Jérémie 4:6 - Ma Zhiklè

⁶ Va-zlatseda lamba Sion, va-hu kinè, kin zlatsahi bai! I cko matakwan a skwi mwuɗitpa te man a géɗèʼa.

Jérémie 4:6 ပူးပေါင်းရင်းမြစ်များ

Esaie 62:10

Va-beza a pa, va-beza a pa a ntama-gai! Va-tila ta civèɗ a ndohi ga! Va-ɗaɗala civèɗ, va-ɗaɗala civèɗ! Va-par ta kwa auda a civèɗ, va-zlatseda skwi man ndohi herkeda ta shinè te pa!

Jérémie 10:22

Ntsenka mè? Nhèzlèwè mbiaʼa te civèɗ man a géɗèʼa, aman a ndeda kokwar Juda a hèshèkèɗ, a gi skwi dak.

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 22:7

I bahka ta ndohi ngédèshè skwai a sam kinè, staɗ staɗ tèlèba a skwi var na: ta da ngél wof tsna mbelaʼa, a ta da wusheda a vogwa.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 4:21

I rka bata nzlatseda, i tsena tolom a da ndèlè a ngèmè?

Jérémie 50:2

Va-njo a sam ndohi herkeda, va-ngreda, va-zlatseda bata, va-ngreda, kin ngheda ɓai! Vo-goɗa: Babylone, nduma ma, Bel a nʼngots hori a dai, Merodac mʼmbeɗ na, skwi mbèh skwi nengaʼa klèng, mblomhi nengaʼa ta mbeɗ ta.

Jérémie 50:22

Nguzli var te kokwar tèlèba; skwi ngédèshè mbiaʼa.

Jérémie 51:12

Va-zlatseda bata a géɗ zlazlar Babylone, va-pu ndohi a vaʼa, va-pe ta ndohi mɓer kokwar a pa, va-ɗizla kwa, aman skwi man Ndo nzi pèc pècèk a huro, a nhodko ma a géɗ ndohi Babylone, a giaʼa.

Jérémie 51:27

Va-zlatseda bata te kokwar! Va-tsu tolom te ndev ndohi herkeda! Va-til ta ndohi herkeda, va-bahka ta kokwar-bihai a sam na: Ararat, Minni a Ashkenaz! Va-ɓicka ta bihi a sam na, va-zlinda plèshi kumba ara dzarai a pa!

Jérémie 51:54

Kuɗa a cinè auda te Babylone, kuɗa a wobau mbiaʼa te kokwar Chaldée,

Jérémie 6:1

Ndohi Benjamin, va-hu auda te Jérusalem, va-tsu tolom te Tekoa, va-zlatseda lamba kinè te Beth-Hakkérem! Aman skwi mwuɗitpa a shkè te man a géɗèʼa, skwi ngédèshè ndo mbiaʼa

Jérémie 6:22

Ndo nzi pèc pècèk a goɗ ar haha: Na haha ndohi kokwar ta shkè te civèɗ man a géɗèʼa, ndohi rèdèdèa ta shkè te verzi herkeda.

Ezéchiel 9:1

Te deɓaʼa i tsena ara man a boho a wuɗai: Kinè ndohi mbèzl kita te kokwar haha, vo-washkè, staɗ staɗ a skwi ngédèsh skwi nengaʼa te rai!

Ezéchiel 9:2

Na haha ndohi 6 ta shkè, te ntamagi te man a géɗèʼa, a skwi ngédèsh skwi te ri ta. Te ndev tengaʼa i rka ndo ngiɗè a maslaka ntsentsai, a skwi mwindè ɗèlèwèr te zlazlar. Ta shkè a ta zlatsa a sam mvi skwi a Zhiklè züdo.

Sophonie 1:10

A pats nasa ta tsi lalau a ntamagi kokwar ‘klèf’, ta gi wobau te civèɗ kokwar mɓuaʼa, a nhèzlèwè mbiaʼa a zhè te za.

Zacharie 6:6

Plèshi mʼmadza ta dè a civèɗ kokwar man a géɗèʼa. Plèshi nslekaɗaʼa ta dè a civèɗ mvèng pats; plèshi ndurtsotsoʼa ta dè a civèɗ man a dukwaɗ,