Jérémie 34:21 - Ma Zhiklè

²¹ Sédécias, bi Juda, a wud bihi nengaʼa, i da pe ta a ri a ndohi mayamhi ta, a ri tengaʼa man ta woy a ta zede nshèffè ta, a ri ndohi var bi Babylone, tengaʼa man ta jèke kinè dai, nʼnzi kètè.

Jérémie 34:21 ပူးပေါင်းရင်းမြစ်များ

II Rois 25:6

A ta gso bai, a ta daʼa a sam bi Babylone, a kokwar Ribla, a ta gu kita nengaʼa.

Jérémie 22:25

a i da va ka a ri ndohi man ta woy a ta zede nshèffè ngaya, a ri ndohi man ka gi zlau ta, a ri a Nebucadnetsar, bi Babylone, a ri ndohi Chaldée.

Jérémie 32:3

Sédécias, bi Juda, a mfeda a dangai a pa, a ngaɗa: Ka hodko ma èhèmè? Ka gaɗa: Ndo nzi pèc pècèk a goɗ ar haha: Na haha i da vi kokwar haha a ri a bi Babylone, a da dumda ma;

Jérémie 32:4

a Sédécias, bi Juda, a da mbél te ri ndohi Chaldée azɓai, a vava a kèlèhi a ri bi Babylone, ta da gèɗè a di kwa kwaaʼa — ta da pi di iyam di iyam dai.

Jérémie 39:6

Bi Babylone a nzlama ta daʼai a wudahi Sédécias a sam di na te Ribla. Bi Babylone a nzlama ta daʼai a mbibihiaʼa te Juda tèlèba.

Jérémie 44:30

Gar haha Ndo nzi pèc pècèk a gaɗa: Na haha i da va na Pharaon Hophra, bi Egypte, a ri a ndohi mayamhi na, a ri a ndohi man ta woy a ta zede nshèffè na, lèmèlèmè ara man i vau Sédécias, bi Juda, a ri a Nebucadnetsar, bi Babylone, ndo mayam na, man a woya a nkeɗaʼa.

Jérémie 52:10

Bi Babylone a nzlama ta daʼai a wudahi Sédécias a sam di na. A nzlama ta daʼai a wud bihi Juda te Ribla.

Jérémie 52:8

Ndohi var Chaldée ta hu a verzi hai. Ta ngots Sédécias tʼhèshèkèɗ Jéricho, a ndohi var nengaʼa tèlèba ta ksar ta auda a sam na.

Lamentations de Jérémie 4:20

Nengaʼa man Ndo nzi pèc pècèk a mbada na mbar a gèɗ, ta dzawda a vèvèɗ, nengaʼa man nga goɗ a géɗ nengaʼa: nga da nzi a nshèffè te ndev ndohi herkeda a diaʼa.

Ezéchiel 17:12

Gada ta ndohi mèdègèɗ: Kin tsena verzi skwi haha bi dè? Goɗo: Na haha bi Babylone a mdo a kokwar Jérusalem, a mco bai a wud bihai, a nde ta a sam na a kokwar Babylone.

Ezéchiel 17:16

Ara man a vava i zhè, Bi Zhiklè Ndo nzi pèc pècèk a gaɗa, a da metsi na a sam man bi a mfeda a pa a bai, man a mʼmendko mʼmbèdè nengaʼa auda, te kokwar Babylone, man a mpra nderzlè-ma na.

Ezéchiel 17:20

I da nga na gadda a hai, a i gshè a vna. I daʼa a kokwar Babylone. Te pa i da ga na kita, a géɗ man a njèkyè.