Jérémie 44:7 - Ma Zhiklè

⁷ Anai, Zhiklè bi mbiaʼa, Zhiklè Israel, a goɗ ar haha: Kin ga na skwi ambaɓiaʼa a vata a va kinè èhèmè? Kin zede nguraʼa a ngwoz a kra a kra wa te ndev Juda, a kin jèkaha ta ɓai.

Jérémie 44:7 ပူးပေါင်းရင်းမြစ်များ

Proverbes 1:18

Ta pi va a hai a va ta; ta da zeda nshèffè ta, a ta sun ɓai.

Proverbes 15:32

Ndo man a kwolaʼa man ta njè na, a kwola nshèffè na; aman ndo man a fi zlembaɗ man ta ngatsa na maya, mwosla.

Proverbes 5:22

Ndo malai, mali nengaʼa a ngwoda na va a gèɗ; mali nengaʼa a dzawaʼa ara teɓa;

Proverbes 8:36

Aman ndo man a nciyè ɓai, a zeda nshèffè na. Ko wawa man a gi shèwa a iyè, mʼmetsi ambaha.

Jérémie 25:6

Kin dzodzor zhiklèhi ngiɗè ɓai, kin gu mizlinè tengaʼa ɓai, kin kalahi a deɓ sak tengaʼa ɓai, kin pokoy gèɗ ndav auda ɓai a skwi man kin gi a ri kinè; a i da ga kinè skwi ambaɓiaʼa azɓai.

Jérémie 25:7

Aman kin tsena ma ga ɓai, Ndo nzi pèc pècèk a gaɗa; kin pokoy gèɗ ndav auda a skwi man kin gu a ri kinè, a kin gedassa va kinè a vna.

Jérémie 26:19

Ezéchias, bi Juda, a Juda tèlèba, ta keɗa Michée ɗè? Ezéchias a ngu zlau Ndo nzi pèc pècèk ka ɓi dè, a Ndo nzi pèc pècèk a nkeɗaha gèɗ ndzoan, a njèkeda skwi ambaɓiaʼa man a hodko ma a géɗ tengaʼa. A nga, nga woy a nga gi skwi ambaɓiaʼa a nga fi mali a gèɗ nga a vna dè?

Jérémie 3:24

Mʼmbèh skwi Baal man hori te pa a ngedassa skwi babhi nga, daga man nga kra, nda tambakihi a zlèhi a wudahi a dalahai.

Jérémie 38:17

Jérémie a ngaɗa na Sédécias: Ndo nzi pèc pècèk, Zhiklè bi mbiaʼa, Zhiklè Israel, a goɗ ar haha: Aman ka dè a sam tsuvomhi bi Babylone, a ka vi va ngaya a ri a tengaʼa, ka metsi azɓai. Vogwa a da ndi kokwar haha azɓai, kinè a ndohi gi ngaya kin da nzi a nshèffè.

Jérémie 42:20

Va-suna, i ngreda kinè a patsna! Aman kin geda a géɗ kinè, aman kin zlindyè a sam Ndo nzi pèc pècèk, Zhiklè kinè, a kin gaɗa: Tsu ri a Ndo nzi pèc pècèk, Zhiklè nga, da ngra nga skwi man nga da giaʼa.

Jérémie 44:14

Ndo man a hi azɓai; ndo man a mʼmbelda va na ɓai te va njèkèdi ndohi Juda, te va ndohi man ta dè a kokwar Egypte, a ta nzi a pa. Ta dè deɓa a kokwar Juda, man ta woy a ta dè deɓa, azɓai. A vava ta da shkè a deɓa asaɓai; man ndohi man ta wuc ta kètè genè kla!

Jérémie 44:8

Kin pokoy gèɗ ndav auda a skwi man ri kinè a giaʼa, a kin va ta skwi a zhiklèhi ngiɗè te kokwar Egypte, man kin do a pa, a kin da nzi a pa, a kin zede nshèffè kinè; kin phomda, a kin gi a skwi horai a sam ndohi herkeda tèlèba.

Jérémie 51:22

A ka, i bazla nda nguraʼa a ngwoz; a ka i bazla nda babgai a kra. A ka i bazla nda gola a bidalai.

Jérémie 7:19

Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Jérémie 9:21

Mʼmetsai a mwucka nga a va nvakavar, a mshkè a gi nga, a zeda wudahi man ta mbèhwali a civèɗ, a golahi a luma.

Lamentations de Jérémie 2:11

Di ga a nhezl na a kuɗa, ndav ga a hubètè, ndav ga a mbeɗ na a géɗ man kokwar ndohi ga ngedas na. A wudahi, a wudahi man a rai, ta ɓerzl ta a dal kokwar.

Lamentations de Jérémie 2:22

Ka baha ta ara man ka baha ta a ngolala te kokwar ga tèlèba. Aman a pats ndzoan Ndo nzi pèc pècèk, ko staɗ a mʼmbel na ɓai, ko staɗ nʼnza a nshèffè ɓai. Tengaʼa man i humbat ta a ndav, man i gre ta, ndo mayam ga a ngedas ta.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Ezéchiel 9:6

Va-bazl ta tèlèba, ko babgai, ko gola, ko bidali, ko kra, ko ngwoz, va-zede ta! Aman ko wawa man lamba mwindèʼa a medi na, kin lama na bai. Va-hüno a sam ga nkezlaʼa. A ta hüno a sám ndohi nhalaʼa man ta zhè te gi Zhiklè.

Habakuk 2:10

Ka pa na hori a di a gi ngaya te skwi man ka huro. Mali man ka gau, man ka bazl ta ndohi kumba, ka geda a gèɗ ngaya.

Nombres 16:38

Da vüdo a züdo man ta mbèda sam mvi skwi a Zhiklè a pa a vna, a géɗ man ta hulkoɗa a sam Ndo nzi pèc pècèk, sèi da peda a sam skwi nkezlaʼa. Da gu a skwi malwudai a sam ndohi Israel a ta hérè te pa.

Deutéronome 32:25

Tsakwal a bazl ta tʼuda, zlau a dza ta te gai. Aranta i ga ta a golahai a dalahai, a kra man a wa, a babgai.

Josué 6:21

Ta gedassa skwi te kokwar tèlèba a tsakwal, nguraʼa, ngwoz, gola, babgai, marai, tambak, kdèh, tèlèba.

Juges 21:11

Va-gu aranta: Va-gedassa ngurhi ngurhi a ngwozi tèlèba, man baki ta zhè.

I Samuel 15:3

Ani do, a ka keɗa Amalek, a ka bazla ndohi nengaʼa a vèvèɗ, a skwi nengaʼa tèlèba man a nʼngotso. Ka da jèke ta ɓai, bazl ta ngurhi a ngwozihai, wudahi a wudahi a wa, zlèhai a tambakihai, zlugumihai a kdèhihai.

I Samuel 22:19

Bai a mbazl ta ndohi a tsakwal te kokwar Nob, kokwar ndohi mvi skwi a Zhiklè – ngurhi a ngwozihai, wudahi a wudahi a rai, zlè-hai, kdèhihai, tambakihai, tèlèba a mbazl ta a tsakwal.