Jérémie 4:31 - Ma Zhiklè

³¹ I tsena daʼai ngiɗè ara daʼai ngwoz man a ɗish va. Nasa kuɗ ngwoz man a yi kra. Daʼai Sion, man a ngèy va, a kutèkè rai. Wobayè, i ndivdè va te ri ndohi nkeɗa ndo.

Jérémie 4:31 ပူးပေါင်းရင်းမြစ်များ

Genèse 27:46

A Rebecca a ngaɗa na Isaac: I ngeza te ri dalahi Heth. Aman Jacob a da cè ngwoz a sam tengaʼa, dem Heth, dem kokwar haha, dara man nshèffè ga da ze na.

Job 10:1

Nshèffè ga a ndarayè. I woy a i gèɗè wobau ga auda, a i gèɗèʼa, ara man ndav a dzayè ɗekeɗekeʼa.

Psaumes 120:5

Wobayè a géɗ man i nzi te Méshec, a i nzi te gi Kédar!

Esaie 1:15

Aman kin geda ri a zhiklè, i ngwoda di ga aussa. Ko kin tsi ri kumba, i fi zlembaɗ azɓai. Pombaz a ri kinè.

Esaie 13:8

Zlau a gs ta, ta ɓerzl ta, a ta ɗish va, ara ngwoz man a yi kra. Ngiɗè a pi di kurzlaʼa a ngiɗè, a vazaza a di sreffsreffaʼa.

Esaie 21:3

A géɗ nengaʼa a gurtsedyè te va. I dish va ara ngwoz man a yi kra. Matakwan a ndèmay zlembaɗ, a payè a dai.

Esaie 26:17

Ara ngwoz man pats nyi kra nengaʼa a mshkè a zhümdè va, a kuɗi te ndish va, Ndo nzi pèc pècèk, ko nga, nga gu arsa a sam ngaya.

Esaie 42:14

Nʼnzi a zhè i gada skwa ɓai, i nza tètè, i gerdda ma ga a hwaɗ; anai i woy a i tsi la-lau ara ngwoz man a yi kra, i tokossa va.

Esaie 6:5

I gada: Wobau, i da gédèsh ga; aman tapidaf ma ga a gèɗè ma nlizhèʼa, a i nza te ndev ndohi man tapiɗaf ma tengaʼa gèɗè ma nlizhèʼa, a i rka Bai, Zhiklè bi mbiaʼa, a di ga!

Jérémie 10:19

Wobayè, a géɗ skwi man a gedas-syè! Mblè man a va ga a dzay kumba. I gaɗa: Nfay a gèɗ, i dishè mènè.

Jérémie 13:21

Ka da gèɗè kè, aman ndohi man ka gu mphömè a nda ta, ta gi bi a géɗ ngaya? Ka da ɗish va ara ngwoz man a yi kra azɓi dè?

Jérémie 14:18

Aman i dè auda a dala, nckondohi ndohi mbazlaʼa kumba; aman i dè a kokwar, ta tiɗè a mai. Ko ndo nhadka ma, ko ndo mvi skwi a Zhiklè, ta shèwèlè te kokwar, ta sun sam man ta dè a pa ɓai.

Jérémie 15:18

Skwa a dzayè a mèdèp, matakwan ga a ndèlè azɓai èhèmè, i da mbélè a ngèmè? Ka a sam ga ara woyam man a ngwodyè, man i gaɗa: iyam te pa, njèkèm iyam a te pa ɓai.

Jérémie 18:21

Gar haha gau aman wudahi tengaʼa ta tiɗ ta a mai, tsakwal da bazl ta! Wud ngwozi da bazl ta, ngwozi da nde ta a ngwozi mazai; bakihi tengaʼa, gidiɓèr da hel ta ma, golahi tengaʼa da bazl ta te var!

Jérémie 22:23

Ka man ka nza a géɗ Liban, man sam nʼnzi ngaya a zhè te va wof tsna. Ka da gi wobau, aman matakwan a shkè, ka da ɗish va lèmèlèmè ara ngwoz man a woy nyi kra.

