Jérémie 33:6 - Ma Zhiklè

⁶ Na haha i va na madzaf, da mbel na: Iyè, i mbelaʼa. I da ngreda ta skwi mbelaʼa te gumai, te ma nzuraʼa.

Jérémie 33:6 ပူးပေါင်းရင်းမြစ်များ

Psaumes 147:3

Nengaʼa man a menda na wuɗi a pa a ndo man ndav na a mbeɗè, a mènè mblè tengaʼa.

Psaumes 37:11

Aman ndohi a ndav lüɓok-waʼa ta da ndi kokwar, a ta da wuffè a géɗ gumi man a zhè a vata.

Psaumes 67:2

Bi Zhiklè, nga da se ka te va, da pshè nga ma, di nengaʼa da hela ngá sam dzayaʼa!

Psaumes 72:7

A pats man nengaʼa a zhè, ngi-zuraʼa a giɗè auda, gumi mbiaʼa a zhè, ara kia man a kèlè auda a giɗfèk azɓai.

Exode 34:6

A Ndo nzi pèc pècèk a mbeza auda a sam di Moise, a mboho: Ndo nzi pèc pècèk, Ndo nzi pèc pècèk – Zhiklè man ndo a sia te va, man pombi na zhè, man a zhèr skwi a ma ma, a ndav amba, nlèɓèslèa a vata ba,

Ecclésiaste 3:3

Man tiɗè sam mbèzl skwi ma, ta bèzlèʼa; man tiɗè sam mʼmbel skwi ma, ta mbélèʼa. Man tiɗè sam nʼngél skwi ma, ta ngélèʼa; man tiɗè sam nrèm skwi ma, ta rèmèʼa.

Esaie 2:4

Nengaʼa a da gi kita ndohi herkeda tèlèba, a bèzlè kita a gèɗ ndohi man verzi ta tsaɗ tsaɗ. Ta da hil tsakwal ta, a ta viɗè a devar; a ta da hil su-lom ta, a ta da viɗè a gwodza. Ndohi herkeɗa ngiɗè ta da slambaɗa ta a va ndohi herkeda ngiɗè asaɓai, a ta slebi var te deɓaʼa asaɓai.

Esaie 30:26

Te deɓaʼa skwi nhél sam kia, lèmèlèmè ara skwi nhèl sam pats. Skwi nhél sam pats ta ta mpats ngiɗè tsaraɗ, a pats staɗ a hél sam te di mʼmèn tsaraɗ; a pats man Ndo nzi pèc pècèk a da mèn mblè ndohi na, a pa na zungwa a va mpaslaʼa.

Esaie 39:8

Ezéchias a ngaɗa na Esaie: Ma Ndo nzi pèc pècèk man ka mendayè, amba. A ngoɗ te gèɗ na: A pats nshèffè ga tèlèba, gumi a vava a zhè.

Esaie 54:13

a wudahi ngaya tèlèba ta ndi a wudahi Ndo nzi pèc pècèk. Wudahi ngaya ta da wèl va kumba,

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Esaie 57:18

I rka civèɗ tengaʼa; i woya a i mbel ta, i woya a i de ta, i woya a i bid ta a i va ta wuɗai a ndohi tengaʼa man ta kuɗai.

Esaie 57:19

Ta da gèɗè ma malwuɗai, ma gumai a ndohai, ko ndohi dra, ko ndohi ndul ndul; a i mbel ta, Ndo nzi pèc pècèk a gaɗa.

Esaie 58:8

Te deɓaʼa skwi nhél sam ngaya a shkè auda ara pats wushèr, a mbel ka tsam tsam. Ngi-zuraʼa a dè a ma ngaya, nʼnjèl Ndo nzi pèc pècèk a dzadzar ka te deɓa.

Esaie 66:12

Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.

Jérémie 17:14

Ndo nzi pèc pècèk, mbelyè, a i mbel ga ma. Takahayè, a i ngots skwi ntakahayè ma. Aman ka, Ndo nzi pèc pècèk, man i zhèr ka.

Jérémie 29:11

Aman iyè, i sun skwi man i hérè a géɗ kinè, Ndo nzi pèc pècèk a gaɗa; i hér gumai, matakwan ka ɓai; a i va kinè nshèffè a ma ma, a nzhèr skwi te ndav.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Osée 7:1

Aman i woy a i mbel ta ndohi Israel, mali Ephraim a ngrédè auda, a skwi ambaɓiaʼa man Samarie a ngau. Ta cèkèlma, ta gi metsar, ndo metsar a zlin gai matrhiaʼa ta hil skwi tʼuda.

Michée 4:3

A da gi kita ndohi kumba, a da ngatsa ta maya a kokwar-bihi man wuɗi ta a zhè, ko man ta dra. A ta da viɗè tsakwal ta a devar, a zhèngèzhè ta a gwodza. Kokwar-bi ngiɗè a gidè tsakwal a kokwar-bi ngiɗè asaɓai, a ta slebi ngi var asaɓai.

Michée 7:20

Ka lèɓèslè a sam Jacob, ka va na pombai a Abraham, ara man ka pasla ta ri a babhi nga zlè-zlèzlèʼa.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Jean 10:10

Ndo metsar a shkè sèi man a gi metsar, a gshèʼa, a kéɗèʼa. Iyè i shkè aman tambakihai ta ngècè nshèffè, a ta tèkwènè skwi azɓai.

Ephésiens 6:23

Gumai a sam kramamhai, a mwoyndo, a ncè-a-ndav, man shkè te Bab Zhiklè, a Yèsu Kristi, Bi nga.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

1 Peter 1:3

Susai a Zhiklè, Bab Bi nga Yèsu Kristi, man nga su te va, man a yeka nga macecèwaʼa a nshèffè te nslambaɗkaɗ Yèsu Kristi auda te ndev ndohi mʼmetsaʼa; te nzhèrè te ndav,