Jérémie 33:11 - Ma Zhiklè

¹¹ ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Jérémie 33:11 ပူးပေါင်းရင်းမြစ်များ

I Chroniques 16:34

Va-shüd gèɗ a Ndo nzi pèc pècèk, aman nengaʼa amba, pombi nengaʼa a nzi a mèdèp.

I Chroniques 16:8

Va-shüd gèɗ a Ndo nzi pèc pècèk, vo-boho nzlembaɗ nengaʼa, va-njè ta ndohi herkeda skwi tèlèba man a giaʼa!

II Chroniques 20:21

Te deɓaʼa to do ta tèlèba, a ndav staɗ, ta pau ndohi nfi dimèsh a ma ndohi var, a kolongwi nkezlaʼa a va, a ta slubordo Ndo nzi pèc pècèk, a ta gaɗa: Vo-slubordo Ndo nzi pèc pècèk; aman ndohi ta sia te va a mèdèp.

II Chroniques 29:31

Ezéchias a nhüno a ngaɗa: Aman antanta kin vau nshèffè kinè a ri a Ndo nzi pèc pècèk, va-herdka va, va-hulkoɗi skwi nzlahaʼa, va-va na skwi a Zhiklè te nshid gèɗ, te gi Zhiklè! A ndohi mɓicaʼa ta hulkoɗi skwi nzlahaʼa, a ta va na skwi a Zhiklè te nshid gèɗ. Skwi tèlèba man ndav tengaʼa a woya a viaʼa, ta ndara na.

II Chroniques 5:13

Aman ta tsu tolom a ta slu dimèsh, a cinè ara daʼai ndo staɗ, a nslébèr-dè a nʼnjèl Ndo nzi pèc pècèk. Aman ta hüno ntsi tolom, a ta tsi ganzavar a tèzlèzlèu a ta fu dimèsh nshid gèɗ a Ndo nzi pèc pècèk: aman nengaʼa amba, a pombi nengaʼa a nzi a mèdèp; vani nʼndha te gi Zhiklè.

II Chroniques 7:3

Aman ndohi Israel ta rka vogwa a shkè te zhiklè, ta gurɓahai a sam man ta papaya a kwa, a ta tsu rai a ta slubordo Ndo nzi pèc pècèk: Te man nengaʼa amba, pombi nengaʼa a nzi a mèdèp.

Esdras 6:22

Ta gu ngolala, ta wuffè te ngolala movar man skwi nshègèrè a te di ɓai, mʼmèn tsaraɗ, te man Ndo nzi pèc pècèk a wuffeda ndav ta, a ngwodko ndav bi Assyrie a sam ta, aman a takaha ta kumba a sam mizlinè nrèm gi Zhiklè Israel.

Néhémie 12:43

A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Néhémie 8:12

Te deɓaʼa ndohi tèlèba to do a ta ndau skwai, a ta sau skwai, a ta tsaka ta ndohi ngiɗè, a ta wuffè te ngolalaʼa, te man ta tsena ma tèlèba man ta ngra ta.

Psaumes 106:1

Alleluia! Va-shüd gèɗ a Ndo nzi pèc pècèk, aman nengaʼa amba, pombi nengaʼa a nzi a mèdèp.

Psaumes 107:1

Va-shida na gèɗ a Ndo nzi pèc pècèk, aman nengaʼa amba, a mwoy-ndo nengaʼa a nzi a mèdèp.

Psaumes 107:22

Sèi ta zla na skwi aman ta shida na gèɗ a vna, a ta njè skwi man a gau auda a mwuffè.

Psaumes 116:17

I da zla ka skwi man i shida ka gèɗ a vna, a i da tsi rai a nzlembaɗ Ndo nzi pèc pècèk.

Psaumes 147:13

Aman nengaʼa a dizla skwi mɓara ntamagi ngaya ngedeng-gedengaʼa, a pshè ta ma wudahi a sam ngaya.

Psaumes 85:7

Ka woy a ka va na wuɗi a nshèffè nga za dè? A ndohi ngaya ta wuffè a géɗ ngaya.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 52:8

Tsenaʼa, ndohi mɓer kokwar ngaya ta hin mbèhè, ta guzlai, aman ta rka a di ta, ara man Ndo nzi pèc pècèk a shkè ngwai a Sion.

