Jérémie 32:39 - Ma Zhiklè

³⁹ I da va ta ndav staɗ, civèɗ staɗ, a ta gi zlau ga pèc pècèk, a manam ta a zhè, a manam wudahi te verzi ta.

Jérémie 32:39 ပူးပေါင်းရင်းမြစ်များ

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Genèse 22:12

A Zhiklè a ngaɗa: Jèkeda kra ngaya, ka lama na ɓai! Aman antanta i suna, ka gi zlau Zhiklè. Ko kra ngaya staɗgenè, ka jèkaha a sam ga ɓai.

II Chroniques 30:12

Te Juda ba, Zhiklè a zhè a sam ta, a mva ta nhér gèɗ staɗ, a ta gu ara man bai a tsuvomhi nengaʼa ta gaɗa, a ta shkè Jérusalem.

Psaumes 112:1

Alléluia! Mwuffê a sam ndo man a gi zlau Ndo nzi pèc pècèk, a ndo man ma nkwèr nengaʼa ambaha.

Psaumes 128:6

A woy ka da rka wud wuda ngaya! Gumi da zhè a géɗ Israel!

Psaumes 86:11

Ndo nzi pèc pècèk, senday civèɗ ngaya, a i dè te ma ngaya nzuraʼa. Ngreda na maya a ndav ga, aman a gèɗ skwi tèlèba a i gi zlau nzlembaɗ ngaya.

Proverbes 23:17

Ndav ngaya da gu srak a géɗ ndohi malihi ɓai; aman da gu zlau Ndo nzi pèc pècèk!

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Esaie 52:8

Tsenaʼa, ndohi mɓer kokwar ngaya ta hin mbèhè, ta guzlai, aman ta rka a di ta, ara man Ndo nzi pèc pècèk a shkè ngwai a Sion.

Esaie 65:23

Ta ngézhè ambali azɓai. Ta yi wudahi man ta metsi tsam-tsam azɓai. Aman tengaʼa verzi ndohi man Ndo nzi pèc pècèk a mpshè ta ma, a wudahi ta ta nzi a nda tengaʼa.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Jérémie 32:40

A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Ezéchiel 36:26

I da va kinè ndav mɓuaʼa a mèzhèɓ mɓuaʼa a ndav kinè. I da cè ndav man ngwora ara kwa auda te va kinè, a i va kinè ndav man ara gwoli va kinè.

Ezéchiel 37:22

Te kokwar, a géɗ za Israel, i da ga ta a kokwar-bi staɗ, ko bi tengaʼa staɗgenè, kokwar-bi tengaʼa nkezla te va cèw ɓai, ndohi tengaʼa ta kezla ɓai.

Ezéchiel 37:24

David, ɓèl ga, a da gi bi tengaʼa. A ta ngècè ndo mɓer ta staɗgenè, a ta da jèjèr ma nkwèr ga a ma kita ga zuraʼa.

Ezéchiel 37:25

A ta da nzi te kokwar man i va na Jacob, ɓèl ga, man babhi tengaʼa ta nzakaɗa pa. Ta da nzi te pa pèc pècèk, a tengaʼa a wudahi a wud wudahi tengaʼa. A David, ɓèl ga, a gi bi tengaʼa a mèdèp.

Jean 14:6

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Jean 17:21

Aman ta tèlèba ta gi a nstaɗ, lèmèlèmè ara nga, ka Bab ga, te iyè, a iyè te ka, a tengaʼa ba, ta te nga; a herkeda da co a ndav na, ka nzlindekayè.

Actes 13:33

Zhiklè a nrufa mpèsl ri nengaʼa a sam di nga, wudahi tengaʼa, aman a nslambaɗda Yèsu te ndev ndohi mʼmetsaʼa, ara man ta Windo te Psaume 2: Ka kra ga, a patsna i fe ka.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Actes 3:26

Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.

Actes 4:32

Ndohi kumba, man ta co Yèsu a ndav, ta zhè a nhér gèɗ ta staɗ, ta mba ma ta; ndo ngiɗè azɓai, man a goɗ te skwi nengaʼa: skwi haha a ga, skwi haha a ga,

Actes 9:31

A mpi ndohi Zhiklè te kokwar Ju-dée, te kokwar Galilee, te kokwar Samarie tèlèba, ta nza a gumai, a ta ngots wuɗai, a to do a ma ma te zlau Bi Zhiklè, ta ndha a Mèzhèɓ Zhiklè nkezlaʼa man a bid ta. A ndohi ta zlèzlèmè a ma ma.

Romans 11:16

Aman tsagi ngiɗè te va mɓelaslasla nkezla, mɓelaslasla tèlèba nkezla. Aman zluzloraʼa nkezla, lèmèlèmè ri wof ba nkezla.

1 Corinthians 7:14

Aman baki man a nca Zhiklè a ndav ɓai, nkezlaʼa a géɗ ngwoz. A ngwoz man a nca Zhiklè a ndav bai, nkezlaʼa a géɗ baki na, man a nco Zhiklè a ndav. Man arsa ka ɓai, ar wudahi kinè ta wudahi nkezlaʼa ka bai. Aman a vava ta wudahi nkezlaʼa.

2 Corinthians 13:11

Te deɓaʼa, dalahimam ga, va-wuffa, va-tül nshèffè kinè zaʼa, vo-co ma man nga bid kinè a vna, va-hur ma a ndav staɗ, va-woy gumai! A mwoy-ndo Zhiklè a gumai a da nzi a nda kinè.

Deutéronome 5:29

Ar a woya ndav tengaʼa ba a goɗ arsa, a ta gi zlau ga pèc pècèk, a ta jèjèr ma nkwèr ga tèlèba pèc pècèk, a tengaʼa, a wudahi tengaʼa, ta nzi amba amba a mèdèp.

Deutéronome 6:2

a kin gi zlau Ndo nzi pèc pècèk, Zhiklè kinè, te nshèffè kinè tèlèba, a kin jèjèr ma nkwèr nengaʼa, a ma kita nengaʼa tèlèba, man i njè kinè a wudahi kinè, a wud wudahi ngaya, a kin nzi a nshèffè a vata.

Deutéronome 6:24

A Ndo nzi pèc pècèk a ngaɗa nga, aman nga dzodzor ma nkwèr haha tèlèba, aman nga gi zlau Ndo nzi pèc pècèk, Zhiklè nga, a nga nzi amba amba pèc pècèk, ara man kin ngotso a patsna.

Hébreux 10:20

a ntila nga civèɗ mɓuaʼa a nshèffe te maslaka man a kezla gai; civèɗ sa gèɗ va na,