Jérémie 32:19 - Ma Zhiklè

¹⁹ Ka sun maya kumba, ka gi skwi a wuɗai, di ngaya mwinèa a géɗ civèɗ ndohi Tʼherkeda tèlèba. Aman ka va na staɗ staɗ tèlèba ara mizlinè na, ara skwi nengaʼa man a gau.

Jérémie 32:19 ပူးပေါင်းရင်းမြစ်များ

I Rois 8:32

ka da tsenaʼa te zhiklè te géɗèʼa, ka cèʼa, a ka bèzlè kita ɓèlèlihi ngaya, a ka fa na mali a gèɗ a ndo malai; a ndo man a nga mali ɓai, ka pra a gumai, a géɗ man a nga mali ɓai.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

Job 34:11

Zhiklè a pela na ndo ara skwi man a gau, a gi a sam na ara maya nshèffè na.

Job 34:21

Aman nengaʼa a pi ɗi a civèɗ ndo, a rka sam sak nengaʼa tèlèba.

Psaumes 111:2

Skwi man Ndo nzi pèc pècèk a giaʼa, skwi mbiaʼa; ta tèlèba man ta wuffè a géɗèʼa, ta hérè a géɗèʼa.

Psaumes 34:15

do do na auda a sam skwi ambaɓiaʼa, da gau skwi man amba, da woy gumai, da hu a verzi nengaʼa.

Psaumes 62:12

Bi Zhiklè a goɗ sak staɗ, i tsena sak cèw aranta: Sèi Bi Zhiklè staɗ a nʼngots wuɗai.

Psaumes 92:6

Ndo nzi pèc pècèk, skwi man ka giaʼa, mbiaʼa, skwi man ka hérèʼa, verzi a zhè.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Proverbes 5:21

Ndo nzi pèc pècèk a sun civèɗ ndo staɗ staɗ tèlèba, a pi di a sam man a dè a pa tèlèba.

Proverbes 8:14

I sun ngredè maya, i hér skwi man a ma, i sun skwai, wudi ga a zhè.

Ecclésiaste 12:14

A vaʼa: kra ga, sundo maya te skwi haha! Ko mwindè a ɗèlèwèr kumba, a ndiv azɓi genè, nslebi ɗèlèwèr kumba, a ngeza ka va.

Esaie 28:29

Skwi haha ba a nshkè te Zhiklè bi mbiaʼa. Skwi man nengaʼa a mhuro, skwi mbelaʼa. Maya nengaʼa mbiaʼa.

Esaie 40:13

Nliv Mèzhèɓ Ndo nzi pèc pècèk a ri wa? Nʼngra na maya wa?

Esaie 59:18

A pil skwi staɗ staɗ ara man ndohi ta gau: shèwa a ndohi shèwa na; wuɗai lèmèlèmè ara mayamhi nengaʼa ta ga na. A pil skwi a herkeda nte ndev iyam.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 16:17

Aman i pi di a civèd tengaʼa tèlèba, ta slaha ta ngheda va a sam di ga bai, mali tengaʼa a nghédè a sam di ga azɓai.

Jérémie 17:10

Iyè Ndo nzi pèc pècèk, i jkeda ndav ndo, i wuzhèʼa tʼhwaɗaʼa, a i va na a ndo staɗ staɗ ara skwi man a giaʼa, a skwi man a nʼngots te pa.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 23:24

Aman ndo ngiɗè a ngheda va, i rka bi dè? I ndha giɗfèk a herkeda ka ɓi dè, Ndo nzi pèc pècèk a gaɗa.

Jérémie 25:14

Aman tengaʼa ba, kokwar bihi mbibihiaʼa, a bihi mbibihiaʼa ta da ga ta ɓèlè. I da ga ta ara skwi man ta gau, ara man ri ta a ngau.

Daniel 2:45

Ka rka kwa man a gudumbolko va te za, ndo a ngudumbolko, ka ɓai, a mbatsa rɓasl a züdo a zi pats a verzhègenè a guro. Zhiklè mbiaʼa a ngra na a bai skwi man a di a shkè te deɓa. Nshunè ngaya nzuraʼa a vava, a verzi man i ngra ka, zuraʼa.

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Zacharie 9:1

Ma kita Ndo nzi pèc pècèk a géɗ kokwar Hadrac, a da ngu ma a Damas. Aman kokwarhi Syrie a ndohi te verzi Israel tèlèba, ta a Ndo nzi pèc pècèk.

Matthew 16:27

Kra-ndo a di a shkè a nʼnjèl Bab na, a nda golahi nengaʼa. Te deɓaʼa a da va na ndo staɗ staɗ tèlèba te di skwi man a gau.

Jean 5:29

A ta da shkè auda. Ndohi man ta gu skwi man amba, ta slambaɗkaɗauda a nshèffè. A ndohi man ta gu skwi man ambaɓai, ta slèmbèdè a kita.

2 Corinthians 5:10

Aman nga tèlèba, sèi nga da zlècè a sam nʼnzi kita Kristi, a sam man ndo staɗ staɗ a ngè-cèʼa, gar amba, gar ambaɓai, ara man a gu a pats nshèffè na tʼherkeda.

Ephésiens 1:11

Te nengaʼa nga da ngècè skwi Zhiklè, nga man a mpu saba nga, ara man a huro a géɗ skwi tèlèba man a woya a ngiaʼa.

Hébreux 4:13

Ko skwi staɗ nʼngheda a sam nengaʼa ɓai. Aman skwi tèlèba nʼngreda tʼuda a sam di Zhiklè, nengaʼa aman te deɓaʼa sèi nga da menda na skwi tèlèba.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 22:12

Na haha, i shkè a deɓa ndul ndul, a skwi ntul kinè te rai, aman i va na a ndo staɗ staɗ ara skwi nengaʼa man a gau.