Jérémie 32:20 - Ma Zhiklè

²⁰ Ka gau nrkedi a ka ngreda skwi auda te kokwar Egypte, te Israel, Tʼherkeda tè-lèba, ha patsna; a ka gu nzlembaɗ ngaya mbiaʼa, ara man a zhè a patsna.

Jérémie 32:20 ပူးပေါင်းရင်းမြစ်များ

II Samuel 7:23

Ndohi a géɗ herkeda ngiɗè ta tema, ara ndohi Israel, ndohi ngaya, a géɗ tengaʼa Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngau skwi mbiaʼa mwuɗitpa a géɗ tengaʼa, a ndzam ta ndohi ngiɗè a zhiklèhi tengaʼa auda a ma tengaʼa?

I Chroniques 17:21

Ndohi ngiɗè a géɗ herkeda ngar Israel, ndohi ngaya, ta tema? Ndohi a géɗ herkeda ngiɗè a zhi dè, man Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngu skwi mbiaʼa mwuɗitpa a géɗ tengaʼa, a ndzam ta ndohi ngiɗè a ma ndohi ngaya man ka sumka ta a deɓa te kokwar Egypte?

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Néhémie 9:11

Ka ngela iyam a ma tengaʼa, a ta beza a ndevaʼa, iyam az a pa ɓai. Ndohi man ta hu a verzi ta, ka zede ta a va iyam ara kwa te drav iyam.

Psaumes 135:9

A nʼngreda skwi auda, a ngu nrkedi te ndev kinè, kokwar Egypte, a gèɗ Pharaon, a gèɗ golahi nengaʼa tèlèba.

Exode 10:2

A ka njè ta wudahi a wud wudahi ngaya, ara man i ga ta matakwan a ndohi Egypte, a ka njè ta skwi man i ga ta, a kin suna, i Ndo nzi pèc pècèk.

Exode 3:20

Gar haha i woy a i tèr ri ga, a i tsi kokwar Egypte a nrkedi tsaɗ tsaɗ man i da gia te pa. Te deɓaʼa a da va kinè civèɗ.

Exode 7:3

Aman i woy a i sassaya ndav Pharaon, a i ngredè skwi nrkedi kumba te kokwar Egypte.

Exode 9:16

Aman i ɓèr ka, a ka da sun wuɗi ga, a ta da njè nzlembaɗ ga tʼherkeda tèlèba.

Esaie 63:12

Man ri nengaʼa nʼnzalaʼa a ntakaha ri mandi Moise, a nʼngela iyam a ma tengaʼa, aman ta hér nzlembaɗ nengaʼa a mèdèp.

Esaie 63:14

Lèmèlèmè ara zlèhai man ta sulomkaɗahai te za, Mèzhèɓ Ndo nzi pèc pècèk a nde ta a sam nshèk va. Ka de ta ndohi ngaya aranta, a nzlembaɗ ngaya a gi a mbiaʼa.

Jérémie 13:11

Lèmèlèmè ara man skwi deɓa haha mʼmana te deɓ ndo, ar ndohi Israel tèlèba ta zleɓa a va ga, a ndohi Juda ba, Ndo nzi pèc pècèk a gaɗa, a ta gi a ndohi ga, a nʼnjèl ga, a nslébèrdè ga, a skwi va ga. Aman ta tsena ɓai.

Daniel 6:28

Daniel haha a grè a ma ma, te va man Darius bai, ha Cyrus, ndo Perse, bai.

Daniel 9:15

Anai Bi Zhiklè nga, ka man ka helka ta ndohi ngaya auda te kokwar Egypte a wuɗi ri ngaya, man ka ga nzlembaɗ ngaya a mbiaʼa ha patsna, nga gu malai, nga ga skwi man ambaha ka ɓai.

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Deutéronome 11:3

nrkedi nengaʼa, skwi man a ngau te ndev Egypte, a sam Pharaon, bi Egypte, te kokwar nengaʼa tèlèba;

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 6:22

Ndo nzi pèc pècèk a ngau skwi mbiaʼa mwuɗitpa, a ngu nrkedi a sam ndohi Egypte, a sam Pharaon, a sam ndohi gi nengaʼa tèlèba, a di nga.

Deutéronome 7:19

skwi mbiaʼa man a nga ta matakwan a vna, skwi man a ngreda auda, a nrkedai, a ri man wuɗi na zhè, man a ngeda, man Ndo nzi pèc pècèk, Zhiklè kinè, a ncka kine auda a vna. Ndo nzi pèc pècèk, Zhiklè kinè, a da gi lèmèlèmè arsa a sam ndohi herkeda tèlèba man kin gi zlau ta.