Jérémie 49:32 - Ma Zhiklè

³² Va-helda zlugumihi tengaʼa a ma, rèwè tengaʼa rèdèdèʼa, va-dumaʼa! I da ksar ta ara kozlar tèlèba, tengaʼa man bozozom nshaʼa. I da baha na skwi ngedas ta te verzi herkeda tèlèba, Zhiklè bi mbiaʼa a gaɗa.

Jérémie 49:32 ပူးပေါင်းရင်းမြစ်များ

Jérémie 25:23

Dedan, Théma, Buz, a ndohi tèlèba man ta shè perbazlazlam.

Jérémie 49:36

I da bahka ta kozlarhi faɗ te verzi herkeda faɗ, a ta kala na va a Elam. I da ksar ta a kozlar sa, ndohi herkeda azɓai man ndohi Elam ta hu ta a pa ɓai.

Jérémie 9:25

Na haha patsa a di a shkè, Ndo nzi pèc pècèk a gaɗa, aman i da gi kita a géɗ ndohi nʼngela ngwon, aman ndav ta ntil ɓai:

Jérémie 9:26

a géɗ Egypte, a géɗ Juda, a géɗ Edom, a géɗ ndohi Ammon, a géɗ Moab, a géɗ ndohi man ta ngala gèɗ a ta zhè tʼhèshèkèɗ. Aman ndohi herkeda tèlèba ta lèmèlèmè, ndohi nʼngela ngwon ara ndohi man ta ngela ngwon ɓai; ndohi herkeda tèlèba a ndohi Israel tèlèba, ta tila ndav ta ɓai.

Ezéchiel 5:10

Te deɓaʼa bab wudahi te ndev kinè, ta da nde ta wudahi ta a ma, a wudahi ta da ndi babhi ta a ma. I woy a i gi kita te kokwar ngaya, a njèkèɗi ndohi ngaya ta wushede ta a ma kozlar.

Ezéchiel 5:12

Ndohi ngaya i kezla makar; ngiɗè gidiɓèr a da hel ta ma, man ɓai ta da tiɗ ta a mai; ngiɗè ta bèzl ta a tsakwal; ngiɗè i da wushede ta a ma kozlar, a tsakwal a dzadzar ta.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.