Jérémie 43:2 - Ma Zhiklè

² Azaria, kra Hosée, a Joachanan, kra Karéach, a ndohi mbibihiaʼa tèlèba, ta gaɗa na Jérémie: Ma ngaya ma nzura ka ɓai! Ndo nzi pèc pècèk, Zhiklè nga, a ngaɗka ka ma a nta ka ɓai, a ngaɗa: kin do a kokwar Egypte, aman kin nza te kokwar ndohi ngiɗè ara mbrok ɓai, – Zhiklè a ngoɗ arsa ɓai.

Jérémie 43:2 ပူးပေါင်းရင်းမြစ်များ

Genèse 19:14

A Lot a ndo a ta goɗ a ntsim dalahi nengaʼa, man ta woy dalahi Lot, a ngaɗa: Va-slambaɗa, va jèkeda sam haha! Aman Ndo nzi pèc pècèk a woya a ngedassa kokwar haha! Aman ntsim dalahi na ta hur ara ma walai.

II Chroniques 36:13

A njèkeda bi Nebucadnetsar, man a ndzhoɗa a mbèɗè a sam Zhiklè, a woya a ʼnzi te nlèɓèslè ɓai. A sassaya ndav na, a gwora ndav na, a woya a nʼngwèdè ndav na a sam Ndo nzi pèc pècèk, Zhiklè Israel, ɓai. Nebucadnetsar a gedassa Jérusalem

Psaumes 119:21

Ka guv ta ndohi nfi va; ndohi man ta jèkeda ma nkwèr ngaya ta phomda.

Psaumes 12:3

Ta cèkèlma a va ta, ta shibèndè va ta a deɓa genè, ndav ta nkezla cèw.

Psaumes 123:4

Ndav nga a ngeza kotèkotè a sam ndohi ngre gèɗ man ta ngwossaha nga, a sam ndohi nfi va man ta derɗ nga.

Exode 5:2

A Pharaon a mʼmbeɗa ta a ma: Ndo nzi pèc pècèk a wa, aman a i cinè ma nengaʼa, a i va ta civèɗ a ndohi Israel? I sun Ndo nzi pèc pècèk bai. Ndohi Israel ba, i va ta civèɗ azbai.

Exode 9:17

Ko antanta ka grè gèɗ ngaya, a ka va ta civèɗ a ndohi ga azɓai.

Proverbes 16:5

Ndo man a fi va, a ndara na Ndo nzi pèc pècèk. A vava, a da ngècè kita na.

Proverbes 30:9

man ɓai, man i wèl va, i da ga ka ri a gèɗ a i gaɗa: Zhiklè tema? Man ɓai, man i tawassa, i da gi metsar, a i gi mali a sam nzlembaɗ Zhiklè.

Proverbes 6:17

Mpi di nfi va; nèʼèn ncèkèlma; ri man a keɗa ndo man mali na azɓai;

Proverbes 8:13

Ndo man a gada i gi zlau Ndo nzi pèc pècèk, a gi shèwa a skwi man ambaɓai. Skwi haha i gi shèwa a vna: nfi va, njégèr va, ngi skwi man ambaɓai, ncèkèlma.

Esaie 7:9

Samarie, a kwèr Ephraim. Kra Remalia, bi Samarie. Njèkè mvi 65, Ephraim a da mbeɗ na, ndohi Ephraim klèng, ta ndev ta. Aman kin cè a ndav azɓai, kin nzi azɓai.

Esaie 9:8

a ndohi Ephraim a ndohi Samarie tèlèba ta suna, man ta fi va, ta wèl va a ta gaɗa:

Jérémie 13:15

Va-tsenaʼa, va-fu zlembaɗ, kin gra gèɗ ɓai, te man Ndo nzi pèc pècèk a ngoɗa.

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Jérémie 40:8

a ta shkè a sam Guedalia a kokwar Mitspa. Nasa Ismael, kra Nethania, Jochanan a Jonathan, wudahi Kareach, Seraja, kra Thanhumeth, wudahi Ephal te Nethopha, a Jezania, kra Maacatite, tengaʼa a ndohi tengaʼa.

Jérémie 41:16

Jochanan, kra Karéach, a bihi ndohi var man ta zhè a sam na, ta por njèkèdi ndohi man ta ngotso a sam Ismael, kra Nethania, tengaʼa man Ismael a nhel ta, te Mitspa, te deɓ man a nkeɗa Guedalia, kra Achikam: ngurhai, ndohi var, ngwozai, wudahai, ntokotasl-bihai, man a nhelka ta te Gabaon.

Jérémie 41:18

dra a ndohi Chaldée, man ta gi zlau ta, te man Ismael, kra Nethania, a nkeɗa Guedalia, kra Achikam, man bi Babylone a nfu a tsuvom kokwar.

Jérémie 42:1

Bihi ndohi var tèlèba, a Jochanan, kra Karéach, Jezania, kra Hosée, a ndohi tèlèba, a hüno te nkèshèa, ha ndè a ma mbiaʼa, ta shkè,

Jérémie 42:20

Va-suna, i ngreda kinè a patsna! Aman kin geda a géɗ kinè, aman kin zlindyè a sam Ndo nzi pèc pècèk, Zhiklè kinè, a kin gaɗa: Tsu ri a Ndo nzi pèc pècèk, Zhiklè nga, da ngra nga skwi man nga da giaʼa.

Jérémie 42:5

Ta gaɗa na Jérémie: Ndo nzi pèc pècèk da gu malwuɗai zuraʼa nlèɓèslè a géɗ nga, aman nga da gi skwi tèlèba azɓai, man Ndo nzi pèc pècèk, Zhiklè ngaya, a da ngra nga te ma ngaya.

Jérémie 43:1

Aman Jérémie a mʼmenda ta ma Ndo nzi pèc pècèk, Zhiklè tengaʼa, a ndohi tèlèba klèng ma, ma tèlèba man Ndo nzi pèc pècèk, Zhiklè tengaʼa, a nzlündo a sam ta a vna,

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jacques 4:6

Aman pombi man a va nga, mbiaʼa holholaʼa genè. Ɗèlèwèr Zhiklè a gaɗa: Zhiklè a sassaya ndav a sam ndohi nfi va, aman a va ta pombai a ndohi mʼmanda gèɗ ta a hai.

1 Peter 5:5

Lèmèlèmè kinè golahai, va-manda gèɗ a hai a sam babgihai. A vava, kin tèlèba, va-manda gèɗ a hai a sam tèlèba! Aman Zhiklè a sassaya ndav a sam ndohi nfi va, a va ta pombai a ndohi mʼmanda gèɗ ta a hai.