Jérémie 33:10 - Ma Zhiklè

¹⁰ Ndo nzi pèc pècèk a goɗ ar haha: A sam haha man kin gaɗa: ‘ngedas na’, ndo a te pa ɓai, skwi dak a te pa ɓai, te kokwar Juda, te civèɗ Jérusalem man ta gedas ta, man ndo a te pa ɓai, man ndo a nzi a pa azɓai, man skwa a te pa ɓai,

Jérémie 33:10 ပူးပေါင်းရင်းမြစ်များ

Psaumes 147:13

Aman nengaʼa a dizla skwi mɓara ntamagi ngaya ngedeng-gedengaʼa, a pshè ta ma wudahi a sam ngaya.

Psaumes 85:7

Ka woy a ka va na wuɗi a nshèffè nga za dè? A ndohi ngaya ta wuffè a géɗ ngaya.

Jérémie 26:9

Ka hodko ma a nzlembaɗ Ndo nzi pèc pècèk, a ka gaɗa: Gi haha a da gi lèmèlèmè ara Silo, kokwar haha a da gedas na, ndo a nzi a pa azɓai, èhèmè? A ndohi tèlèba ta humda na va a gèɗ a Jérémie te gi Zhiklè.

Jérémie 32:36

Aman anai, Ndo nzi pèc pècèk, Zhiklè Israel, a goɗ aranta a géɗ kokwar haha, man kin goɗ a géɗ nengaʼa: Zhiklè a mva na a ri bi Babylone a tsakwal a mai a gidiɓèr.

Jérémie 32:43

Ta da shum gi dau te kokwar sa, te nengaʼa kin gaɗa: ngedas na, ko ndo, ko skwi dak te pa ɓai, ndohi Chaldée ta dumda ma.

Jérémie 34:22

Na haha iyè i njè ma haha, Ndo nzi pèc pècèk a gaɗa: I da helka ta a deɓa a kokwar haha, a ta gi var a kokwar haha. Ta da dumaʼa, a ta da fa na vogwa. Aman kokwarhi Juda, i da ndeda a kokwar ngedassaʼa, ko ndo staɗ a nzi a pa azɓai.

Ezéchiel 37:11

A ngaɗayè: Ka ndo, vatasl nckondohi haha, nasa ndohi gi Israel tèlèba. Ta gaɗa: Na haha, vatasl nga ngwora, skwi man nga zhèrèʼa, ngedassa. Nga za!

Lèv. 26:32

Iyè a ri ga i woy a i gedassa kokwar, a mayamhi kinè ta nzi a pa, ta rkaʼa, a ta gi zlau a géɗèʼa.

Aggée 1:4

Kos tiɗè sama ma, kin nzi a gi züdo, a gi ga a haha a mbeɗ na?