Jérémie 36:3 - Ma Zhiklè

³ Wa ngiɗè ba ndohi gi Juda ta cinè skwi man ambaɓai tèlèba man i hur i da ga ta, aman ta shkè a deɓa staɗ staɗ tèlèba te civèɗ tengaʼa man ambaɓiaʼa, a i pra ta mali ta a maharam ta.

Jérémie 36:3 ပူးပေါင်းရင်းမြစ်များ

Néhémie 1:9

Aman kin da menkada deɓa a sam ga, a kin jèjèr ma nkwèr ga zuraʼa, ko kin venda gèɗ a verzi herkeda, i da ɓicka kinè a deɓa, a i de kinè a sam man i ngotskoɗauda, a nzlembaɗ ga da nza a pa.

Psaumes 139:24

Woro, aman i zhè a civèɗ ambaɓiaʼa, a ka dyè a civèɗ man a da á nshèffè a mèdèp.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 18:8

Aman i goɗ ma ambaɓiaʼa a géɗ ndohi sa, te deɓaʼa ta ngwode ndav ta, i jèkeda, i ga ta ɓai.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Ezéchiel 12:3

Aman ka, ndo, ɓica skwi ndè nshèwèlè a di patsaʼa, a sam di ta. Jèkeda kokwar ngaya a sam di ta, a ko do a kokwar ngiɗè! Wa ngiɗè ba ta rkaʼa: aman ta ndohi mèdègèɗ.

Ezéchiel 18:23

Bi Zhiklè a gaɗa: Mʼmetsi ndo nderɗa Zhiklè ambahayè ɗè? Aman a menkaɗa deɓa te mali na a nzi a nshèffè ambahay holholaʼa ka ɓi dè?

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Matthew 13:15

Aman ndav ndohi haha nsassaya, a ta pizlè di ta, aman ta rka di ɓai, aman ta tsena zlembaɗ bai, aman ta sun te ndav bai, a ta woy a ta menkada deɓa a i da mbel ta ɓai.

Marc 4:12

a ta rka di ba, amari ta sun ɓai; a ta tsena a zlembaɗ ba, aman ta sun ɓai, a ta woy a ta menkada deɓa a malihi tengaʼa mpre ɓai.

Luke 20:13

A bi gi wof barassa a ngaɗa: I da gi ma kè? I woya man i zlindè kra ga man i woya a ndav ga. Man ta rka nengaʼa, wa ngiɗè ba, ta gi horai.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 28:27

Aman ndav ndohi haha nsassaya, a ta ndè zlembaɗ dislèʼa, a ta pizlè di ticèʼa, a géɗ man pats ngiɗè ta rka di asaɓai, a ta tsena zlembaɗ asaɓai, a ndav tengaʼa a sun asaɓai, a ta menkada deɓa ɓai aman i mbél ta.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

Deutéronome 30:2

aman ka da menkada deɓa a sam Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ndav ngaya tèlèba, a nshèffè ngaya tèlèba, ki nè a wudahi ngaya, ara ma tèlèba man i njè ka a patsna,

Deutéronome 30:8

Aman ka, ka da menkada deɓa a sam Ndo nzi pèc pècèk, ka da fi gèɗ a daʼai nengaʼa, a ka da gi skwi tèlèba ara ma nkwèr haha man i njè ka a patsna.

Deutéronome 5:29

Ar a woya ndav tengaʼa ba a goɗ arsa, a ta gi zlau ga pèc pècèk, a ta jèjèr ma nkwèr ga tèlèba pèc pècèk, a tengaʼa, a wudahi tengaʼa, ta nzi amba amba a mèdèp.

2 Peter 3:9

Ma mpèsl ri Bi Zhiklè a gi ndudoh azɓai, ara tengahiaʼa ngiɗè ta huro; aman Zhiklè a zhèr skwi a géɗ kinè dai, a woya man ko staɗ a zi azɓai, aman a woya ta tèlèba ta ngwèdè ndav ta.

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.