Jérémie 33:9 - Ma Zhiklè

⁹ Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Jérémie 33:9 ပူးပေါင်းရင်းမြစ်များ

II Chroniques 20:29

Zlau Ndo nzi pèc pècèk a ngse ta kokwar bihi tʼherkeda ngiɗè, aman ta tsena, Ndo nzi pèc pècèk a ri na a ngau var a mayamhi Israel.

Néhémie 6:16

Aman mayamhi nga tèlèba ta tsenaʼa, ndohi nte deɓa man ta zhè a tsagi nga tèlèba ta gi zlau, hori a keɗ ta. Ta suna, nga rufa mizlinè nga, a gèɗ man Zhiklè nga a takaha nga.

Esther 8:17

Te kokwar staɗ staɗ tèlèba, a sam staɗ staɗ tèlèba, man ma bai a ndika a pa, ndohi Juif ta wuffè, ndav ta langlangaʼa, ta gu ngolala, ta ɓica a sam skwi nʼndai. Ndohi kumba te va ndohi nte deɓa ta nde ta a Juifhai. Zlau ndohi Juif a ndza ta.

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Psaumes 40:3

A nckay auda te vèvèɗ ngédèshè, te draɓ, a mpay sak ga a pra, a mbatseday sak ga a hi zuraʼa,

Esaie 43:21

ndohi man i ge ta a ndohi ga. Ta da njè ma ga te nshid gèɗ.

Esaie 55:13

Te gi vatak wof mbelaʼa a ftskaɗa pa, te gi nkuɗdzarai nèʼèn zlè a ftskaɗa pa. A gi arsa a nʼnjèl Ndo nzi pèc pècèk, a gi a skwi nʼngredè Zhiklè man a zhè a mèdèp, man a gédèshè azɓai.

Esaie 60:5

Ka da rkaʼa, a ka wuffè, ndav ngaya a gi langlangaʼa, mʼmana tʼhi ma. Skwi mèshèlè a géɗ iyam mbiaʼa a ndikè a sam ngaya a skwi mèshèlè ndohi herkeda ta da hulkoɗi a sam ngaya.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 62:7

A kin va na nshèk va ɓai, ha a ntila Jérusalem zaʼa, a ngi a skwi nʼnjèl herkeda.

Esaie 64:2

a géɗ man ka gi nrke-di man ndo a hur a géɗ tengaʼa ɓai,

Jérémie 13:11

Lèmèlèmè ara man skwi deɓa haha mʼmana te deɓ ndo, ar ndohi Israel tèlèba ta zleɓa a va ga, a ndohi Juda ba, Ndo nzi pèc pècèk a gaɗa, a ta gi a ndohi ga, a nʼnjèl ga, a nslébèrdè ga, a skwi va ga. Aman ta tsena ɓai.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 24:6

I da pa ta dai, a pombai, a i da helka ta a deɓa a kokwar haha. I da til ta zaʼa, i da gedas ta asaɓai. I da nge ta a pa, i ptska ta auda te pa asaɓai.

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 29:1

Na haha ma ɗèlèwèr, man Jérémie, ndo nhadka ma, a nzlündo te Jérusalem, a sam ndohi nhalaʼa, njèkèɗiaʼa te va ndohi ɓèlè, a sam ndohi mvi skwi a Zhiklè, a sam ndohi nhadka ma, a sam ndohi tèlèba man Nebucadnetsar a hel ta te Jérusalem, a nde ta a Babylone,

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 3:19

Zhiklè a gaɗa: I woy a i fe ka a kra ga, a i va ka kokwar mbelaʼa; skwi nʼndi gi ngiɗè gar nengaʼa azɓai tʼherkeda. I hur i gaɗa: Kin da bahayè ‘Bab ga’, a kin da jèkyè asaɓai.

Jérémie 31:14

Ndohi mvi skwi a Zhiklè ta ngézhè a mbeza, a ndohi ga ta wèl va te mpshè ma ga, Ndo nzi pèc pècèk a gaɗa.

Jérémie 31:4

I da ɗaɗay ka, a ka ɗaɗaya, bidali te Israel. Ka da ngècè mwuffè a ka tsi tèzlèzlèu, ka da shkè auda a verzi ndohi ngècè man ta ngwèshè.

Jérémie 32:42

Aman Ndo nzi pèc pècèk a goɗ ar haha: Lèmèlèmè ara man i bahka na matakwan a géɗ ndohi haha, lèmèlèmè man i bahka na skwi mbelaʼa tèlèba a géɗ tengaʼa man i gaɗdahai.

Jérémie 33:14

Na haha pats a di a shkè, Ndo nzi pèc pècèk a gaɗa, man i da gi ara ma mbelaʼa man i goɗ a géɗ ndohi Israel, a géɗ ndohi Juda.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 44:8

Kin pokoy gèɗ ndav auda a skwi man ri kinè a giaʼa, a kin va ta skwi a zhiklèhi ngiɗè te kokwar Egypte, man kin do a pa, a kin da nzi a pa, a kin zede nshèffè kinè; kin phomda, a kin gi a skwi horai a sam ndohi herkeda tèlèba.

Jérémie 49:25

Kokwar nʼnzalaʼa, kokwar mwuffè ga, i jèkeɗa azɓi dè!

Ezéchiel 26:20

I zukde ka a sam ndohi te vèvèɗ, a sam ndohi vèvèɗ nhalaʼa, a ka nzi a herkeda tʼhwaɗaʼa, ara gihi dikai kokwar zlèzlèʼa; a sam ndohi vèvèɗ, a ka shkè a deɓa a herkeda man ndohi ta zhè a nshèffè asaɓai.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Ezéchiel 39:13

Ndohi tèlèba te kokwar ta da rzl ta. A pats man i da nzala va ga, a i gi a skwi nslébèrdè ta, Bi Zhiklè a gaɗa.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Zacharie 1:17

Boho a wuɗai a vaʼa arsa! Zhiklè bi mbiaʼa a gaɗa: I da pshè ta ma kokwarhi ga dai. Ndo nzi pèc pècèk a da bidè Sion dai, a da ngècè Jérusalem auda zaʼa.

Zacharie 12:2

Na haha, i gi kokwar Jérusalem a kokwi man skwi ndzakaɓama ta gèɗ a ndohi tèlèba ma a tsagi na, te pa. Na zhè a géɗ Juda ba, a pats man ta ɓica va a var a ma kokwar Jérusalem.

Deutéronome 30:5

Ndo nzi pèc pècèk, Zhiklè ngaya, a da cka ka a deɓa a kokwar man babhi ngaya ta ngotso, a gi a skwi ngaya. A da ga ka skwi man amba, a da gi a ka mènè a vata a fena man a babhi ngaya.