Jérémie 44:16 - Ma Zhiklè

¹⁶ Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jérémie 44:16 ပူးပေါင်းရင်းမြစ်များ

Psaumes 2:3

Ta gada: Ngo-nguslokoy skwi man ta dzaw nga a vna, ngo-koldokoy cèlèlèu tengaʼa aussa!

Exode 5:2

A Pharaon a mʼmbeɗa ta a ma: Ndo nzi pèc pècèk a wa, aman a i cinè ma nengaʼa, a i va ta civèɗ a ndohi Israel? I sun Ndo nzi pèc pècèk bai. Ndohi Israel ba, i va ta civèɗ azbai.

Proverbes 1:24

I baha kinè – kin woya ɓai. I kutèka kinè rai – kin paka di azɓai.

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Jérémie 38:4

Wud bihai ta gaɗa na bai: Sèi ta keɗa ndo haha! Aman nengaʼa a wushedama ta ri a ndohi var, man ta zhè te kokwar haha, ri ndohi kokwar tèlèba, man ta gaɗa ta ma haha. Ndo haha a vava a woy skwi mʼmbél ndohi haha ka ɓai, a woya a nzede ta.

Jérémie 42:13

Aman kin da gaɗa: Nga nzi a kokwar haha azɓai!

Jérémie 43:2

Azaria, kra Hosée, a Joachanan, kra Karéach, a ndohi mbibihiaʼa tèlèba, ta gaɗa na Jérémie: Ma ngaya ma nzura ka ɓai! Ndo nzi pèc pècèk, Zhiklè nga, a ngaɗka ka ma a nta ka ɓai, a ngaɗa: kin do a kokwar Egypte, aman kin nza te kokwar ndohi ngiɗè ara mbrok ɓai, – Zhiklè a ngoɗ arsa ɓai.

Jérémie 44:24

Te deɓaʼa Jérémie a ngaɗa ta ndohi tèlèba, a ngwozi tèlèba: Va-tsena ma Ndo nzi pèc pècèk, kin tèlèba, ndohi Juda man kinè a zhè te Egypte!

Jérémie 44:25

Zhiklè bi mbiaʼa, Zhiklè Israel, a goɗ ar haha: Kinè a ngwozi kinè, kin goɗ te ma kinè, a kin ngreda a ri kinè, a kin gaɗa: Nga da gi ara man nga gaɗdahai. Nga da vi skwi a pats te giɗfèk, a nga va na skwi nga! Anai, va-gu skwi man kin gaɗdahai!

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Jérémie 8:6

I fu zlembaɗ, i tsenaʼa: aman ta cèkèl ma. Ndo man a nhur shèwa na, a gaɗa: i ga mè! nʼazɓai. Ko wawa a hi a ma ara plèsh man a hi a var.

Daniel 3:15

Tsam-tsam! Aman kin da tsena tolom, a tèzlè-zlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, sèi kin da kèlèhi a deɓ sak skwi man i roma, a kin tsi ri a nengaʼa. Kin woya ɗè, kè? Aman kin da tsi ri a nengaʼa azɓai, ta da wushede kinè a vogwa vovar antanta. Zhiklè man a da mbel kinè te ri ga tema?

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!

Luke 19:27

Aman ndohi mayamhi ga, man ta woy iyè a bi tengaʼa ɓai, va-helka ta, va-zlama ta daʼai a sam di ga!

I Samuel 8:19

Aman ndohi ta cinè ma Samuel azɓai, a ta gaɗa: Aʼai! Nga woya bi nga!