Jérémie 32:38 - Ma Zhiklè

³⁸ Ta da ndi a ndohi ga, a iyè i gi a Zhiklè ta.

Jérémie 32:38 ပူးပေါင်းရင်းမြစ်များ

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

II Samuel 7:24

Aman ka, ka ga ta ndohi Israel a ndohi ngaya a mèdèp; ka Ndo nzi pèc pècèk ka gaʼa a Zhiklè tengaʼa.

Psaumes 144:15

Mwuffè a sam ndohi kokwar man skwi a gi arsa a sam ta. Mwuffè a sam ndohai man Ndo nzi pèc pècèk Zhiklè tengaʼa!

Esaie 65:23

Ta ngézhè ambali azɓai. Ta yi wudahi man ta metsi tsam-tsam azɓai. Aman tengaʼa verzi ndohi man Ndo nzi pèc pècèk a mpshè ta ma, a wudahi ta ta nzi a nda tengaʼa.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 30:22

Kin da gi a ndohi ga, a iyè, i gi a Zhiklè kinè.

Jérémie 31:1

A pats nasa, Ndo nzi pèc pècèk a gaɗa, i gi a Zhiklè ndohi te verzi Israel tèlèba; a tengaʼa ta ndi a ndohi ga.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Ezéchiel 16:60

Aman iyè i hér nderzlè-ma nga man nga derzlaʼa, man ka dali dai, a nga derzla ma a ka a mèdèp.

Ezéchiel 36:28

Te deɓaʼa kin da nzi te kokwar man i va ta babhi kinè, a kin ndi a ndohi ga, iyè i gi a Zhiklè kinè.

Ezéchiel 37:27

Gi ga a nzi zangalaʼa a géɗ tengaʼa, i gi a Zhiklè tengaʼa, a tengaʼa ta gi a ndohi ga.

Ezéchiel 39:22

A ndohi gi Israel ta da suna, i Ndo nzi pèc pècèk, Zhiklè tengaʼa, a hinè a pats sa, ha ndè a ma ma a mèdèp.

Ezéchiel 39:28

Te deɓaʼa ta da suna, i Ndo nzi pèc pècèk, Zhiklè tengaʼa, a géɗ man i hel ta ndohi a ɓèlè, aman antanta i ɓicka ta zaʼa a kokwar ta, i jèka ndo a pa ɓai, ko staɗ.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Deutéronome 14:23

A ka ndau skwi staɗ te va kula te dau a barassa ngaya a sam Ndo nzi pèc pècèk, Zhiklè ngaya, a sam man a ngotskoɗauda, a nzlembaɗ na da nza a pa. Lèmèlèmè tsuvom zlè ngaya, a tambak ngaya; a ka slebi ngi zlau Ndo nzi pèc pècèk, Zhiklè ngaya, pèc pècèk.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Hébreux 8:10

Na haha nderzlè-ma man i woy a i giaʼa, a nda ndohi Israel, te deɓ patshi sa, Bi Zhiklè a gaɗa: I woya man i va ta ma kita ga a ndav tengaʼa, a i winda ta a ndav ta. A i woy a i gi a Zhiklè tengaʼa, a tengaʼa ta gi a ndohi ga.

Apocalypse 21:7

Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.