Jérémie 32:40 - Ma Zhiklè

⁴⁰ A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Jérémie 32:40 ပူးပေါင်းရင်းမြစ်များ

II Samuel 23:4

nengaʼa a hél sam ara man pats a hulko gèɗ, ara pats wushèr man vani a te di ɓai, man a fcè skwi tʼherkeda, man iyam a zhè.

Psaumes 80:19

Ciɗ nga, a nga woy a nga da tsi rai a nzlembaɗ ngaya, a nga da jèke ka te deɓaʼa asaɓai.

Esaie 24:5

a géɗ man ndohi ta derɗe kokwar ta, ta tawaɗaha ma kita, ta dzadzara ma nkwèr ta ɓai, ta pra nderzlèma ta, man ta derzla a mèdèp.

Esaie 55:3

Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.

Esaie 61:8

Aman iyè, Ndo nzi pèc pècèk, i woy ngi-zuraʼa, i gi shèwa a ndohi metsar. I woya a i va ta skwi ntul ta zuraʼa, a nga derzla ma nga a tengaʼa a mèdèp.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 50:5

Ta da jhèɗèʼa: Sion tema? Ta da pi di a civèɗ na. Vo-washkè, ngo-humdokoy va a Ndo nzi pèc pècèk, a nderzlè-ma nengaʼa a pca nga a gèɗ te deɓaʼa asaɓai!

Ezéchiel 36:26

I da va kinè ndav mɓuaʼa a mèzhèɓ mɓuaʼa a ndav kinè. I da cè ndav man ngwora ara kwa auda te va kinè, a i va kinè ndav man ara gwoli va kinè.

Ezéchiel 36:27

I da va kinè mèzhèɓ ga a ndav kinè, a i gi aman kin jèjèr ma nkwèr ga a ma kita ga zuraʼa.

Ezéchiel 37:26

I da dérzlè ma gumi a nda tengaʼa. Nasa nderzlè-ma a nda tengaʼa a mèdèp. A i da til sam ga nkezlaʼa, a da nzi te ndev tengaʼa a mèdèp.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Michée 4:5

Ndohi herkeda tèlèba ta jèjèr zhi-klèhi ta. Aman nga, nga jèjèr Ndo nzi pèc pècèk a mèdèp.

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Hébreux 4:1

Gar haha ngo-gokoy maya a zlau, aman ko staɗ te ndev kinè da nza a deɓa ɓai, a pats man mpèsl ri ndè a sam nshèk va na a zhè dai.

Hébreux 7:24

Aman ndo haha, a géɗ man a nzi a mèdèp, a nʼngots mizlinè mvi skwi a Zhiklè, man a ndivè azɓai.

Jacques 1:17

Skwi man amba tèlèba, skwi mbelambela man nga ngotso, a shkè te géɗèʼa, te ri Bab nhél sam, te nengaʼa nhél sam a ruva ta ngwèdè va azɓai.

1 Peter 1:5

a kinè man a géɗ ncè-a-ndav, wuɗi Zhiklè a ɓer kinè a sam mʼmbel ndo, man ntila, man a di a gudko va a dai a pats ndikèma skwai.