Jérémie 4:8 - Ma Zhiklè

⁸ A géɗ nengaʼa, va-feda maslaka sam kuɗa a va, va-gu wobau, va-kudau! Ndo nzi pèc pècèk a gi ndav kumba a géɗ ndohi Israel, a nkeɗa gèɗè a hi ɓai.

Jérémie 4:8 ပူးပေါင်းရင်းမြစ်များ

Psaumes 78:49

A ndav nengaʼa worworaʼa a mproko ta ndzoan a shèwa a matakwan a va, nhèyè golahi Zhiklè man ta gedassa skwai.

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 13:6

Va-kuɗau! Aman pats kita Ndo nzi pèc pècèk a zhè ndul ndul, a shkè a ngé-dèshè ndo, a wuɗi nengaʼa, Bi wuɗai.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Esaie 32:11

Kinè man kin hér gèɗ zlau azɓai, va-gudzau! Zukom dalahai, va-gu zlau! Va-suda na maslaka auda a va, va-nza adai, sèi skwi deɓa genè!

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 25:34

Ndohi mɓer ndohai, vo-ngoy va, va-gu wobau, va-zlur va Tʼherkeda, kinè tsuvom ndohai; aman pats mbèzl kinè kalka ma, a kin zi kinè. I da bazl kinè ara shiɗèf mbelaʼa.

Jérémie 30:24

Nara ndzoan mbiaʼa. Ndav Ndo nzi pèc pècèk a mènèhi azɓai, ha a nrufa skwi na, ha a ngau skwi man a nhuro a nda giaʼa. A pats nʼndikèma skwai kin da cinèʼa.

Jérémie 48:20

Moab a gi horai, te man a ngedas na. Gudzau, gu wobau! Vo-njo te Arnon: Moab ngedas na!

Jérémie 6:26

Dem ndohi ga, feda maslaka sam kuɗa a va, a ka manahi a va mèrwèc. Gu wobau ara man ka kuɗi kra ngaya ngu-raʼa staɗgenè. Tsu lalau! A nasa nasa ndo ngedassa ndo a kala nga va.

Lamentations de Jérémie 1:12

Kin tèlèba man kin bizhè a pa, va-wora, va-pu dai! Skwi ndzi ngiɗè ara skwi man a dzayè, man Ndo nzi pèc pècèk a ngezyè a vna, a pats ndzoan nengaʼa, a zhi dè?

Ezéchiel 21:12

Aman ta da gaɗa ka: Ka sakat ngaya èhèmè? Ka gaɗa: A géɗ ma man i tsenaʼa. Aman a da gi arsa, ndav ndohi tèlèba a da mbéɗ na, ri tèlèba a wushahai, tukwal a te ndav ta bai, gur-mbèzh a ndi na. Na haha a shkè, na zhè ma, Bi Zhiklè Ndo nzi pèc pècèk a gaɗa.

Ezéchiel 30:2

Ka ndo, hod ma! Goɗo: Bi Zhiklè a goɗ ar haha: Vo-ngoy va! Ayah! Ayah! Pats ambaɓai!

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Amos 8:10

A i da ngwoda ngolala kinè, a ndi a sam kuâa, a dimèsh mwuffè kinè tèlèba a nguzlah. I va kinè maslaka sam kuɗa a va tèlèɓa, ko wawa a da she gwots gèɗ na auda. I gi a ndohi a lèyè ara man ta kuɗi kra nguraʼa man na staɗgenè. Ndikè-ma skwi nengaʼa ara pats mwuɗitpa.

Michée 1:16

Sha gèɗ ngaya, a gèɗ wudahi ngaya man ka woy ta. Nza a gèɗ ndoy-ndoyaʼa ara mohodok; aman ta da jèke ka, ta da hel ta a ɓèlè.

Nombres 25:4

Te deɓaʼa Ndo nzi pèc pècèk a ngaɗa na Moise: Parka ta bihi ndohi tèlèba, a ka dizl ta a wof a sam Ndo nzi pèc pècèk, a pats. Aman Ndo nzi pèc pècèk a manda ndav worwora sa a hai a géɗ Israel.