Jérémie 36:26 - Ma Zhiklè

²⁶ Te deɓaʼa bai a ngaɗa ta nda Jerachmeel, kra bai, a Seraja, kra Azriel, a Shélémia, kra Abdeel, aman ta gshè Baruc, ndo mwindè ɗèlèwèr, a Jérémie, ndo nhadka ma. Aman Ndo nzi pèc pècèk a nʼnghede ta.

Jérémie 36:26 ပူးပေါင်းရင်းမြစ်များ

I Rois 17:3

Do a ka beza a civèɗ mvèng pats, a ka nghede va ngaya a ma woyam Kerith, tʼwud woyam Jourdain.

I Rois 17:9

Slambaɗa a ko do a kokwar Sarepta, a tsagi kokwar Sidon, a ka nza a pa. Te pa i gada na ngwoz mazai ngiɗè aman a va ka skwi nʼndai.

I Rois 18:4

Aman Jézabel a mbazl ta ndohi nhadka ma Ndo nzi pèc pècèk, Abdias a mhul ndohi nhadka ma 100, a nʼnghede ta, 50 te slrats za ngiɗè, 50 te slrats za ngiɗè, a mva ta movar a iyam.

I Rois 19:10

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 19:14

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 22:26

A bi Israel a ngaɗa: Va-da Michée a sam Amon, bi sojè kokwar, a sam Joas, kra bai,

II Rois 11:2

Aman Joshéba, dem bi Joram, demam Achazia, a nco Joas, te va wudahi bai, man ta bazl ta, a nʼngheda a gi mʼmèn na, a nda ngwoz ntseda na wa. A nʼngheda aranta a sam Athalie, aman ta slaha ta keɗa ɓai.

II Chroniques 18:26

a kin gaɗa: Bai a goɗ ar haha: Va-feda ndo haha a dangai, va-tsaka na skwi nʼndi kèshkata a iyam kèshkata, ha i ndikkaɗa deɓa amba amba.

Psaumes 105:15

Kin lama na ndo man i bada na mbar a gèɗ bai, kin ga ta matakwan a ndohi nhadka ma ga ɓai!

Psaumes 121:8

Ndo nzi pèc pècèk a da ɓir sam man ka shkè auda te pa, a sam man ka dè a pa, a hinè antanta a ndè a ma ma a mèdèp.

Psaumes 27:5

Aman nengaʼa a ɓeryè te gi na a pats mwuɗitpa, a nghedyè a sam nengaʼa, a nzlatsedyè a géɗ pra.

Psaumes 32:7

Ka sam man i slaha i nzi a hwaɗaʼa, ka ɓeryè te ri matakwan, ka tèudyè a pa a ka mbelyè.

Psaumes 57:1

Dimèsh mpi ndav a Zhiklè. Man a David, a pats man a nʼnghede va na a gi za, a géɗ Saul.

Psaumes 64:2

Bi Zhiklè, tsena daʼai ga, aman i kuɗai. Ɓür nshèffè ga te ri zlau ndo ma-yam ga!

Psaumes 91:1

Ndo man a nzi a sam man Zhiklè te géɗèʼa a nghedaʼa a hwaɗaʼa, ndo man a nzi a mèzhèɓ Zhiklè Bi wuɗai,

Esaie 26:20

Ndohi ga, vo-do a gi kinè, va-pizlè ntamagi te deɓ kinè, va-ngheda va kètè, ha ndzoan a ndev na.

Jérémie 1:19

Ta da gi var a ka, aman ta da fen ka azɓai, a géɗ man i zhè a nda ka, Ndo nzi pèc pècèk a gaɗa, aman i da mbélde ka.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 26:24

Aman Achikam, kra Shaphan, a ntakaha Jérémie, a ta va na a ri ndohi man ta keɗaʼa ɓai.

Jérémie 36:19

Wud bihai ta gaɗa na Baruc: Vo-do, va-ngheda va kinè, kinè a Jérémie! Ndo da sun sam man kin da nzi a pa ɓai!

Jérémie 36:5

Te deɓaʼa Jérémie a ngaɗa na Baruc ar haha: I slaha a i dè a gi Zhiklè ɓai.

Jérémie 38:6

A ta co Jérémie, a ta da a vèveɗ thal Malkija, kra hai, man a zhè a sam gi sojèhai. Ta da Jérémie a pa a teɓa. Iyam a te thal ɓai, sèi draɓ, a Jérémie a nkala a draɓ.

Jean 11:57

A ndohi mvi skwi a Zhiklè mbibihiaʼa a ndohi pharisie ta fa ta ma a gèɗ a ndohi kokwar: Aman ndo ngiɗè a sun sam man a nzi a pa, da ngreda, aman nga gshèʼa.

Jean 7:32

A ndohi pharisie ta tsenaʼa, aman ndohi ta goɗ ruɓ-ruɓ-ruɓaʼa a géɗ nengaʼa. A ndohi pharisie a ndohi mvi skwi a Zhiklè mbibihiaʼa ta zlinde ta golahi tengaʼa, aman ta gshèʼa.

Jean 8:20

Ma haha Yèsu a ngaɗa ta a sam koti sulai, man ta cèkèlè Suli a Zhiklè. A njè ta ma te gi Zhiklè, aman ta gsa ɓai, ko staɗ, te man tiɗè sam mana nengaʼa di ka ɓai.

Jean 8:59

A ta por kwa, a ta kèlèʼa. Aman Yèsu a ngheda va na, a mdo auda te gi Zhiklè.

Actes 12:11

Aman maya Pierre a mʼmenkaɗ a pa ma, a ngaɗa: Antanta i sun a vava, Bi Zhiklè a nzlündkoɗi gol nengaʼa, aman a mbelyè te ri Hérode, te skwi tèlèba man ndohi Juif ta woy a ta giaʼa.