Jérémie 42:10 - Ma Zhiklè

¹⁰ Aman a vava, kin da nzi te kokwar haha, i da til kinè, i da gedas kinè azɓai. I da nge kinè a pa, i dzam kinè azɓai. Aman skwi ambaɓiaʼa tèlèba man i ga kinè, i da gia asaɓai.

Jérémie 42:10 ပူးပေါင်းရင်းမြစ်များ

II Samuel 24:16

Aman David a nrka gol Zhiklè man a bèzlè ndohai, a ngaɗa na Ndo nzi pèc pècèk: Na haha, mali ga. Iye i gau skwi ambaɓiaʼa. Aman rèwè ndohi haha a ge mè? Ri ngaya da kedyè, a ndohi gi bab ga! Aman gol Zhiklè a ntarda ri a géɗ kokwar Jérusalem, a woya a ngédèshèʼa, Ndo nzi pèc pècèk a mhur ngiɗè tsaɗ a géɗ matakwan, a ngaɗa na gol Zhiklè man a mbazl ta ndohai: Dèʼa! Mendkoɗi ri ngaya a deɓa! Gol Ndo nzi pèc pècèk a zhè a sam hedak Aravna, ndo Jébus.

Psaumes 102:16

Te deɓaʼa ndohi herkeda ta da gi zlau nzlembaɗ Ndo nzi pèc pècèk, a bihi herkeda tèlèba ta gi huyokokoʼa a sam nʼnjèl ngaya.

Psaumes 106:45

a nhur nderzlè-ma nengaʼa man a mbel ta a vna, a nʼngwoda gèɗ na te pombi nengaʼa mbiaʼa.

Psaumes 37:3

Pu ndav a Ndo nzi pèc pècèk, gau skwi man amba, nza a kokwar ngaya, nza a nlèbèslè.

Psaumes 69:35

Giɗfèk a herkeda da shida na gèɗ! Iyam mbiaʼa a skwi tèlèba man a shèwèlè te pa!

Exode 32:14

A Ndo nzi pèc pècèk a mʼmanda ndav na a hai, a nʼnga ta matakwan a ndohi bai, ara man a hur nshèlèkuraʼa.

Jérémie 24:6

I da pa ta dai, a pombai, a i da helka ta a deɓa a kokwar haha. I da til ta zaʼa, i da gedas ta asaɓai. I da nge ta a pa, i ptska ta auda te pa asaɓai.

Jérémie 26:19

Ezéchias, bi Juda, a Juda tèlèba, ta keɗa Michée ɗè? Ezéchias a ngu zlau Ndo nzi pèc pècèk ka ɓi dè, a Ndo nzi pèc pècèk a nkeɗaha gèɗ ndzoan, a njèkeda skwi ambaɓiaʼa man a hodko ma a géɗ tengaʼa. A nga, nga woy a nga gi skwi ambaɓiaʼa a nga fi mali a gèɗ nga a vna dè?

Jérémie 27:11

Aman herkeɗa man a da vi daʼai na a hi a wofhi Babylone, a gi ɓèl na, i da jèkeda Tʼherkeda na, Ndo nzi pèc pècèk a gaɗa, a da pi-zhèʼa, a da nzi a pa.

Jérémie 31:28

Lèmèlèmè ara man i gu maya, a i hel ta auda, a i kalde ta hai, a i gedas ta, a i zede ta, a i ga ta skwi ambaɓiaʼa, i da gi maya, te man i rèmèʼa, a i ngi a pa, Ndo nzi pèc pècèk a gaɗa.

Jérémie 33:7

I da helka ta ndohi ɓèlè te Juda, a ndohi ɓèlè te Israel, a deɓa; i da til ta zaʼa ara halaʼa.

Jérémie 43:4

Jochanan, kra Karéach, a bihi sojè, a ndohi tèlèba ta fa gèɗ a ma Ndo nzi pèc pècèk ɓai, a ta nza a kokwar Juda ɓai.

Ezéchiel 36:36

Te deɓaʼa njèkèɗi ndohi man ta zhè a tsagi kinè, ta da suna, i Ndo nzi pèc pècèk, man i ɗèɗèyè skwi mʼmbeɗaʼa zaʼa, a i ngi skwi a pa a herkeda man a nde na hèshèkèɗ te va nasa. Iyè Ndo nzi pèc pècèk i goɗa a i da giaʼa.

Osée 11:8

Ephraim, i jèke ka èhèmè? Israel, i pre ka èhèmè? I kwol ka ara Adma èhèmè, i ge ka ara Tseboim èhèmè? A mbeɗamay ndav, a ndaramay ndav tʼhwaɗaʼa.

Joel 2:13

Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Amos 7:3

Jacob a da gi kè? Nkèshè gene! A Ndo nzi pèc pècèk a ngwoɗa gèɗ na: Da ga arsa ɓai, Ndo nzi pèc pècèk a gaɗa.

Amos 7:6

A Ndo nzi pèc pècèk a nhuro. Bi Zhiklè Ndo nzi pèc pècèk a gaɗa: Ko skwi haha da ga arsa ɓai!

Jonas 3:10

A Bi Zhiklè a nrka skwi man ta gau, aman ta menkaɗa deɓa te civèɗ mali ta, ta su Zhiklè te va, a njèkeda skwi mwuɗitpa man a woya a nzlinda ta, nʼnga ɓai.

Jonas 3:4

Jonas a mdo te ndev kokwar dra ara mʼmèn staɗ, a njè ta ndohai: Njèkè mʼmèn 40, a kokwar Ninive a gédèsh na.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Actes 15:16

I woy a i shkè deɓa, a i rèm gi David zaʼa, man mʼmbeɗ na hai. A i woya man i til njèkèɗiaʼa, a i Zlatseda a pa zaʼa,

Deutéronome 32:36

Aman Ndo nzi pèc pècèk a da Preka ta ndohi nengaʼa auda te kita, a ɓèlèlihi nengaʼa ta sia te va; te man a rkaʼa, wuɗi tèlèba klèng, ko bèlè azɓai, ko kra ngwi azɓai.

Juges 2:18

Aman Ndo nzi pèc pècèk a mpa ta ndohi kita, Ndo nzi pèc pècèk a ntakaha ndo kita, a pats nshèffè nengaʼa tèlèba, a mʼmbel ta auda te ri ndohi mayamhi ta, a géɗ man ta si Ndo nzi pèc pècèk te va, a géɗ wobau tengaʼa, a sam ndohi nʼnga ta matakwan, a sam ndohi mparaha ta.