Jérémie 34:20 - Ma Zhiklè

²⁰ I da pe ta a ri ndohi mayamhi ta, a ri tengaʼa man ta woy a ta zeda nshèffè ta. Nckondo tengaʼa, ɗiakihai a skwi dak ta da ndiaʼa.

Jérémie 34:20 ပူးပေါင်းရင်းမြစ်များ

I Rois 14:11

Ko wawa te ndev ndohi Jéroboam man a mets na te kokwar, kdadihai ta da ndiaʼa. Ko wawa man a da metsi na a dal kokwar, ɗiakihai tʼhwaɗ giɗfèk ta da ndiaʼa ara man Ndo nzi pèc pècèk a nhodko ma.

I Rois 16:4

Ko wawa te ndev ndohi Baescha man a da metsi na te kokwar, kdadihi ta da ndiaʼa. Ko wawa man a da metsi na a dal kokwar, ɗiakihi tʼhwaɗ giɗfèk ta da ndiaʼa.

Psaumes 79:2

Ta va ta nckondo ndohi mizlinè ngaya a ɗiakihai tʼhwaɗ giɗfèk a ta ndiaʼa, a ta va ta nckondo ɓèlèlihi ngaya a skwi dakhai a ta ndiaʼa.

Jérémie 11:21

Gar haha Ndo nzi pèc pècèk a goɗ aranta, a géɗ ndohi Anathoth man ta woy a ta zeday nshèffè ga, a ta gaɗa: ka hodko ma a nzlembaɗ Ndo nzi pèc pècèk ɓai, man ɓai nga keɗ ka!

Jérémie 12:9

Skwi nʼndi gi ga ara mangayak vezai, mangayakihi ngiɗè ta hi a verziaʼa. Vo-do, skwi dakhi tèlèba, vo-hoy ko va, a ta shkè a ta ndiaʼa.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 19:7

I da ndeva maya Juda a Jérusalem a sam haha, a ta bazl ta a tsakwal a sam mayamhi ta, a ri ndohi man ta woy a ta zeda nshèffè ta. Nckondohi tengaʼa, i pa ta a ɗiakihai a skwi dak a ta ndiaʼa.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 22:25

a i da va ka a ri ndohi man ta woy a ta zede nshèffè ngaya, a ri ndohi man ka gi zlau ta, a ri a Nebucadnetsar, bi Babylone, a ri ndohi Chaldée.

Jérémie 38:16

Bai Sédécias a mʼmbaɗa na Jérémie a metsar, a ngaɗa na: Ara man Ndo nzi pèc pècèk a zhè, man a mva nga nshèffè, i da keɗ ka azɓai, i da fe ka a ri a ndohi man ta woy a ta zeda nshèffè ngaya azɓai.

Jérémie 39:6

Bi Babylone a nzlama ta daʼai a wudahi Sédécias a sam di na te Ribla. Bi Babylone a nzlama ta daʼai a mbibihiaʼa te Juda tèlèba.

Jérémie 4:30

A ka ngwoz man ta kalde ka auda, ka woy a ka gi mè? Ka dzazla va ngaya a maslaka vèvèzh a va, a dasi guro, a mbar a dai, ka dzazla va ambalai. Golahi ta kwol ka, ta woy géɗ ngaya!

Jérémie 44:30

Gar haha Ndo nzi pèc pècèk a gaɗa: Na haha i da va na Pharaon Hophra, bi Egypte, a ri a ndohi mayamhi na, a ri a ndohi man ta woy a ta zede nshèffè na, lèmèlèmè ara man i vau Sédécias, bi Juda, a ri a Nebucadnetsar, bi Babylone, ndo mayam na, man a woya a nkeɗaʼa.

Jérémie 49:37

Ndohi Elam ta da gudzi te ri mayamhi ta, man ta woy a ta zede nshèf-fè ta. I da ga ta matakwan, a ndzoan ga mbiaʼa, Ndo nzi pèc pècèk a gaɗa. I prè tsakwal a verzi ta, ha man i da ndev ta.

Jérémie 7:33

Ɗiakihai a skwi dak ta ndeda nckondo ndohi haha a ma, a ndo a dzam ta auda a pa azɓai.

Ezéchiel 23:28

Aman Bi Zhiklè a gaɗa: Na haha i da ve ka a ri a mayamhi ngaya, a ndohi man ta ngezla ka a gèɗ.

Ezéchiel 29:5

I da kaldeka ka auda a hèshèkèɗ, kinè a klèfi te woyam ngaya tèlèba. Kin da mènè a dala, kin huslè a dala wunap, a skwi dak a ɗiakihai ta nde ka a ma.

Ezéchiel 32:4

I kalde ka a herkeda, i tseda ka gèɗ a dala, a ɗiakihi tèlèba ta ngézhè hwaɗ a ka.

Deutéronome 28:26

Nckondohi kinè, ɗiakihi tʼhwaɗ giɗfèk a skwi dak ta ndiaʼa, ndo a dzam ta auda a géɗèʼa azɓai.

I Samuel 17:44

Te deɓaʼa a ngaɗa na David: Washkè genè, i da vi zluèɗ va ngaya a mohodokihai tʼhwaɗ gidfèk, a skwi dakhai.

I Samuel 17:46

A patsna Ndo nzi pèc pècèk a mvay ka a rai, i da keɗe ka, a i ngela gèɗ ngaya. I da va ta nckondohi Philistie a patsna a mohodokihai tʼhwaɗ gidfèk, a skwi dakhai. A herkeda tèlèba da suna, Zhiklè te Israel a zhè,