Jérémie 43:13 - Ma Zhiklè

¹³ Mblom tengaʼa te Beth-Shémesh, te kokwar Egypte, a da mbeɗdaussa, a da fa na vogwa a gi zhiklèhi Egypte.

Jérémie 43:13 ပူးပေါင်းရင်းမြစ်များ

Genèse 41:45

A Pharaon a mbaha na Joseph, Tsaphnath-Paenéach. A mva na Asnath, dem Poti-Phéra, ndo ncèsl skwai te On, a ngwoz. A Joseph a ngu a ndo mɓer kokwar Egypte tèlèba.

Esaie 19:1

Nhèdè ma a géɗ Egypte. Na haha, Ndo nzi pèc pècèk a shkè a géɗ vanai man kozlar a hèdèʼa, a dè a kokwar Egypte. Vrihi Egypte ta gudzai a sam nengaʼa, a ndav ndohi Egypte a mʼmbeɗ na.

Esaie 19:18

A pats nasa, kokwar zlam te kokwar Egypte ta da gèɗè daʼai Canaan, a ta mbèɗè a ta vi va ta a ri Zhiklè bi mbiaʼa. Staɗ, nzlembaɗ na Ir-Harèhès (kokwar ngedassaʼa).

Esaie 46:2

Tèlèba ta hurv ta, a ngurɓ ta a hai, ta slaha ta zhüɓ skwi nʼnzala ɓai; a géɗ va tengaʼa ta dè dangai.

Jérémie 10:11

Gar haha kin da gaɗa ta: Zhiklèhi man ta ga giɗfèk a herkeda ɓai, sèi da zeda a géɗ herkeda ba, tʼhwaɗ giɗfèk ba.

Jérémie 25:19

Pharaon, bi Egypte, a ɓèlèlihi na, wud bihi na, a ndohi nengaʼa tèlèba.

Jérémie 43:12

A da fa na vogwa a gi zhiklèhi Egypte, ngiɗè a da fa ta vogwa, ngiɗè a da hel ta zhiklèhi a ma. A da jèkeda kokwar Egypte azɓai, ara ndo man a til maslaka na te ri tinɗi. Te deɓaʼa a dè na, man a nrufa skwi na.

Jérémie 44:1

Ma Zhiklè a sam Jérémie, a géɗ ndohi Juda tèlèba, man ta nza te kokwar Egypte, tengaʼa man ta nza te Migdol, te Tachpanès, te Noph, te Pathros:

Jérémie 46:25

Gar haha Zhiklè bi mbiaʼa, Zhiklè Israel, a gaɗa: Na haha i gi kita a géɗ Amon te No, a géɗ Pharaon, a géɗ Egypte, a géɗ zhiklèhi nengaʼa, a géɗ bihi nengaʼa, Pharaon a ndohi man ta gshè ndav ta a vna.

Ezéchiel 26:11

Sam sak plèsh ta da rda civèɗ ngaya aussa a sak. Ndohi ngaya ta bazl ta a tsakwal, a sak gai man ka mboh skwi te pa, a ka gso va a vna, a mbeɗ na aussa.

Ezéchiel 30:13

Gar haha Bi Zhiklè a gaɗa: I da gédèshè skwi mbèh skwi nlizhèʼa, a i da ndev ta zhiklèhi mbèh skwai auda te Noph. Wud bihi a te kokwar Egypte asaɓai. A i gi aman kokwar Egypte tèlèba a gi zlau.

Ezéchiel 30:17

Golahi On a Pi-Béseth ta bèzl ta a tsakwal, a ndohi kokwar ta dè ɓèlè.

Daniel 11:8

Zhiklèhi tengaʼa ba, a skwi man ta vüdo a kolongwi guro a verzhègenè tengaʼa mbelaʼa, a da heldama a kokwar Egypte. Mvi a zhe, a njè-keda bi te civèɗ kozlar mazlam a pa kata.