Jérémie 32:28 - Ma Zhiklè

²⁸ Gar haha Ndo nzi pèc pècèk a gaɗa: Iyè i da va ta kokwar haha a ri a ndohi Chaldée, a ri a Nebucadnetsar, bi Babylone. Nengaʼa a da dumaʼa.

Jérémie 32:28 ပူးပေါင်းရင်းမြစ်များ

II Rois 25:11

Njèkèɗi ndohi te kokwar, a ndohi man ta humda va ta a bi Babylone, a njèkèdi ndohi nsun maya mizlinè, Nebuzaradan, bi sojè, a njèkè tengahiaʼa ngiɗè kètè, a nhel ta a bèlè.

II Chroniques 36:17

Te deɓaʼa Ndo nzi pèc pècèk a nzlündo bi Chaldée, aman a da gi var a tengaʼa, a mbazl ta golahi te gi a sam tengaʼa nkezlaʼa, a tsakwal. Ko gola, ko demaʼa, ko babgai, ko ndohi mogonahai, a mpe ta a ri a nengaʼa.

Esaie 29:2

I woya a i ndaɗatsa na va a kokwar Ariel, a ta kuɗai, a ta gi wobau, a gi a sam ga a rèwèc.

Jérémie 20:5

Kolongwi kokwar haha a skwi man ta ngotso tèlèba, skwi tengaʼa mbelaʼa tèlèba, skwi mèshèlè bihi Juda, i pe ta a ri mayamhi ta. Ta da gi metsar skwi ta, a ta heldama a kokwar Babylone.

Jérémie 21:10

Aman i pi di a kokwar haha, a i faha ta matakwan, i va ta manam ka ɓai, Ndo nzi pèc pècèk a gaɗa. I pe ta a ri a bi Babylone, a nengaʼa a da fa na vogwa, a kokwar.

Jérémie 32:24

Na haha ta ɗizla kwa a ma kokwar, a ta gɗvèʼa. Kokwar a dè kèlè a ri ndohi Chaldée, man ta nza na a ma; tsakwal, mai a gidiɓèr ta da gi a ngul ta. Skwi man ka goɗa, kalka ma, ka rkaʼa.

Jérémie 32:3

Sédécias, bi Juda, a mfeda a dangai a pa, a ngaɗa: Ka hodko ma èhèmè? Ka gaɗa: Ndo nzi pèc pècèk a goɗ ar haha: Na haha i da vi kokwar haha a ri a bi Babylone, a da dumda ma;

Jérémie 32:36

Aman anai, Ndo nzi pèc pècèk, Zhiklè Israel, a goɗ aranta a géɗ kokwar haha, man kin goɗ a géɗ nengaʼa: Zhiklè a mva na a ri bi Babylone a tsakwal a mai a gidiɓèr.

Jérémie 34:2

Ndo nzi pèc pècèk, Zhiklè Israel, a goɗ ar haha: Do a ka gaɗa na Sédécias, bi Juda: Ndo nzi pèc pècèk a goɗ ar haha: Na haha, iyè i va na kokwar haha a ri a bi Babylone, a nengaʼa a da fa na vogwa.

Jérémie 34:3

Ka ba, ka da mbél ngaya te ri nengaʼa azɓai; aman a vava a gs ka, i ve ka a ri a nengaʼa, kin da pi di a iyam di a iyam dai a bi Babylone, a kin gèɗè ma kwa kwaʼa, te man ka de a kokwar Babylone.