Jérémie 44:5 - Ma Zhiklè

⁵ Aman ta tsena ɓai, ta fa zlembaɗ ɓai, ta jèkeda mali ta ɓai, ta jèkeda mʼmbèh skwi ɓai.

Jérémie 44:5 ပူးပေါင်းရင်းမြစ်များ

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Néhémie 9:30

Mvi kumba ka zhèrè genè, ka zhèrè genè, ka ngatsa ta maya a Mèzhèɓ ngaya, te ma ndohi nhadka ma, aman ta tsena ɓai. Te deɓaʼa ka pe ta a ri ndohi herkeda ngiɗè.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 48:4

A géɗ man i suna, ka tsena gèɗ ɓai, gèɗ ndangaʼa a zhiklè, ka mèdègèɗ,

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 19:13

Gihi Jérusalem a gihi bihi Juda, sèi ta gi lèmèlèmè ara sam te Topheth, man ta lizhèʼa, gihi tèlèba a géɗ gi tèlèba man ta zla ta skwi a bantihai a giɗfèk, a ta va ta skwi nsai a zhiklèhi ngiɗè tsaɗ.

Jérémie 43:4

Jochanan, kra Karéach, a bihi sojè, a ndohi tèlèba ta fa gèɗ a ma Ndo nzi pèc pècèk ɓai, a ta nza a kokwar Juda ɓai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Daniel 9:6

Nga fa gèɗ a ma ndohi nhadka ma, ɓèlèlihi ngaya, ɓai, man ta gada ta bihi nga a tsuvomhi nga a bababhi nga a ndohi herkeda tèlèba a nzlembaɗ ngaya.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.