Jérémie 4:1 - Ma Zhiklè

¹ Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Jérémie 4:1 ပူးပေါင်းရင်းမြစ်များ

Genèse 35:2

A Jacob a ngaɗa ta ndohi gi na tèlèba, a ndohi tèlèba man ta zhè a sam na: Va-wusheda vrihi kinè aussa! Va-tül va kinè, va-humbaɗa maslaka kinè!

II Rois 23:13

Sam mʼmbèh skwai man ta zhè zuraʼa a ma kokwar Jérusalem, a der za wof tsna, te man a tsagai, man Salomon, bi Israel, a nroma, a nslébèrdè Astartè a vna, skwi ndohi Sidon mphomdaʼa, a Kamosh, skwi Moab mphomdaʼa, a Milcom, skwi hori ndohi Ammon, bai a ngedasedaussa.

II Rois 23:24

A ndohi vrai, a ndohi mpi kwa, a Theraphimhai, a skwi mʼmbèh skwi ambaɓihiaʼa, a skwi hori tèlèba man a zhè te kokwar Juda, te Jérusalem tèlèba, Josias a nzeda, a njèjèr ma kita man a Windo te ɗèlèwèr man Hilkija, ndo mvi skwi a Zhiklè, a nʼngots te gi Zhiklè.

II Chroniques 15:8

Aman ta tsena ma haha, man ndo nhadka ma te Oded a nhodkoɗai, Asa a nʼngots wuɗai, a nzeda skwi hori te kokwar Juda, te Benjamin tèlèba, te kokwar man ta dumaʼa te za Ephraim, a ntila sam mvi skwi a Ndo nzi pèc pècèk man a zhè a ntamagi Ndo nzi pèc pècèk.

II Chroniques 33:8

A i woya aman ndohi Israel ta da mbècè auda a kokwar ngiɗè ɓai a mèdèp, a ta nzi te kokwar man i va ta babhi ta. Aman sèi man ta fi gèɗ a ma tèlèba, man Moise, ɓèl ga, a va ta; ma kita tèlèba, ma nkwèrè a ma man i de ta a vna.

II Chroniques 34:33

Josias a ngedassa skwi mʼmbèh skwi ndohi herkeda tèlèba te kokwar man ndohi Israel ta nza te pa, a mfa ta ma a gèɗ a ndohi tèlèba te Israel, aman ta gi mizlinè Ndo nzi pèc pècèk, Zhiklè ta. Ha a mʼmets na, ta jèkeda Nde nzi pèc pècèk, Zhiklè babhi ta ɓai.

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Jérémie 15:19

Gar haha Ndo nzi pèc pècèk a gaɗa: Aman ka menkaɗa deɓa, ka slaha ka zlècè a sam ga zaʼa. Aman ka gèɗè ma mbelaʼa, ma ambaɓia ka ɓai, i va ka ma ga a ma ngaya zaʼa. Sèi ndohi haha ta shkè a sam ngaya; ko do a sam tengaʼa ɓai!

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 25:5

Ta gaɗa: Ko wawa te ndev kinè da menkada deɓa te civèɗ nengaʼa man ambaɓai, te maya nengaʼa man ambaɓai, a kin da nzi tʼherkeda man Ndo nzi pèc pècèk a va kinè, a va ta babhi kinè a mèdèp.

Jérémie 3:1

Zhiklè a gaɗa: Ndo man a kwola ngwoz na, a dè ngwoz a gi ndo ngiɗè, a slaha a ncè a deɓa a ngwoz na ɗè? Ngwoz matsa mphoma. Aman ka, Israel, ka woy baki tsaɗ tsaɗ, a ka slaha ka shkè a deɓa a sam ga dè?

Jérémie 3:12

Do a ka boho ma haha a civèɗ ndè man a géɗèʼa: Israel, menkaɗa deɓa, Ndo nzi pèc pècèk a gaɗa. I woy a i pi di shèwa a ka ani asaɓai, aman ndo a siyè te va, Ndo nzi pèc pècèk a gaɗa. I gi ndav a mèdèp azɓai.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 36:3

Wa ngiɗè ba ndohi gi Juda ta cinè skwi man ambaɓai tèlèba man i hur i da ga ta, aman ta shkè a deɓa staɗ staɗ tèlèba te civèɗ tengaʼa man ambaɓiaʼa, a i pra ta mali ta a maharam ta.

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 7:3

Zhiklè bi mbiaʼa, Zhiklè Israel, a goɗ ar haha: Va-tila civèɗ kinè va-tila maya nshèffè kinè, a kin nzi dai te kokwar haha.

Jérémie 7:5

Man kin tila civèɗ kinè, va-tila maya nshèffè kinè! Sei kin gi kita nzuraʼa te ndev ndohai,

Jérémie 7:7

kin da nzi a kokwar haha, te kokwar man i va ta babhi kinè halaʼa a mèdèp.

Ezéchiel 11:18

Aman ta da ndikè a pa, a ta da gedassa skwi mbèh skwi a skwi hori tèlèba te pa.

Ezéchiel 18:13

a vi skwi a nslembolom a njhèdè mpataka a vaʼa, ri nengaʼa a gi skwi ambaɓiaʼa, a da nzi a nshèffè ɗè? Aʼai, a da nzi a nshèffè azɓai. A ngu skwi hori haha tèlèba, da mets na. Slèslèɓ nengaʼa da kela na a géɗ.

Ezéchiel 43:9

Aman antanta ta da jèkeda mali ta, a ta da hela na nckondo bihi ta auda a sam ga. Te deɓaʼa i woya a i nzi a sam ta a mèdèp.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 2:2

Te deɓaʼa ndohi Juda a ndohi Israel ta da humdè va, a ta da vi bi staɗgenè, a ta da ndha te kokwar. Nasa pats mbiaʼa a sam Jizreel.

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Deutéronome 27:15

Ndo man a viɗè skwi mbèh skwai, a rèm skwi mbèh skwai, man a ndara na Ndo nzi pèc pècèk, skwi man ri ndo a ngau, a nʼngheda a sam ngidè – da phomda! A ndohi tèlèba ta da mbeda na a ma a ta gaɗa: Amen!

Deutéronome 4:30

Aman kinè te matakwan, a fena wuɗi kinè, a skwi man a gi te ndikè-ma skwai a ga kinè tèièba, kin da ngwodko ndav kinè a sam Ndo nzi pèc pècèk, Zhiklè kinè, a kin da tsena daʼai nengaʼa,

Josué 24:14

Anai, va-gu zlau Ndo nzi pèc pècèk, va-dzodzora zuraʼa, nlèɓèslèa, va-kwola zhiklèhi bababhi kinè ngiɗè man ta dzadzar ta tʼwud woyam Jourdain, te kokwar Egypte, ba. Va-dzodzor Ndo nzi pèc pècèk!

Juges 10:16

A ta wusheda zhiklèhi ngiɗè aussa a sam ta, a ta dzodzor Ndo nzi pèc pècèk, a ta si Ndo nzi pèc pècèk te va, a gèɗ matakwan tengaʼa.

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.