Jérémie 4:7 - Ma Zhiklè

⁷ Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 4:7 ပူးပေါင်းရင်းမြစ်များ

II Rois 24:1

Te ndev nasa, Nebucadnetsar, bi Babylone, a mshkè a ngu var, a Jojakim a ngu ɓèl na, mvi makar. Te deɓaʼa a nslambaɗa na va.

II Rois 25:1

Aman Sédécias a ngu bi te mvi 9, a ki 10, te mʼmèn 10, bi Nebucadnetsar, bi Babylone, a mshkè a nda ndohi var nengaʼa tèlèba, a ta nza na a ma kokwar Jérusalem, a ta tèuda zlazlar kokwar a pa a kolongwi var.

Esaie 1:7

Herkeda kinè nara hèshèkèɗ. Kokwar kinè, vogwa a nʼndeda ma. Gi dau kinè, ndohi ngiɗè ta ndeda ma a sam di kinè. A nde na hèshèkèɗ, ara Sodome man a ngedas na.

Esaie 5:9

Ma Zhiklè bi mbiaʼa a ntsenkay a zlembaɗ: Gihi kumba, mbia nshefaʼa, ntila amba, man ta da mbeɗ ta, a ndo a da nzi a pa azɓai.

Esaie 6:11

A i gaɗa: Bi Zhiklè, ta ngèmè? A nengaʼa a ngaɗa: Ha kokwarhi ta nde ta a hèshèkèɗ, ndohi a te pa asaɓai, ndo a te gi asaɓai, a gi dau tèlèba a nʼnde na a hèshèkèɗ ma.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 22:6

Aman Ndo nzi pèc pècèk a goɗ a géɗ ndohi gi bi Juda: Kinè ambahayè, ara Galaad; kinè ambahayè ara Liban! Ko gar haha i ngwoda kokwar kinè a hèshèkèɗ, a kokwar man ndo a nzi a pa azɓai.

Jérémie 22:7

I bahka ta ndohi ngédèshè skwai a sam kinè, staɗ staɗ tèlèba a skwi var na: ta da ngél wof tsna mbelaʼa, a ta da wusheda a vogwa.

Jérémie 25:38

Ta hi ta, ara kra marizhèlè man a shkè auda te gi na; aman kokwar ta a nde na hèshèkèɗ, a géɗ wuɗi ndo ngedassa skwai, a géɗ ndzoan nengaʼa mbiaʼa.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 26:9

Ka hodko ma a nzlembaɗ Ndo nzi pèc pècèk, a ka gaɗa: Gi haha a da gi lèmèlèmè ara Silo, kokwar haha a da gedas na, ndo a nzi a pa azɓai, èhèmè? A ndohi tèlèba ta humda na va a gèɗ a Jérémie te gi Zhiklè.

Jérémie 27:8

Ndohi herkeda, a kokwar-bai man ta da gi mizline Nebucadnetsar, bi Babylone, azɓai, man a woya a vi daʼai a hi a wof bi Babylone azɓai, i ga ta kita a kokwar ta a tsakwal, a mai, a gidiɓèr, Ndo nzi pèc pècèk a gaɗa, ha pats man i va na a ri ma.

Jérémie 33:10

Ndo nzi pèc pècèk a goɗ ar haha: A sam haha man kin gaɗa: ‘ngedas na’, ndo a te pa ɓai, skwi dak a te pa ɓai, te kokwar Juda, te civèɗ Jérusalem man ta gedas ta, man ndo a te pa ɓai, man ndo a nzi a pa azɓai, man skwa a te pa ɓai,

Jérémie 34:22

Na haha iyè i njè ma haha, Ndo nzi pèc pècèk a gaɗa: I da helka ta a deɓa a kokwar haha, a ta gi var a kokwar haha. Ta da dumaʼa, a ta da fa na vogwa. Aman kokwarhi Juda, i da ndeda a kokwar ngedassaʼa, ko ndo staɗ a nzi a pa azɓai.

