Jérémie 48:12 - Ma Zhiklè

¹² Aman pats ngiɗè a di a shkè, Ndo nzi pèc pècèk a gaɗa, aman i da zlindè ndohi man ta da wuzlèʼa a duzlak ngiɗè, ta da wuzlèʼa, ta ɓèlè auda te pa, a duzlak.

Jérémie 48:12 ပူးပေါင်းရင်းမြစ်များ

Psaumes 2:9

Ka da tse ta a gaɗa züdo, ka da bazl ta ara shiɗèf.

Esaie 16:2

Dalahi Moab ta zhè a dzah woyam Arnon, ara ɗiakihi man ta dzam ta te gi ta, a ta zhèwèlè diaʼa.

Esaie 30:14

Mʼmbeɗ na ara shiɗèf man a buh na, man mbazla wèc-wècèʼa, ko kizlèɗ man ta hil ndazli vogwa te rèwèc a vna, a ta ɓèl iyam a pa a wotsakihai, azɓai.

Jérémie 14:3

Ndohi mbibihiaʼa ta zlündo ɓèlèlihi ta a iyam. Aman ta ngatsa iyam ɓai, ta shkè a deɓa a motozl duzlak. Ta gu horai, gèɗ ta ndzakaɓa, ta ngheda di ta.

Jérémie 19:10

Ka da bazla shidèf a sam di ndohai, man ta dè a verzi ngaya,

Jérémie 25:34

Ndohi mɓer ndohai, vo-ngoy va, va-gu wobau, va-zlur va Tʼherkeda, kinè tsuvom ndohai; aman pats mbèzl kinè kalka ma, a kin zi kinè. I da bazl kinè ara shiɗèf mbelaʼa.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 48:11

Moab a nʼnza tètè daga gol na, a shèk va a samaʼa, a nʼnza daɓaɓaʼa ara deɓi zom, nʼnde na ɓèlè ɓai. Gar haha njèn na arsa, nzhkè na arsa, nʼngwoda ɓai.

Jérémie 48:13

Moab a da gi hori a sam Kemosh, lèmèlèmè ara Israel a gu hori a sam Béthel, man a ngu gèɗ a vna.

Jérémie 48:15

Moab ngedas na, vodzok a shkè auda te kokwarhi na, golahi nengaʼa ndaɓaraʼa ta zlama ta daʼai ma. Nasa ma bai, man nzlembaɗ na Zhiklè bi mbiaʼa.

Jérémie 48:38

Wobau a zhè a géɗ gi Moab tèlèba, a dal kokwar tèlèba, a géɗ man i mbeɗa Moab, i bazlaʼa ara shiɗèf man ndo a woya ɓai, Ndo nzi pèc pècèk a gaɗa.

Jérémie 48:8

Ndo ngedassa kokwar a shkè a kokwar tèlèba. Kokwar azɓai, man a mbél na. Slrats a zi na, vara a gédèsh na.

Nahum 2:2

Ndo ngedassa skwai a shkè, a woya a gedas ka. Ɓür gi ngaya ndakmaʼa! Ngelda di a civèɗ, dzawa va ngaya! Sala va ngaya a wuɗai!