Jérémie 42:11 - Ma Zhiklè

¹¹ Kin gu zlau bi Babylone ɓai, nengaʼa man kin gi zlauaʼa; kin gu zlau nengaʼa ɓai, Ndo nzi pèc pècèk a gaɗa. Aman i zhè a nda kinè, aman i mbel kinè, aman i preka kinè auda te ri na.

Jérémie 42:11 ပူးပေါင်းရင်းမြစ်များ

II Rois 25:26

Te deɓaʼa ndohi tèlèba, ko wudahai, ko ndohi ngraʼa, a bihi ndohi var, ta slambaɗa, a to do a kokwar Egypte, te man ta gu zlau ndohi Chaldée. Jojakin mpraʼa

Psaumes 118:6

Ndo nzi pèc pècèk, nga a vna, i gi zlau azɓai. Ndo a siaha a ngay mè?

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Jérémie 1:19

Ta da gi var a ka, aman ta da fen ka azɓai, a géɗ man i zhè a nda ka, Ndo nzi pèc pècèk a gaɗa, aman i da mbélde ka.

Jérémie 1:8

Ka gu zlau tenga ɓai, i zhè a nda ka, aman i da mbélde ka. Ndo nzi pèc pècèk a gaɗa.

Jérémie 15:20

I ge ka a zlazlar züdo man wuɗi na zhè, a géɗ ndohi haha; ta da gi var a ka, aman ta da fen ka azɓai. I zhè a nda ka, a i takaha ka, a i mbel ka, Ndo nzi pèc pècèk a gaɗa.

Jérémie 27:11

Aman herkeɗa man a da vi daʼai na a hi a wofhi Babylone, a gi ɓèl na, i da jèkeda Tʼherkeda na, Ndo nzi pèc pècèk a gaɗa, a da pi-zhèʼa, a da nzi a pa.

Jérémie 27:12

A Sédécias, bi Juda, i gaɗa na ma haha: Va-feda wof bi Babylone a daʼai kinè, va-gu ɓèl na a ɓèl ndohi na, a kin nzi a nshèffè!

Jérémie 27:17

Kin fu zlembaɗ ɓai! Va-gu ɓèl bi Babylone, a kin nzi a nshèffè: kokwar haha da gedas na èhèmè?

Jérémie 41:18

dra a ndohi Chaldée, man ta gi zlau ta, te man Ismael, kra Nethania, a nkeɗa Guedalia, kra Achikam, man bi Babylone a nfu a tsuvom kokwar.

Nombres 14:9

Aman kam kam, kin Sala na va a gèɗ a Ndo nzi pèc pècèk bai, kin gu zlau ndohi kokwar sa bai – ta da gi a skwi nga. Skwi mɓer ta azbai, a nga, Ndo nzi pèc pècèk a zhè a nda nga. Kin gu zlau tengaʼa bai!

Matthew 10:28

Kin gu zlau tengaʼa man ta keɗa va kinè ɓai; aman ta slaha ta zede nshèffè kinè azɓai. Aman va-gu zlau nengaʼa nshèlèkuraʼa, man a slaha a ngé-dèshè nshèffè a va kinè cèw ba a sam vogwa kita.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Actes 18:10

Aman i zhè a nda ka, a ndo ngiɗè a slaha a nga ka matakwan azɓai. Aman ndohi ga kumba te kokwar haha.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Deutéronome 20:4

Aman Ndo nzi pèc pècèk, Zhiklè kinè, a dè a nda kinè, a nda gi var a mayamhi kinè, aman a da mbél kinè.

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.