var a va, a géɗ ngaya, kokwar Sion.
Sulom te godom na a ntezay a deɓa.
Vèvèɗ daʼai tengaʼa nara gi dzavi mwina fuwangaʼa. Nèʼèn tengaʼa, nèʼèn ncèkèlma.
