Jérémie 32:37 - Ma Zhiklè

³⁷ Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Jérémie 32:37 ပူးပေါင်းရင်းမြစ်များ

Psaumes 106:47

Ndo nzi pèc pècèk, Zhiklè nga, mbel nga, ɓicka nga a deɓa te va ndohi nte deɓa, a nga shida na gèɗ a nzlembaɗ ngaya nkezlaʼa, a nga ngècè nʼnjèl nga te nslébèrdè ka.

Jérémie 12:14

Gar haha Ndo nzi pèc pècèk a gaɗa: A géɗ nslamagihi ga man ambaɓi tèlèba, man ta tara na ri a di a skwi nʼndi gi Israel, ndohi ga: na haha i bazl ta auda te kokwar ta; ndohi gi Juda, i dumdaussa te ndev tengaʼa.

Jérémie 16:14

Gar haha, patsa a di a shkè, Ndo nzi pèc pècèk a gada, ta da gèdè azɓai: ara man Ndo nzi pèc pècèk, man a nhelka ta ndohi Israel auda te kokwar Egypte, a zhè.

Jérémie 16:15

Aman ta gada: ara man Ndo nzi pèc pècèk a zhè, man a nhelka ta ndohi Israel a deɓa te kokwar te man a gédèʼa, tʼherkeda tèlèba man a ndzam ta a pa zlèzlèʼa. I da helka ta a deɓa a kokwar ta, man i va na babhi ta.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 24:6

I da pa ta dai, a pombai, a i da helka ta a deɓa a kokwar haha. I da til ta zaʼa, i da gedas ta asaɓai. I da nge ta a pa, i ptska ta auda te pa asaɓai.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:18

Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 32:15

Aman Zhiklè bi mbiaʼa, Zhiklè Israel, a gaɗa: Te kokwar haha ta da shum gi ndohai, gi dau, a gi lak dai!

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Jérémie 33:7

I da helka ta ndohi ɓèlè te Juda, a ndohi ɓèlè te Israel, a deɓa; i da til ta zaʼa ara halaʼa.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Ezéchiel 20:34

I da helka kinè auda te ndev ndohi kokwar, i da ɓic kinè a deɓa te ndev kokwar man i ksar kinè a pa, a ri man wuɗi na zhè, a ri ngedaʼa, a ndzoan man i ga kinè.

Ezéchiel 28:25

Gar haha Bi Zhiklè a gaɗa: Aman i da ɓicka ta ndohi Israel a deɓa te ndev ndohi herkeda, man i ksar ta a pa, i da ngrédè va ga auda, a sam ndohi Israel, a sam di ndohi herkeda, i Zhiklè nkezlaʼa. A ta da nzi te herkeda ta, man i va na Jacob, ɓèl ga.

Ezéchiel 28:26

Ta da nzi te pa a gumai, ta da gi gi ta, ta da pizhè te pa. Ta da nzi a pa a gumai; aman i da ga ta kita a ndohi tèlèba man ta derde ta, man ta zhè a tsagi ta, a ta da suna, i Ndo nzi pèc pècèk, Zhiklè tengaʼa.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Joel 3:20

Aman ndohi ta da nzi te kokwar Juda a mèdèp, a ta nzi te Jérusalem a ma ma te verzi wud wuda.

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.

Zacharie 14:11

A ta nzi a pa, ma mphomaʼa a te pa ɓai, a Jérusalem a nzi a gumai.

Zacharie 3:10

A pats nasa, ngiɗè a da baha na ngiɗè a gorombi na, a skwi nʼndai, Zhiklè bi mbiaʼa a gaɗa.