Jérémie 4:29

Ndohi kokwar tèlèba ta hu ta a sam nhèzlèwè ndohi plèsh a ndohi lèkèɗ. Ta ngheda va a hwaɗ skwai, ta hu ta a za. Ta jèkeda kokwarhi tèlèba; ndohi a te pa ɓai.

Jérémie 44:2

Zhiklè bi mbiaʼa, Zhiklè Israel, a goɗ ar haha: Kin rka skwi ambaɓia tèlèba man i ga na Jérusalem, a kokwarhi Juda tèlèba. A patsna diki tèlèba, ndo a nzi a pa azɓai.

Jérémie 46:18

Ara man i zhè, bai a gaɗa, bai man nzlembaɗ na Zhiklè bi mbiaʼa, man wuɗi na zhè ara Thabor te va zahai, ara Carmel a géɗ iyam: i shkè.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Jérémie 50:17

Israel nara tambak man a zlak na, man marizhèlèhai ta dzamaʼa. Bi Assyrie a nʼndedama nshèlèkuraʼa, a Nebucadnetsar, bi Babylone, a mpaslama na vatasl te deɓaʼa.

Jérémie 50:44

Ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam i dzam ta. A i da fi nengaʼa man i ngotskoɗauda a bi nengaʼa. Ngar iyè wa? Nʼnjèy ma a gèɗ, wa? Bi man a salay va a gèɗ, wa?

Jérémie 8:16

Te Dan a tsenko kuɗ plèshihi na, nhèzlèwè ndohi plèsh nengaʼa a gudzeda herkeda tèlèba. Ta da shkè a ta ndeda kokwar a skwi na tèlèba a ma, kokwar a ndohi te pa.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Ezéchiel 12:20

Kokwar man ndohi ta nza a pa, ta mbeɗ ta, a kokwar a ndi na hèshèkèɗ, a kin suna, i Ndo nzi pèc pècèk.

Ezéchiel 21:31

Bi Zhiklè a goɗ ar haha: Feda mpèɗè gèɗ a hai, ce na mpèɗè gèɗ auda te gèɗ! Skwa da nza a gèɗ bai! Skwi tʼhai do do a géɗèʼa! Skwi nte géɗèʼa da shkè a hai, a i woy a i mbeda kokwar, i mbeda mʼmbedè.

Ezéchiel 32:2

Ka ndo, hün ntsi nguzlah a géɗ Pharaon, bi Egypte, a ka gaɗa na: Ka ara gol marizhèlè te va ndohi herkeda, ka gedassa! Ka ara kedam te iyam mbiaʼa, ka vèɗ iyam a htsan, ka dhwoɗa iyam a sak ngaya, man ka mbatsa a draɓ.

Daniel 5:19

A sam wuɗi nʼnjèl nengaʼa man a va na, ndohi herkeda te verzi tsaɗ tsaɗ, a nèʼèn tsaɗ tsaɗ, ta gu zlau, ta gudzau a sam nengaʼa. Nengaʼa a nkeda ndo man a woyaʼa, a njèka na nshèffè a ndo man a woyaʼa, a gra na gèɗ a ndo man a woyaʼa, a manda na gèɗ a hi a ndo man a woyaʼa.

Daniel 7:4

Nshèlèkuraʼa ara marizhèlè, a kelpasl mangayak a va. I pu dai, a nasa nasa ta ptso ma na kelpasl auda a va. A nslambaɗa tʼherkeda, a nzlatsa a sak ara ndo, a nʼngots maya ara ndo.

Lèv. 26:31

I da mbeɗda kokwar kinè a dikai, a i gedassa sam kinè nkezlaʼa, a skwi man kin vayè da zhkèhayè a htsan bai!

Lèv. 26:33

Aman kinè, i woy a i ksar kinè a ndev ndohi herkeɗa, a i gedka kinè tsakwal, a herkeda kinè a ndi a hèshèkèɗ, a kokwar kinè a mbeɗ na a ngi a dikai.