Jérémie 44:10 - Ma Zhiklè

¹⁰ Kin hur mali ɓai, ha patsna, kin ga zlau ɓai, kin dzadzara ma kita a ma nkwèr ga man i va kinè, a i va ta babhi kinè, ɓai.

Jérémie 44:10 ပူးပေါင်းရင်းမြစ်များ

I Rois 21:29

Ka rka ara man Achab a manda gèɗ a hi a sam ga dè? A géɗ man a manda gèɗ a hi a sam ga, i zlinda na skwi mwuɗitpa aman a zhè a nshèffè di azɓai. Aman a pats man kra nengaʼa a gi bai, i dè zlindè skwi mwuɗitpa a géɗ ndohi gi nengaʼa.

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

II Chroniques 32:26

Te deɓ nfi va nengaʼa, Ezéchias a mʼmanda gèɗ a hai a ndohi Jérusalem, a Ndo nzi pèc pècèk a nʼnga ta kita ɓai, te va man Ezéchias a zhè a nshèffè dai.

II Chroniques 33:12

a ta daʼa a kokwar Babylone. Te va nlèyè, a ntsu ri a Ndo nzi pèc pècèk, Zhiklè na, a mʼmanda gèɗ a hai a vava a sam Zhiklè babhi na.

II Chroniques 33:19

Ntsi ri na, a maya man Zhiklè a nco ntsi ri na, mali na, a skwi nlèɓèslɓia nengaʼa, sam man a rom sam mʼmbèh skwi a géɗ za, a sam mʼmbèh skwi nengaʼa a mblom man a gau, ga a mèndè gèɗ a hai, ta windeda ɗèlèwèr Hozai.

II Chroniques 34:27

A géɗ man ka huro, a géɗ man ka manda gèɗ a hi a sam Zhiklè, a ka tsena ma nengaʼa, a géɗ sam haha, a géɗ ndohi nengaʼa, a ka manda gèɗ a hai, a ka kuratsa maslaka ngaya, a ka kuɗi a sam ga, iyè ba i tsenaʼa, Ndo nzi pèc pècèk a gaɗa.

Psaumes 34:18

Aman ta bèhè, Ndo nzi pèc pècèk a tsenaʼa, a mbel ta te ri skwi tengaʼa mwuɗitpa tèlèba.

Psaumes 51:17

Bai, Zhiklè, winè tapiɗaf ma ga, a i njè ma nʼnjèl ngaya a ndohai.

Psaumes 78:10

Ta dzadzara nderzlè-ma Bi Zhiklè ɓai, ta woy a ta jèjèr ma kita nengaʼa ɓai.

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Exode 9:17

Ko antanta ka grè gèɗ ngaya, a ka va ta civèɗ a ndohi ga azɓai.

Exode 9:30

Aman kinè a golahi ngaya, i sun a vava, kin gi zlau Zhiklè Ndo nzi pèc pècèk di azbai.

Proverbes 14:16

Ndo maya a gi zlau Zhiklè, a ngwoda na deɓa a malai; aman ndo nrzla a kala na va skwi genè cilèv-cilèvaʼa.

Proverbes 16:6

A pombai, a gumai, mali a prèʼa, a ndo man a gi zlau Ndo nzi pèc pècèk a jèkeda skwi man ambaɓai.

Proverbes 28:14

Mwuffe a sam ndo man a gi zlau Zhiklè pèc pècèk; aman ndo man a sassaya ndav na, a kèlè a matakwan.

Proverbes 8:13

Ndo man a gada i gi zlau Ndo nzi pèc pècèk, a gi shèwa a skwi man ambaɓai. Skwi haha i gi shèwa a vna: nfi va, njégèr va, ngi skwi man ambaɓai, ncèkèlma.

Esaie 42:24

A mva na Jacob a ri a metsarhai; a Israel a ri a ndohi nhelama ta skwi, wa? Ndo nzi pèc pècèk ka ɓi ɗè, man ta gu mali a sam na, man kin woy a kin dè a civèɗ nengaʼa ɓai, kin tsena ma kita nengaʼa ɓai.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Jérémie 10:7

Ngi zlau ngay azɓi wa? Ka bi ndohi herkeda. A woy ta gi zlau ngaya, te man te va ndohi maya herkeda tèlèba, te kokwar-bihi tengaʼa tèlèba, ngiɗè ngar ka azɓai.

Jérémie 26:4

Da gaɗa ta; Ndo nzi pèc pècèk a goɗ ar haha: Aman kin tsena ma ga ɓai, a kin jèjèr ma kita ga azɓai man i va kinè;

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 36:24

Ta ga zlau ɓai, ta kuratsa maslaka tengaʼa ɓai, bai a golahi nengaʼa tèlèba man ta tsena ma haha.

Jérémie 44:23

A géɗ man kin vau skwi a kin gau malai a sam Ndo nzi pèc pècèk, kin tsena ma nengaʼa ɓai, a kin dzadzara ma kita nengaʼa ɓai, ma nkwèr nengaʼa, ma malwuɗi nengaʼa, a géɗ nengaʼa kin kala a matakwan, ara man kinè te pa, a patsna.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 6:15

A woy ta gi hori a géɗ skwi man ta gau, skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Matthew 27:54

Aman bi sojè, a ndohi mɓer Yèsu, ta rka, herkeda a gudzai, a skwi man a gau, ta gu zlau a vata, a ta gaɗa: A vava, ndo haha kra Zhiklè!

Luke 23:40

A ngiɗè a nʼnga na ndzoan, a mʼmbeɗa na a ma: Ka ba, ka gi zlau Zhiklè azbi dè? Ka ngots kita lèmèlèmè.

Romans 11:20

Amba, ta ngelaʼa a géɗ man ta ca a ndav ɓai; aman ka, ka zhè a géɗ ncè-a-ndav ngaya. Ka fu va ɓai, aman gu zlau!

1 Peter 5:6

Anai va-manda gèɗ kinè a hai tʼhwaɗ ri wuɗi Zhiklè, aman a pats ngiɗè a da slambaɗda kinè gèɗ.

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.