Jérémie 33:5 - Ma Zhiklè

⁵ a géɗ tengaʼa man ta shkè a ta gi var a ndohi Chaldée, a ta ndha gihai a nckondohai, tengaʼa man i bazl ta a ndav a ndzoan ga, tengaʼa man i ngheda di ga a sam kokwar haha, a géɗ maya tengaʼa man ambaɓai tèlèba.

Jérémie 33:5 ပူးပေါင်းရင်းမြစ်များ

Esaie 64:7

Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Jérémie 18:17

I woya a i dzam ta auda a ma mayamhi ta, ara kozlar civèɗ iyam. I ngwoda ta deɓa, i paka ta di azɓai a pats man ta gedas ta.

Jérémie 21:10

Aman i pi di a kokwar haha, a i faha ta matakwan, i va ta manam ka ɓai, Ndo nzi pèc pècèk a gaɗa. I pe ta a ri a bi Babylone, a nengaʼa a da fa na vogwa, a kokwar.

Jérémie 32:5

Ta da dè Sédécias a kokwar Babylone, a da nzi a pa, ha i hérèʼa, Ndo nzi pèc pècèk a gaɗa: Aman kin da gi var a ndohi Chaldée, kin da gi a ngul ta azɓai.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Lamentations de Jérémie 2:7

Bi Zhiklè a nkwola sam man ta va na skwi a pa, a woya sam nengaʼa nkezlaʼa ɓai, a mpa na zlazlar gihi bi Sion a ri a mayamhai. Ta tsi lalau mwuffe te gi Ndo nzi pèc pècèk lèmèlèmè ara pats ngolala.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Michée 3:4

Te deɓaʼa ta da kuɗi a sam Ndo nzi pèc pècèk; aman nengaʼa a da mbeɗa ta a ma azɓai. A pats nasa a da nghédè va a sam ta, a géɗ man ta gu skwi man ambaɓi a sam na.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?

Deutéronome 31:18

Aman iye i ngheda va ga a sam di ta a pats nasa, a géɗ skwi man ambaɓi tèlèba man ta gau, aman ta dzodzor zhiklèhi ngiɗè tsaɗ.

Deutéronome 32:20

A ngaɗa: I woy a i nghede va ga a sam di ta, a i rka ndikè-ma tengaʼa dai, te man ta ndohi mèdègèɗ, ta lèɓèsl ɓai.