Jérémie 36:6 - Ma Zhiklè

⁶ Aman ka, ka dè a ka jèngè ɗèlèwèr man ka windo ara man i menda ka, a ndohi te gi Zhiklè, ma Ndo nzi pèc pècèk tèlèba, a pats man ta jèkeda skwi nʼndai. Kajènga ta ndohi Juda tèlèba, man ta shkè te kokwar ta.

Jérémie 36:6 ပူးပေါင်းရင်းမြစ်များ

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 19:14

Te deɓaʼa Jérémie a mshkè te Topheth, a sam man Ndo nzi pèc pècèk a nzlündo a pa, da hod ma, a mshkè a gala gi Zhiklè, a ngaɗa ta ndohi tèlèba.

Jérémie 22:2

Goɗo: Bi Juda, tsena ma Ndo nzi pèc pècèk, ka man ka nza a géɗ sam nʼnzi bi David. Kinè a ɓèlèlihi ngaya a ndohi ngaya man kin bizhè a ntamagi haha!

Jérémie 26:2

Ndo nzi pèc pècèk a gaɗa: Zlatsa a gala gi Zhiklè, a ka hodko ma a géɗ kokwar Juda tèlèba, man ta shkè, a ta tsi rai te gi Zhiklè. Gada ta ma tèlèba man i njè ka a gèɗ; ka jèkaha ɓai!

Jérémie 36:2

Co ɗèlèwèr mpaɗaʼa, windeda ma tèlèba a pa, man i gaɗa ka a géɗ Israel, a géɗ Juda, a géɗ ndohi herkeda tèlèba, a hinè te pats man i gaɗa ka nshèlèkuraʼa, ha ndika na ma a mpatsna.

Jérémie 36:4

Jérémie a mbaha na Baruc, kra Nérija. A Baruc a mwindo ma tèlèba man Ndo nzi pèc pècèk a ngaɗa na Jérémie, ara man nenga a ngra na.

Jérémie 7:2

Zlatsa a ntamagi Zhiklè! A pa, ka njè ma haha a ka gaɗa: Va-tsena ma Ndo nzi pèc pècèk, kin ndohi Juda tèlèba, man kin dè a gi haha, a kin tsi ri a Ndo nzi pèc pècèk.

Zacharie 8:19

Zhiklè bi mbiaʼa a goɗ ar haha: Njèkè skwi nʼndai a ki mafaɗaʼa, mazlamaʼa, matsaraɗaʼa, makulaʼa, da gu a skwi mwuffè a sam ndohi gi Juda, a ngolala mwuffè. Gar haha va-woy ma nzuraʼa, va-woy gumai!

Actes 27:9

Aman nga gu ndudoh a vata, ndè a wurom ba wuɗitpa, a pats njèkeda skwi nʼndi klèng ma, Paul a mbid ta, a ngaɗa ta: