Jérémie 34:17 - Ma Zhiklè

¹⁷ Gar haha Ndo nzi pèc pècèk a gaɗa: Kin woy a kin pre ta kramamhi kinè ɓai, ngiɗè a ngiɗè a nslamagi ta; kin tsena ma ga ɓai. Gar haha i pra kinè tsakwal a gidiɓèr a mai a va kinè, Ndo nzi pèc pècèk a gaɗa. I da gi a kin ndara ta kokwar-bihi tʼherkeda tèlèba, a ta rzl ta a pa.

Jérémie 34:17 ပူးပေါင်းရင်းမြစ်များ

Esther 7:10

A ta ktsalda a pa a wof man a tildahi a géɗ Mardochée. Te deɓaʼa ndav bai a mʼmanahai.

Jérémie 15:2

Aman ta da dzhaɗ ka: Nga dè ma? Mbeda ta a ma: Ndo nzi pèc pècèk a goɗ ar haha: Di man a gidiɓèr, a gidiɓèr; di man a tsakwal, a tsakwal; di man a mai, a mai; di man a dangai, a dangai:

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 29:17

Zhiklè bi mbiaʼa a goɗ ar haha: Na haha i zlindè tsakwal a mai a gidiɓèr a sam kinè. I da ga ta lèmèlèmè ara kslor ambaɓiaʼa, ambaɓiaʼa a vata, man amba a nʼndi ɓi sa.

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 32:24

Na haha ta ɗizla kwa a ma kokwar, a ta gɗvèʼa. Kokwar a dè kèlè a ri ndohi Chaldée, man ta nza na a ma; tsakwal, mai a gidiɓèr ta da gi a ngul ta. Skwi man ka goɗa, kalka ma, ka rkaʼa.

Jérémie 32:25

Ko gar haha, Bai, Ndo nzi pèc pècèk, ka gadayè: Sum gi dau a sulai, hul ndohi malwuɗai. A ndohi Chaldée ta da düm kokwar, kè!

Jérémie 32:36

Aman anai, Ndo nzi pèc pècèk, Zhiklè Israel, a goɗ aranta a géɗ kokwar haha, man kin goɗ a géɗ nengaʼa: Zhiklè a mva na a ri bi Babylone a tsakwal a mai a gidiɓèr.

Jérémie 34:8

Ma man Ndo nzi pèc pècèk a ngaɗa na Jérémie, te deɓ man Sédécias a nderzla ma a ndohi tèlèba, man ta zhè te Jérusalem. A njè ta, aman ta pra ta ɓèlèlihai.

Jérémie 38:2

Ndo nzi pèc pècèk a goɗ ar haha: Ndo man a nzi te kokwar haha, tsakwal a da kéɗèʼa, a tiɗè a mai, gidiɓèr a cedama. Aman ndo man a dè auda a sam ndohi Chaldée, a mbél na, a nzi a nshèffè.

Lamentations de Jérémie 1:8

Jérusalem a ngu mali kumba, gar haha a nʼngots hori a dai. Ta tèlèba man ta slubordo, te va nasa, ani ta dérdèʼa, a géɗ man ta rkaʼa nʼadai. Nengaʼa ba a kuɗai, a nʼngwoda ma na a civèɗ ngiɗè.

Daniel 6:24

A bai a ngoɗa, aman ta hulko ndohi matsa, a nda ngwozi ta a wud ta, man ta pün Daniel, a ta wushede ta a gi marizhèlè. Ga ta ndikè a hwaɗaʼa, marizhèlèhi ta gs ta ma, a ta peɗ ta a ma a vatasla tèlèba.

Matthew 7:2

Skwi man kin ga ta ndohi ngiɗè, ta da ga kinè lèmèlèmè; a skwi man kin livè a vna, ta da livè a kinè.

Galates 6:7

Kin pu va kinè a wi a ri kinè ɓai! Kin slaha kin mbèhwali a Zhiklè azɓai. Skwi man ndo a zlekiaʼa, a di a ɓicèʼa.

Deutéronome 19:19

Te deɓaʼa ka ga na ara man a woya a nga na kramam na. Aranta ka da cè mali auda te ndev ngaya.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.

Jacques 2:13

Ndo man ndo a sia te va azɓai, kita ndo man ndo a sia te va azɓai a gshèʼa. Aman nsi ndo te va a fena kita.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.