Jérémie 4:16 - Ma Zhiklè

¹⁶ Va-gaɗa ta ndohi herkeda ma haha, va-njè ta ndohi Jérusalem! Ndohi nʼnza na a ma kokwar Jérusalem ta shkè te kokwar ngiɗè dra, ta bèhè a géɗ kokwarhi Juda.

Jérémie 4:16 ပူးပေါင်းရင်းမြစ်များ

Esaie 34:1

Vo-washkè, kinè kokwar-bihai, va-tsenaʼa! Kinè ndohi herkeda, va-fu zlembaɗ! Herkeda a ndohi a géɗ herkeda, herkeda kerpaʼa a skwi nftsa a pa tèlèba, va-tsenaʼa!

Esaie 39:3

Esaie, ndo nhadka ma, a mshkè a sam Ezéchias, a ngaɗa na: Ndohi haha ta gaɗ kè? Ta shkè a sam ngaya, ta shkè tema? Ezéchias a mʼmbeɗa na a ma: Ta shkè a sam ga te kokwar dra; ta shkè te kokwar Babylone.

Jérémie 1:15

I baha ta kokwar-bihi tèlèba te man a géɗèʼa, Ndo nzi pèc pècèk a gaɗa. A tengaʼa ta da shkè a kokwar Juda tèlèba, staɗ staɗ tèlèba ta feda sam nʼnzi bi ta a ntamagi kokwar Jérusalem, ta nza ta a ma zlazlar man ta tèuda a pa tèlèba.

Jérémie 16:6

Mbibihiaʼa a nkèshkèshè-hiaʼa ta da bazl ta te kokwar haha, ndo nda re ta asaɓai, ndo nda kuɗ ta asaɓai, ta hi a verzi mbav a gèɗ kinè asaɓai, ta shè kinè gèɗ a verzia asaɓai.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 39:1

Aman Sédécias, bi Juda, a ngu bi te mvi macüɗaʼa, a ki 10, Nebucadnetsar, bi Babylone, a mshkè a nda ndohi var nengaʼa tèlèba, a nda gi var a Jérusalem, a nza na ma.

Jérémie 4:17

Ta nza na ma a kokwar, ta tèuda a pa, a géɗ man ta slambaɗkay a va, Ndo nzi pèc pècèk a gaɗa.

Jérémie 5:15

I bahka ta ndohi ngiɗè dra, a ta da kala kinè a va, kinè ndohi Israel, Ndo nzi pèc pècèk a gaɗa. Ndohi nhalahiaʼa, ndohi man zlèzlèa ta zhè, ndohi man ka sun ma tengaʼa ɓai, ka tsena daʼai tengaʼa ɓai,

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Jérémie 50:2

Va-njo a sam ndohi herkeda, va-ngreda, va-zlatseda bata, va-ngreda, kin ngheda ɓai! Vo-goɗa: Babylone, nduma ma, Bel a nʼngots hori a dai, Merodac mʼmbeɗ na, skwi mbèh skwi nengaʼa klèng, mblomhi nengaʼa ta mbeɗ ta.

Jérémie 6:18

Gar haha, kinè ndohi herkeda, kinè ndohi mɓicaʼa, va-tsena skwi man a da ga ta.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 6:22

Ndo nzi pèc pècèk a goɗ ar haha: Na haha ndohi kokwar ta shkè te civèɗ man a géɗèʼa, ndohi rèdèdèa ta shkè te verzi herkeda.

Jérémie 6:23

Lèkèd a tsakwal te rai; ndohi mwuɗitpa, ndo a se ta te va azɓai. Ta hakaɗai ara iyam mbiaʼa, ta a deɓ plèsh, skwi var a va, a géɗ ngaya, kokwar Sion.

Jérémie 8:19

Fu zlembaɗ, kuɗ ndohi ga a cinè dra! Ndo nzi pèc pècèk nte Sion ka ɓi dè, bi na nte pa ka ɓi dè? Ta pokoy gèɗ ndav auda a mʼmbèh skwi tengaʼa èhèmè? A mʼmbèh skwi te kokwar ngiɗè man a takaha ta azɓai?

Ezéchiel 21:22

Iyè a ri ga i woy a i tsa ka ri a dai, a ndav ga a mènèhai. Iyè Ndo nzi pèc pècèk, a ngoɗa.