Jérémie 33:18 - Ma Zhiklè

¹⁸ a ndohi mvi skwi a Zhiklè ta zhè, a ndohi Lévi ta zhè a sam ga pèc pècèk, a man ta ndèr skwai a ta vi skwai a vodzok a dè a géɗèʼa, a ta zli skwi a Zhiklè lèk lèk.

Jérémie 33:18 ပူးပေါင်းရင်းမြစ်များ

Esdras 3:5

Te deɓaʼa skwi man ta va na Zhiklè pèc pècèk te mvèng kia, a pats ngolala Ndo nzi pèc pècèk, a skwi man ndohi ta tsokolo ncèkèlè a ta va na Zhiklè, pèc pècèk man ta huro.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 61:6

Aman kinè, ta baha kinè ndohi mvi skwi a Ndo nzi pèc pècèk. Ta da baha kinè ndohi mizlinè Zhiklè nga. Kin wèl va a skwi mèshèlè ndohi herkeda, a kin jégèr va a nʼnjèl tengaʼa.

Jérémie 33:19

Ndo nzi pèc pècèk a ngaɗa na Jéré-mie:

Jérémie 33:22

Lèmèlèmè ara man ndo azɓai, man a slaha a nʼngér bantihai te giɗfèk, a nlivè wyak a ma woyam, lèmèlèmè i da zlèzlèmè ndohi te verzi David, ɓèl ga, a ndohi Lévi man ta gi mizlinè ga.

Jérémie 35:19

Ndo nzi pèc pècèk, Zhiklè bi mbiaʼa, Zhiklè Israel, a gaɗa: Te va ndohi te verzi Jonadab, kra Recab, ndo a da gi mizlinè ga pèc pècèk.

Ezéchiel 44:15

Aman ndohi mvi skwi a Zhiklè Lévi, te verzi Tsadok, man ta dzodzor ma nkwèr ga a sam nkezlaʼa, te va man ndohi Israel ta zlak ta a sam ga, tengaʼa ta da herdekay va, a ta gi mizlinè ga, a ta shkè a sam ga, aman ta vay mbeza a Pombaz, Bi Zhiklè a gaɗa.

Ezéchiel 45:5

Aman ndohi Lévi man ta gi mizlinè te gi Zhiklè, tengaʼa ba ta ngècè sam, a gi 12km, nguzlohaʼa 5km, a skwi ta, a ta nzi a pa.

Nombres 3:5

A Ndo nzi pèc pècèk a ngaɗa na Moise:

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Deutéronome 18:1

Ndohi mvi skwi a Zhiklè, ndohi Lévi, ndohi teverzi Lévi tèlèba, ta ngècè skwi nʼndi gai ara Israel azɓai. Ta ngècè skwi nʼndai a sam nʼndèr skwi a Zhiklè man ta slébèrdè Ndo nzi pèc pè-cèk a vna, a sam skwi nʼndi gi Ndo nzi pèc pècèk.

Deutéronome 24:8

Gu maya a géɗ mblè hutsoɗ, a ka da gi skwi tèlèba ara man ndohi mvi skwi a Zhiklè, ndohi Lévi, ta gaɗa kinè. Va-gu maya a kin gi tèlèba man ta njè kinè.

Josué 3:3

a ta njè ta ma a gèɗ a ndohai: Aman kin da rka ta ndohi mvi skwi a Zhiklè te verzi man a Lévi, ta zhüɓ koti nderzlè-ma Ndo nzi pèc pècèk, Zhiklè kinè, va-slambaɗa a sam man kin nza a pa, a kin dzodzora.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 1:6

a nge nga a bihai, a ndohi mvi skwi a Zhiklè, Bab na. A nengaʼa, nʼnjèlè, a wuɗai, te nhinkaɗ na a mèdèp. Amen.

Apocalypse 5:10

a ka ge ta a bihai, a ndohi mvi skwi a Zhiklè, a sam Zhiklè nga, a ta da gi bi a géɗ herkeda.