Jérémie 33:12 - Ma Zhiklè

¹² Zhiklè bi mbiaʼa a gaɗa: A sam haha man ngedas na, man ndo a te pa ɓai, man skwi dak a te pa ɓai, te kokwar nengaʼa tèlèba, sam nwèr skwai a da zhè, man ndohi mɓer skwai ta dè a ta wèr tambak.

Jérémie 33:12 ပူးပေါင်းရင်းမြစ်များ

Cantique des Cantiques 1:7

Ngrayè, ka man ndav ga a woy ka: ka wèr skwi ngaya tema? A géɗ pats ka shèk va tema? Golahi ngaya man ta wèr skwai, da da goɗa a pe va a pa ɓai!

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Jérémie 17:26

Ta da shkè te kokwar Juda, a tsagi Jérusalem, te kokwar Benjamin, te Shephela, te za, te dukwaɗ, a ta ndara na skwi a ta zla na skwi a ta va na movar a ta ndara na ɓurdi a ta shida na gèɗ a Zhiklè a vna, te gi Ndo nzi pèc pècèk.

Jérémie 31:12

Ta da shkè a ta da hèzlèwè a mwuffè a géɗ za Sion. Ta da hakaɗai a sam pombi Ndo nzi pèc pècèk: ara dau, a barassa, a mbar, a tambakihi a zlèhai. Ta da gi ara gi lak man ta gedza na iyam, a ta tèkwèn skwa te deɓaʼa asaɓai.

Jérémie 31:24

Juda da nza a pa, a kokwarhi nengaʼa tèlèba, a ndohi mpizhè, a ndohi tèlèba man ta lè rèwè.

Jérémie 32:15

Aman Zhiklè bi mbiaʼa, Zhiklè Israel, a gaɗa: Te kokwar haha ta da shum gi ndohai, gi dau, a gi lak dai!

Jérémie 36:29

Goɗa a géɗ Jojakim, bi Juda: Ndo nzi pèc pècèk a goɗ ar haha: Ka fa na vogwa a ɗèlèwèr, a ka gaɗa: Ka windeda pa èhèmè: bi Babylone a da shkè, a da gedassa kokwar haha, a da zede ta ndohai a skwi kuɗom.

Jérémie 50:6

Ndohi ga ara rèwè tambakihai man ta zlak ta. Ndohi mɓer skwi tengaʼa ta zlakede ta te za, to do a géɗ za, rèwè skwi ta mpca ta a gèɗ.

Jérémie 51:62

Ndo nzi pèc pècèk, ka ka goɗ a géɗ sam haha, ka da zeda, a ndo a da nzi a pa azɓai, ko ndo, ko skwi dak, aman hèshèkèɗ a mèdèp.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Aggée 1:4

Kos tiɗè sama ma, kin nzi a gi züdo, a gi ga a haha a mbeɗ na?