Jérémie 42:22 - Ma Zhiklè

²² Anai, va-suna! Kin da bèzl kinè a tsakwal, a mai, a gidiɓèr, te kokwar man kin woya a kin dè a pa, a kin nzi a pa.

Jérémie 42:22 ပူးပေါင်းရင်းမြစ်များ

Esaie 30:3

Aman ri Pharaon man kin nzi tʼhwaɗaʼa a da pa kinè hori a dai, a mèzhèɓ Egypte man kin nzi a verziaʼa a da ga kinè matakwan.

Jérémie 24:10

I da zlinde tsakwal a sam ta, a mai, a gidiɓèr, ha ta ndev ta Tʼherkeda man i va ta, a i va ta babhi ta.

Jérémie 42:17

Ndohi tèlèba man ta hu a kokwar Egypte a ta da nzi a pa, ta da bèzl ta a tsakwal, a mai, a gidiɓèr. Ndo azɓai man a da mbél na te va tengaʼa, ndo man a hi azɓai te ri matakwan man i da ga ta.

Jérémie 43:11

A da shkè, a da duma kokwar Egypte. Di man a mʼmetsai, a mʼmetsai; di man a dangai, a dangai; di man a tsakwal, a tsakwal, tèlèba.

Jérémie 44:12

I hil njèkèdi Juda, tengaʼa man ta pu di a kokwar Egypte, aman ta dè a pa, a ta nzi a pa, a ta da zi ta tèlèba. Ta da zi ta te kokwar Egypte, a tsakwal, a mai, nkèshèa a mbiaʼa, ta da bazl ta a tsakwal, a mai, ta gedas ta, ta lèyè, ta ga a skwi mphomdaʼa, a skwi horai.

Ezéchiel 33:27

Gar haha sèi ka gaɗa ta: Bi Zhiklè a goɗ ar haha: Ara man a vava i zhè, ndohi te kokwar mʼmbeɗaʼa sèi ta bazl ta a tsakwal. Ndohi man ta te dak, skwi dak a nde ta ma, ndohi a géɗ za, te slrats za, gidiɓèr a da hel ta ma.

Ezéchiel 6:11

Gar haha Bi Zhiklè Ndo nzi pèc pècèk a gaɗa: Tsu ri pèsl-pèslèʼa, gotseda sak dak-dakwaʼa! Gu wobau a géɗ hori ndohi Israel tèlèba man ta dè bèzl ta te ri tsakwal.

Ezéchiel 6:12

Ndo man dra, gidiɓèr a cè a ma. Ndo man ndul ndul, tsakwal a kéɗèʼa. Ndo man njèkaha, a tiɗè a mai. I pra ta ndzoan a gèɗ tèlèba.

Osée 9:6

Na haha, sèi ta dè a kokwar Assyrie, ndohi Egypte ta da ɓic ta, a ndohi Memphis ta da re ta a vèvèɗ. A sam man skwi mèshèlè tengaʼa, kuɗdzarai a ftskaɗa pa, a sam gi tengaʼa vatak a ftskaɗa pa.