Jérémie 32:32 - Ma Zhiklè

³² A géɗ skwi man ambaɓi tèlèba man ndohi Israel a ndohi Juda ta gau, a ta pokoy gèɗ ndav auda a vna, tengaʼa bihi ta a wud bihi ta, ndohi mvi skwi a Zhiklè ta, a ndohi nhadka ma ta, ndo te Juda a ndohi kokwar Jérusalem.

Jérémie 32:32 ပူးပေါင်းရင်းမြစ်များ

Esdras 9:7

Daga babhi nga, ha mshkè na mpatsna, mali nga mbiaʼa, a géɗ mphömè nga man nga gau, ka pe nga a ri bihi herkeda, a ma tsakwal, a dangai, a ɓèlè, a ri metsarhai, nga a bihi nga, a ndohi mvi skwi a Zhiklè nga; a nga zhè a hori a dai a patsna.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 22:1

Nhèdè ma a géɗ slrats za Hinnom. Kin tèlèba, kin tivè a géɗ gai, nʼnga kine mè?

Jérémie 2:26

Ndohi gi Israel, bihi ta, wud bihi ta, ndohi mvi skwi a Zhiklè ta, ndohi nhadka ma ta, ta ngots hori a dai, ara ndo metsar man ta ngatsa na a vaʼa.

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Jérémie 44:21

Skwi man kin vau te kokwarhi Juda a civèɗ Jérusalem, kinè a babhi kinè, bihi kinè, wud bihi kinè, a ndohi kokwar, Ndo nzi pèc pècèk a sun ɓi ɗè? Nhera skwi haha ɓi ɗè?

Jérémie 7:17

Ka rka skwi man ta gu te kokwar Juda, a civèɗ Jérusalem ka ɓi dè?

Ezéchiel 22:6

Na haha tsuvomhi Israel a sam ngaya ta tilè wuɗi ta, a ta kédè ndo a vna.

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Daniel 9:6

Nga fa gèɗ a ma ndohi nhadka ma, ɓèlèlihi ngaya, ɓai, man ta gada ta bihi nga a tsuvomhi nga a bababhi nga a ndohi herkeda tèlèba a nzlembaɗ ngaya.

Daniel 9:7

Ka Bi Zhiklè, ka gi zuraʼa; aman hori a di nga, a patsna, a ndohi Juda a Israel tèlèba, ko ndul ndul, ko dra, tʼherkeda tèlèba a sam man ka dzam ta a gèɗ mali man ta gu a sam ngaya.

Daniel 9:8

Ndo nzi pèc pècèk, hori a di nga, a di bihi nga, a di tsuvomhi nga, a bababhi nga, a gèɗ man nga gu mali a sam ngaya.