Jérémie 30:6

Vo-dzhoɗo a kin wora: nguraʼa a ɗish kra ɗè? I rka ngurhi tèlèba, ri a godor, ara ngwoz man a ɗish kra èhèmè, a di tengaʼa a nʼngwode na.

Jérémie 45:2

Ndo nzi pèc pècèk, Zhiklè Israel, a goɗ a géɗ ngaya, Baruc:

Jérémie 48:41

A pats nasa Kerjoth ndumda ma, gihi ndakmaʼa mʼmbeɗaʼa, ndav ngul ndohi Moab nara ndav ngwoz man a ɗish kra.

Jérémie 49:22

Na haha, a hi a géɗèʼa ara mangayak, a tsi kelpasl a gèɗ Botsra; a pats nasa ndav ngul ndohi Edom lèmèlèmè ara ndav ngwoz man a ɗish kra.

Jérémie 49:24

Damas, wuɗi azɓai, a woya a nhi na, zlau a ngso, zlau mʼmetsai a matakwan a ngso ara ngwoz man a ɗish kra.

Jérémie 50:43

Bi Babylone a ntsena ma mɓuaʼa haha, a wushedama na ri nengaʼa; zlau mʼmetsai a ngso, a gudzi ara ngwoz man a ɗish kra.

Jérémie 6:2

a shkè a géɗ kokwar Sion, dem mbelaʼa man ka preda na verzi a pa.

Lamentations de Jérémie 1:17

Sion a ntorko ri na, ndo mbidèʼa azɓai. Ndo nzi pèc pècèk a mbaha ta mayamhi na a géɗ Jacob. Jérusalem a ngu a skwi man a ndèr a ndo.

Lamentations de Jérémie 1:20

Ndo nzi pèc pècèk, wora, ndav ga a lèyè, ndav ga a dzayè worworaʼa, a ngwodamay ndav, a géɗ man i gu mèdègèɗ. Wudahi ga, tsakwal a bèzlè tʼuda, mʼmetsi a bèzlè te gai.

Lamentations de Jérémie 2:21

Gola a babgai ta manatʼhai a dal civèɗ. Dalahi ga a golahi ga ta bazl ta a tsakwal. Ka bazl ta a pats ndzoan, ka tsah ta, ta se ka te va ɓai.

Osée 13:13

A da ɗishèʼa ara ngwoz man a yi kra. Nengaʼa ara kra man a woykaɗ na auda tʼhwaɗ mam na ɓai.

Michée 4:10

Dem Sion, ngoy va, ɗüsh va, ara ngwoz man a yi kra! Aman antanta ka da shkè auda te kokwar a ka nzi a dak, ka da dè a kokwar Babel. Te pa ka da mbél ngaya. Te pa Ndo nzi pèc pècèk a da preka ka auda te ri mayamhi ngaya.

Michée 4:9

Antanta ka kuɗi mè? Bi az a sam ngaya ɓi ɗè? Ndo nʼnjè ka azɓi ɗè? A ka ɗish va ara ngwoz man a yi kra, kè!

Michée 7:1

Wobayè! Iyè ara ndo man ta ɓica-ma na skwi auda a ma: wondar azɓai, ko dil vanda ba azɓai, rua azɓai, man ndav ga a woyaʼa.

Matthew 21:5

Va-gaɗa na kokwar Sion: Na haha Bi ngaya a shkè a sam ngaya, a ndav amba, a deɓ kɗèh, man a zhüɓ skwai, gol kɗèh.

1 Corinthians 9:16

I slaha a i jégèr va azɓai, aman i njè ma mbelaʼa; sèi i giaʼa ndèzl. Wobayè, aman i njè ma mbelaʼa azɓai!

1 Thessalonians 5:3

Aman a di ta gaɗa: gumi a zhè, skwi mwuɗitpa asaɓai, skwi ngedas ta a kèlè a gèɗ ta tsam tsam, ara ngwoz man na hwaɗ, a ɗish va. A ta slaha a ta hi ta asaɓai.