Jérémie 36:7 - Ma Zhiklè

⁷ Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 36:7 ပူးပေါင်းရင်းမြစ်များ

II Rois 22:13

Vo-do, vo-dzhoɗo a sam Ndo nzi pèc pècèk a géɗ ga, a géɗ ndohai, a géɗ Juda tèlèba, a géɗ ma ɗèlèwèr haha man ta ngotso; aman Ndo nzi pèc pècèk a gi ndav kumba a géɗ nga, a géɗ man babhi nga ta fa na gèɗ a ma ɗèlèwèr haha tèlè ɓai.

II Rois 22:17

A géɗ man ta jèkyè, a ta ndara na ɓurdi a zhiklèhi ngiɗè tsaɗ, a ta pokoy gèɗ ndav auda a skwi man ri tengaʼa a ngau tèlèba. Ndav ga a vècè ara vogwa, a mènèhi azɓai.

II Chroniques 34:21

Vo-do, vo-dzhoɗo a sam Ndo nzi pèc pècèk a géɗ ga, a géɗ njèkèɗi ndohi Israel a Juda, a géɗ ma ɗèlèwèr haha man ta ngotso. Aman Ndo nzi pèc pècèk a gi ndav kumba a géɗ nga, a géɗ man babhi nga ta dzadzara ma Ndo nzi pèc pècèk ɓai, a ta ga skwi tèlèba ara man ta windeda ɗèlèwèr haha ɓai.

Jérémie 1:3

A ngaɗa na a vaʼa te va man Jojakim, kra Josias, bi te Juda, ha Sédécias, kra Josias, bi Juda, te mvi llaʼa, ha ta hel ta ndohi auda te Jérusalem, a ki mazlamaʼa.

Jérémie 16:10

Aman ka da njè ta ma haha tèlèba a ndohi haha, ta da gada ka: Ndo nzi pèc pècèk a ga nga matakwan mbiaʼa haha èhèmè? Nga ga mali mè, nga ge skwi ambaɓiaʼa a sam Ndo nzi pèc pècèk, Zhiklè nga, mè?

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 25:5

Ta gaɗa: Ko wawa te ndev kinè da menkada deɓa te civèɗ nengaʼa man ambaɓai, te maya nengaʼa man ambaɓai, a kin da nzi tʼherkeda man Ndo nzi pèc pècèk a va kinè, a va ta babhi kinè a mèdèp.

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Jérémie 36:3

Wa ngiɗè ba ndohi gi Juda ta cinè skwi man ambaɓai tèlèba man i hur i da ga ta, aman ta shkè a deɓa staɗ staɗ tèlèba te civèɗ tengaʼa man ambaɓiaʼa, a i pra ta mali ta a maharam ta.

Jérémie 37:20

Anai, bai, bi ga, tsenaʼa! I tsi ri a ka! Ka diyè a deɓa a gi Jonathan, ndo mwindè ɗèlèwèr, ɓai, i da mets a pa ɓai!

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 42:2

a ta gaɗa na Jérémie, ndo nhadka ma: Nga tsa ka rai, dzhoɗo Ndo nzi pèc pècèk, Zhiklè ngaya, a géɗ nga, a gèɗ njèkèdia tèlèba; aman nga kètè genè te va ndohi kumba, ara man ka ba ka rka a di ngaya.

Lamentations de Jérémie 4:11

Ndo nzi pèc pècèk a ga nga ndzoan a gèɗ tèlèba, a nkoldoko nga ndzoan a gèɗ, a nfa na vogwa a Sion, man a ndu verziaʼa ba.

Ezéchiel 12:3

Aman ka, ndo, ɓica skwi ndè nshèwèlè a di patsaʼa, a sam di ta. Jèkeda kokwar ngaya a sam di ta, a ko do a kokwar ngiɗè! Wa ngiɗè ba ta rkaʼa: aman ta ndohi mèdègèɗ.

Ezéchiel 13:13

Gar haha Bi Zhiklè Ndo nzi pèc pècèk a gaɗa: I da zlindè ndombozlor, a iyam nchè-nchè a ndzoan, a i gédèshè tèlèba a vandzal, a ndzoan ga.

Ezéchiel 20:33

Ara man a vava i zhè, Bi Zhiklè a gaɗa, i da gi a bi kinè a ri man wuɗi na zhè, a ri ngedaʼa, a ndzoan man i ga kinè.

Ezéchiel 22:20

Ara man ta humda verzhègenè a guro a züdo te gezla a ta vatsa na vogwa a gèɗ a ta tiaʼa, lèmèlèmè i da humda kinè a ndav ga a ndzoan ga, a i da ga kinè kita a vogwa.

Ezéchiel 5:13

Aranta i rufa ndzoan ga, a i manda ndav ga a hai a sam ta. I gi srak. A ta da suna, iyè Ndo nzi pèc pècèk, i goɗa a ndav.

Ezéchiel 8:18

Gar haha i ba i woy a i ga ta skwi a ndav. I da pi di mwoy-ndo azɓai, ta siyè te va azɓai. Ta da kuɗi a vata a zlembaɗ ga, aman i da cinè ma tengaʼa azɓai.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Daniel 9:18

Zhiklè ga, fu zlembaɗ a ka tsenaʼa, pu dai a ka rka skwi ngedas nga a kokwar man ta va na nzlembaɗ ngaya. Aman nga tsi ri a sam ngaya, nga gada: nga ndohi nzura ka ɓai; nga pi di a ka a géɗ man ndo a se ka te va.

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Joel 2:13

Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Jonas 3:8

aman da feda maslaka sam kuɗa a va, da kuɗau a sam Bi Zhiklè a vata, staɗ staɗ tèlèba da menkaɗa deɓa te civèɗ mali na,

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?