Jérémie 32:41 - Ma Zhiklè

⁴¹ I wuffè, aman i ga ta skwi man amba. A vava i da nge ta a herkeda haha, te mwoy ndo ga tèlèba, a wuɗi ga tèlèba.

Jérémie 32:41 ပူးပေါင်းရင်းမြစ်များ

Psaumes 80:8

Bi Zhiklè bi mbiaʼa, til nga zaʼa, di ngaya da hela nga sam dzayaʼa, a nga mbel nga!

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Esaie 62:5

Ara man gola a tsima dam, ndo nram ka a tsima ngaya; ara man ntsima a wuffè a géɗ medemi na, Zhiklè ngaya a da wuffè a géɗ ngaya.

Esaie 65:19

I da wuffè a gèɗ Jérusalem, i da gi langlangaʼa a gèɗ ndohi ga. Ta da tsena kuɗ a lalau a ma ma te pa asaɓai.

Jérémie 18:9

A sam ngiɗè i gèɗèʼa, a gèɗ ndohi herkeda ngiɗè, a géɗ kokwar-bi ngiɗè, i woya a i geda pa a i rèmèʼa.

Jérémie 24:6

I da pa ta dai, a pombai, a i da helka ta a deɓa a kokwar haha. I da til ta zaʼa, i da gedas ta asaɓai. I da nge ta a pa, i ptska ta auda te pa asaɓai.

Jérémie 31:28

Lèmèlèmè ara man i gu maya, a i hel ta auda, a i kalde ta hai, a i gedas ta, a i zede ta, a i ga ta skwi ambaɓiaʼa, i da gi maya, te man i rèmèʼa, a i ngi a pa, Ndo nzi pèc pècèk a gaɗa.

Ezéchiel 36:36

Te deɓaʼa njèkèɗi ndohi man ta zhè a tsagi kinè, ta da suna, i Ndo nzi pèc pècèk, man i ɗèɗèyè skwi mʼmbeɗaʼa zaʼa, a i ngi skwi a pa a herkeda man a nde na hèshèkèɗ te va nasa. Iyè Ndo nzi pèc pècèk i goɗa a i da giaʼa.

Osée 14:5

I woy a i gi a minmèn a sam Israel, da winè ma na ara nwurzhè, da tsu zluzlor ara wof te Liban.

Amos 9:15

I da nge ta a herkeda ta, a ta da dzam ta auda asaɓai tʼherkeda ta man i va ta, Ndo nzi pèc pècèk, Zhiklè ngaya, a gaɗa.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Deutéronome 28:63

Lèmèlèmè ara Ndo nzi pèc pècèk a wuffè man a ga kinè skwi man amba, a gi aman kin mènè a vata, lèmèlèmè a da gi ambaha man a zede kine, a gedas kinè. A da hil kinè auda te kokwar man kin da dè a pa, man kin ngotso.

Deutéronome 30:9

Ndo nzi pèc pècèk, Zhiklè ngaya, a da va ka skwi kumba a ndev ɓai, aman mizlinè ri ngaya a gi amba, a wudahi ngaya, a wud skwi a rèwè ngaya a nyi herkeda ngaya ta gi amba, te man Ndo nzi pèc pècèk a wuffè zaʼa, aman ka nzi amba amba, ara man a wuffa a sam babhi ngaya.