Jérémie 49:22 - Ma Zhiklè

²² Na haha, a hi a géɗèʼa ara mangayak, a tsi kelpasl a gèɗ Botsra; a pats nasa ndav ngul ndohi Edom lèmèlèmè ara ndav ngwoz man a ɗish kra.

Jérémie 49:22 ပူးပေါင်းရင်းမြစ်များ

Psaumes 18:5

Mʼmetsai a tèudyè a pa, skwi man a gedassyè a hakaɗi ara iyam, a mpray zlau a va.

Proverbes 30:19

Civèɗ mangayak te giɗfèk, civèɗ zhüzhok te gi za, civèɗ wurom a géɗ iyam mbiaʼa, civèɗ gola nte ndav bidalai.

Esaie 11:14

Ta da kala ta va a za Philistie a ma iyam mbiaʼa, a ta humda va a ta da hil skwi ndohi kokwar man a verzi gai. Ta da cè kokwar Edom a Joab, a ndohi Ammon ta da gi ɓèl ta.

Esaie 13:8

Zlau a gs ta, ta ɓerzl ta, a ta ɗish va, ara ngwoz man a yi kra. Ngiɗè a pi di kurzlaʼa a ngiɗè, a vazaza a di sreffsreffaʼa.

Esaie 21:3

A géɗ nengaʼa a gurtsedyè te va. I dish va ara ngwoz man a yi kra. Matakwan a ndèmay zlembaɗ, a payè a dai.

Esaie 26:17

Ara ngwoz man pats nyi kra nengaʼa a mshkè a zhümdè va, a kuɗi te ndish va, Ndo nzi pèc pècèk, ko nga, nga gu arsa a sam ngaya.

Jérémie 13:21

Ka da gèɗè kè, aman ndohi man ka gu mphömè a nda ta, ta gi bi a géɗ ngaya? Ka da ɗish va ara ngwoz man a yi kra azɓi dè?

Jérémie 22:23

Ka man ka nza a géɗ Liban, man sam nʼnzi ngaya a zhè te va wof tsna. Ka da gi wobau, aman matakwan a shkè, ka da ɗish va lèmèlèmè ara ngwoz man a woy nyi kra.

Jérémie 30:6

Vo-dzhoɗo a kin wora: nguraʼa a ɗish kra ɗè? I rka ngurhi tèlèba, ri a godor, ara ngwoz man a ɗish kra èhèmè, a di tengaʼa a nʼngwode na.

Jérémie 4:13

Na haha ndo a slambaɗkaɗa ara vanai, kiki nengaʼa, ara kozlar, plèshi nengaʼa ta hai ta fena vezai. Woba nga, nga za!

Jérémie 4:31

I tsena daʼai ngiɗè ara daʼai ngwoz man a ɗish va. Nasa kuɗ ngwoz man a yi kra. Daʼai Sion, man a ngèy va, a kutèkè rai. Wobayè, i ndivdè va te ri ndohi nkeɗa ndo.

Jérémie 49:24

Damas, wuɗi azɓai, a woya a nhi na, zlau a ngso, zlau mʼmetsai a matakwan a ngso ara ngwoz man a ɗish kra.

Jérémie 50:36

Tsakwal a va ndohi ntsi tsaval, man gèɗ ta nza! Tsakwal a va ngul ndohai, a ta gi zlau!

Jérémie 50:43

Bi Babylone a ntsena ma mɓuaʼa haha, a wushedama na ri nengaʼa; zlau mʼmetsai a ngso, a gudzi ara ngwoz man a ɗish kra.

Jérémie 6:24

Aman nga tsena ma nengaʼa, a wushedama nga rai, zlau a dza nga, nga ɗish va ara ngwoz man a yi kra.

Daniel 7:4

Nshèlèkuraʼa ara marizhèlè, a kelpasl mangayak a va. I pu dai, a nasa nasa ta ptso ma na kelpasl auda a va. A nslambaɗa tʼherkeda, a nzlatsa a sak ara ndo, a nʼngots maya ara ndo.

Osée 8:1

Tsu tolom! Kala ta va a ndohi gi Ndo nzi pèc pècèk, ara mangayak, a géɗ man ta tawaɗaha nderzlè-ma ga, a ta gu malai, a ta jèkeda ma kita ga.

Abdias 1:9

Théman, ngul ndohi ngaya ta da gudzai; ko wawa te za Esau ta da keɗaʼa.

Deutéronome 28:49

Ndo nzi pèc pècèk a da zlinde ta ndohi herkeda ngiɗè te verzi herkeda dra, man ta shkè a géɗ ngaya ara mangayak; ndohi herkeda man ka sun daʼai tengaʼa ɓai,

1 Thessalonians 5:3

Aman a di ta gaɗa: gumi a zhè, skwi mwuɗitpa asaɓai, skwi ngedas ta a kèlè a gèɗ ta tsam tsam, ara ngwoz man na hwaɗ, a ɗish va. A ta slaha a ta hi ta asaɓai.