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Jérémie 16:9

Aman Zhiklè bi mbiaʼa, Zhiklè Israel, a gada: Na haha, a sam kinè tèlèba, i gedassa dimèsh mwuffe, a dimèsh ngolala, a dimèsh mwoy ngwoz.

Jérémie 17:26

Ta da shkè te kokwar Juda, a tsagi Jérusalem, te kokwar Benjamin, te Shephela, te za, te dukwaɗ, a ta ndara na skwi a ta zla na skwi a ta va na movar a ta ndara na ɓurdi a ta shida na gèɗ a Zhiklè a vna, te gi Ndo nzi pèc pècèk.

Jérémie 25:10

I cèma ta mwuffè auda te ma, a dimèsh, a ntsima dalahai, a ntsima medemai, nhèzlèwè kwa vova, a skwi nhél sam pitirla a ndev na.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:19

Te pa dimèsh nslèbèrdè, ma nʼngwè-shè, a shkè auda. I gi a ta mènè a vata, ta mènèhi azɓai. I da nzal ta, ta derde ta azɓai.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 32:44

Ta da shum gi dau a sulai, ta da windè ɗèlèwèr, a ta ndèda pa; a ndohi malwuɗihai ta gi malwuɗai a pa te kokwar Benjamin, a tsagi Jérusalem, te kokwar Juda, te kokwar te za, te kokwar te Shephela, te kokwar te dukwaɗ, a pats man i da helka ta ndohi ɓèlè tengaʼa a deɓa, Ndo nzi pèc pècèk a gaɗa.

Jérémie 33:26

a i slaha a i kwèl ndohi te verzi Jacob a David, ɓèl ga, a i hil bihi te verzi ndohi ngiɗè de, a ta gi bi a géɗ verzi Abraham, Isaac a Jacob? Aman i da helka ta a deɓa te bèlè, a ta da siyè te va.

Jérémie 33:7

I da helka ta ndohi ɓèlè te Juda, a ndohi ɓèlè te Israel, a deɓa; i da til ta zaʼa ara halaʼa.

Jérémie 7:34

I da zede dimèsh mwuffè a lalau mwuffè a mwuffè ntsima, a mwuffè medemai te kokwar Juda, a civèɗ Jérusalem; kokwar a ndi na hèshèkèɗ.

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Jonas 2:9

Tenga man ta gshè va a skwi mbèh skwi ambalai, ta jèkeda sam ta nlèaʼa.

Nahum 1:7

Ndo nzi pèc pècèk amba, sam nga nlèaʼa a pats matakwan. A sen ta ndohi man ta hi a sam na,

Sophonie 3:14

Dem Sion, wuff mwuffè! Va-hazlawa a mwuffe, ndohi Israel! Dem Jérusalem, wuffa, gu langlangaʼa a ndav ngaya tèlè-ba!

Zacharie 10:7

Ndohi Ephraim ta gi a ngul ndohai, ndav tengaʼa a da wuffè ara mwuffe zom. Wudahi tengaʼa ta da rkaʼa, a ta wuffè. Ndav tengaʼa da wuffa a géɗ Ndo nzi pèc pècèk!

Zacharie 8:19

Zhiklè bi mbiaʼa a goɗ ar haha: Njèkè skwi nʼndai a ki mafaɗaʼa, mazlamaʼa, matsaraɗaʼa, makulaʼa, da gu a skwi mwuffè a sam ndohi gi Juda, a ngolala mwuffè. Gar haha va-woy ma nzuraʼa, va-woy gumai!

Zacharie 9:17

Mwuffè a zhè, a gi amba! Dau a zom a zhè a pa. Golahi a dalahi ta ara kwahi mbelaʼa man ta si dai.

Jean 3:29

Ndo man a ngots medemai, nengaʼa ntsim na. Mandal ntsima a wuffè a vata, aman a tsena daʼai ntsima. Mwuffe ga aranta a zhè ma.

Hébreux 13:15

Gar haha ngo-vokoy skwi nshid gèɗ a Zhiklè pèc pècèk; nasa ma nga, man a ngrédè nzlembaɗ nengaʼa.

Apocalypse 18:23

vogwa pitirla a da hél sam kokwar ngaya asaɓai, ntsima dalahai ta cinè a sam ngaya asaɓai. Halaʼa ndohi gani ngaya ta bihi a géɗ herkeda, a ka pe ta ndohi herkeda tèlèba a wai a mʼmbèh skwi ngaya,