Jérémie 4:4 - Ma Zhiklè

⁴ Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 4:4 ပူးပေါင်းရင်းမြစ်များ

II Chroniques 34:25

A géɗ man ta jèkyè, a ta ndèr ɓurdi a zhiklèhi mʼmbèh skwai, a ta pokoy gèɗ ndav auda a skwi man ta gu a ri ta, a i gu ndav a géɗ sam haha, a ndav ga a mènèhi azɓai.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 51:17

Piɗèkwe ngaya, piɗèkwe ngaya, Jérusalem, slambaɗ ngaya, ka man ka sau kokwi ndzoan te ri Ndo nzi pèc pècèk; ka sau te kokwi man skwi ngiɗè te pa a nked ka, a ka sedama.

Jérémie 15:14

A ka gi a ɓèl ndohi mayamhi ngaya te kokwar man ka sun ɓai, te man ndav ga nvatsa ara vogwa, a nde kinè a ma.

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 23:19

Na haha ndombozlor Ndo nzi pèc pècèk: Ndzoan nengaʼa a nslambaɗa, a vitèma ta gèɗ a ndohi ambaɓihiaʼa.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Jérémie 9:25

Na haha patsa a di a shkè, Ndo nzi pèc pècèk a gaɗa, aman i da gi kita a géɗ ndohi nʼngela ngwon, aman ndav ta ntil ɓai:

Jérémie 9:26

a géɗ Egypte, a géɗ Juda, a géɗ Edom, a géɗ ndohi Ammon, a géɗ Moab, a géɗ ndohi man ta ngala gèɗ a ta zhè tʼhèshèkèɗ. Aman ndohi herkeda tèlèba ta lèmèlèmè, ndohi nʼngela ngwon ara ndohi man ta ngela ngwon ɓai; ndohi herkeda tèlèba a ndohi Israel tèlèba, ta tila ndav ta ɓai.

Lamentations de Jérémie 4:11

Ndo nzi pèc pècèk a ga nga ndzoan a gèɗ tèlèba, a nkoldoko nga ndzoan a gèɗ, a nfa na vogwa a Sion, man a ndu verziaʼa ba.

Ezéchiel 16:38

I ga ka kita ara man ta gi kita ngwozi mphömè a ngwozi nkeɗa ndo. I pra ka shèwa a ndzoan ga a gèɗ.

Ezéchiel 18:31

Va-wusheda mali tèlèba man kin gau aussa a sam kinè! Va-woy ndav mɓuaʼa a mèzhèɓ mɓuaʼa. Kinè ndohi Israel, kin woy mʼmetsi èhèmè?

Ezéchiel 20:33

Ara man a vava i zhè, Bi Zhiklè a gaɗa, i da gi a bi kinè a ri man wuɗi na zhè, a ri ngedaʼa, a ndzoan man i ga kinè.

Ezéchiel 21:17

Ka ndo, tsu lalau, gu wobau, aman a shkè a géɗ ndohi ga, a géɗ tsuvomhi Israel tèlèba, a bazl ta a nda ndohi ga tèlèba. Gar haha peda ri a gèɗ!

Ezéchiel 24:13

Ka lizhè va ngaya a mphömè. I woy a i pan ka, aman ka pènè azɓai, te skwi man a lizhè ka. Ka lizhè mènè, ha a i rufa ndzoan ga a sam ngaya.

Ezéchiel 24:8

I bada Pombaz nengaʼa a géɗ pra lèmèlèmè, a ta vshè herkeda a di azɓai, a géɗ ndzoan ga, a ta pil gèɗ a vna.

Ezéchiel 44:7

Kin va ta civèɗ a ndohi man verzi ta tsaɗ, ndohi man ngwon nʼngel ɓai, man ta ngwoda ndav ta ɓai, a ta shkè a sam ga nkezlaʼa, a ta dérɗèʼa, aman kin vau skwi nʼndi ga mbeza a Pombaz. Aranta kin pra nderzlè-ma ga, a skwi hori kinè tèlèba.

Ezéchiel 6:12

Ndo man dra, gidiɓèr a cè a ma. Ndo man ndul ndul, tsakwal a kéɗèʼa. Ndo man njèkaha, a tiɗè a mai. I pra ta ndzoan a gèɗ tèlèba.

Ezéchiel 8:18

Gar haha i ba i woy a i ga ta skwi a ndav. I da pi di mwoy-ndo azɓai, ta siyè te va azɓai. Ta da kuɗi a vata a zlembaɗ ga, aman i da cinè ma tengaʼa azɓai.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Lèv. 26:41

a géɗ nengaʼa i ba i Sala ta va a gèɗ, a i dzam ta a kokwar mayamhi ta – aman te deɓaʼa ta manda gèɗ a hai, nfi va ta kala ta a ndav, a ta til malai,

Amos 5:6

Va-woy Ndo nzi pèc pècèk, a kin da nzi a nshèffè. Man ɓai a da fa na vogwa a gi ndohi Joseph, a ndeda ma, a ndo a mbècè azɓai, ko te Béthel ba.

Sophonie 2:2

ga ta ksar kinè ara topok dau, ga ndzoan Ndo nzi pèc pècèk a kala kinè a va ara vogwa, a pats ndzoan Ndo nzi pèc pècèk a gedas kinè.

Romans 2:25

Nʼngél ngwon amba, aman ka jèjèr ma kita Zhiklè. Aman ka jèjèr ma kita Zhiklè azɓai, ka ndo man ngwon nʼngela, ka lèmèlèmè ara ndo man ngwon nʼngel ɓi ma.

Deutéronome 10:16

Gar haha va-tila ndav kinè, kin gu mèdègèd a ma ma ɓai!

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Deutéronome 32:22

Ndav ga a vècè ara vogwa, a ndi skwi tʼherkeda tʼhai, a ndè a sam mʼmetsai, a ndi herkeda a ma a skwi man a ftskaɗa pa tèlèba, a fi vogwa a verzi za.

Colossiens 2:11

Te nengaʼa kinè ndohai man ndav kinè ntila, ntétékè az a sam kinè asaɓai. Kin co Kristi te di man a ngél ngwon.