Jérémie 48:44 - Ma Zhiklè

⁴⁴ Ndo man a hi te ri zlau, a kèlèhi a vèvèɗ. Ndo man a nzevkaɗauda te vèvèɗ, ɓalai a mbéɗèʼa. Aman tiɗè sam kita Moab ma, Ndo nzi pèc pècèk a gaɗa.

Jérémie 48:44 ပူးပေါင်းရင်းမြစ်များ

I Rois 19:17

A da gi ar haha: Ndo man a da mbel ha te ri tsakwal Hazaél, Jéhu a da keɗaʼa; a ndo man a da mbel na te ri tsakwal Jéhu, Elisée a da keɗaʼa.

I Rois 20:30

Njèkèdiaʼa ta hu ta a hwaɗ kokwar Aphek, a zlazlar kokwar a mbeɗka ta a gèɗ a njèkèdia ndohi 27.000. Ben-Hadad a hu na a kokwar, a ndzodzor gi, gi, gi, gai.

Esaie 10:3

Kin woy a kin gi mè a pats kita man a di a shkè? Iyam mʼmonko va! Kin woya a kin hi a ma? Nda takaha kinè wa?

Esaie 24:17

Zlau, vèvèɗ, skwi nslawama kinè sak a guv kinè, ndohi herkeda!

Esaie 24:18

Ndo man a hi auda a sam wobau, a kèlèhi a vèvèɗ; ndo man a shkè auda te vèvèɗ, teɓa a slawama na sak. Nvakavar te géɗèʼa mwinèʼa, verzi herkeda a gudzai.

Jérémie 10:15

Skwi ambalai, skwi man ta ngwèshè a pa, a pats kita ta, ta zi ta.

Jérémie 11:23

I jèkaha ta ko staɗ azɓai; aman i da ga ta matakwan a ndohi Anathoth, a pats kita ga.

Jérémie 16:16

Na haha, i baha ta ndohi mpèr klèf kumba, Ndo nzi pèc pècèk a gada; sèi ta da par ta. Te deɓaʼa i da baha ta ndohi lèkèɗ kumba; sèi ta da woy ta te pa, te za tèlèba, te ngègèdhai, te slrats tèlèba.

Jérémie 23:12

Gar haha civèɗ tengaʼa a da slafadama ta sak te ruva: kwa a da tsama ta sak, a ta wush ta hai, aman i da ngwoda ta mali ta a gèɗ, tʼhwaɗ mvi kita ta, Ndo nzi pèc pècèk a gaɗa.

Jérémie 46:21

Ko ndohi mizlinè suli a sam nengaʼa, ta ara zlèhi ngraʼa. Tengaʼa ba ta hi ta, ta zlècèhi azɓai, a géɗ man pats matakwan kalkaɗa a géɗ tengaʼa ma, pats kita ta.

Jérémie 49:8

Va-hu kinè, va-ngwoda deɓa, va-rau vèvèɗ, a kin nza a pa, ndohi Dedan! Aman i gedassa Esau a pats man i ga na kita.

Jérémie 50:24

I nga ka ɓalai a hai, iyè ngse ka arsa, Babylone! Ka sun ɓai, aman ta ngats ka; ta gs ka langa, a géɗ man ka gu var a Ndo nzi pèc pècèk.

Jérémie 50:27

Va-zlaha marihi nengaʼa tèlèba, va-hel ta a sam nzli ta. Wobau a géɗ tengaʼa, aman a patsna pats kita tenga a mshkè ma!

Jérémie 51:18

Skwi ambalai, skwi nʼngwèdè ndo, ta zi ta a pats kita.

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Lamentations de Jérémie 3:47

Zlau a mʼmetsai, skwi man nga ngotso, skwi ngedas nga, skwi nzede nga.

Osée 9:7

Pats kita a mshkè ma, pats mpil gèɗ a mshkè ma. Ndohi Israel ta da suna. Ndo nhadka ma a nrzl na a pa. Ndo man Mèzhèɓ Zhiklè te ndav na, a nyakedama na gèɗ. A géɗ mali ngaya man kumba, kita ba a gi mbiaʼa.

Amos 5:19

Nengaʼa ruva, skwi nhél sam ka ɓai. A da gi ara ndo man a hi na a marizhèlè, a ta zli gèɗ a kokoya. Aman a ndo a gai, a ngu va a dergai, a zhüzhok a njo.

Michée 7:4

Mwoy-ndo man ta woy ndo a vna, nara ncèkncèkè sulom. Ngi-zuraʼa tengaʼa nara zlazlar vatak. Pats man ta da war ka, a ta ga ka kita, kalka ma. Antanta ta gi zlau ma.