Jérémie 31:8 - Ma Zhiklè

⁸ Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Jérémie 31:8 ပူးပေါင်းရင်းမြစ်များ

Psaumes 107:3

tengaʼa man a ɓicka ta a deɓa tʼherkeda te civèɗ mvèng pats, te civèɗ nkèl pats, te man a tsagi a tsagai.

Psaumes 65:5

Mwuffè a sam ndo man ka ngotskoɗauda a ka cèʼa, aman a da nzi te gala ngaya. Nga woy a nga ngècè mpshè ma te gi ngaya, a sam ngaya nkezlaʼa, a nga ngézhè a vna.

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Jérémie 16:15

Aman ta gada: ara man Ndo nzi pèc pècèk a zhè, man a nhelka ta ndohi Israel a deɓa te kokwar te man a gédèʼa, tʼherkeda tèlèba man a ndzam ta a pa zlèzlèʼa. I da helka ta a deɓa a kokwar ta, man i va na babhi ta.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 3:12

Do a ka boho ma haha a civèɗ ndè man a géɗèʼa: Israel, menkaɗa deɓa, Ndo nzi pèc pècèk a gaɗa. I woy a i pi di shèwa a ka ani asaɓai, aman ndo a siyè te va, Ndo nzi pèc pècèk a gaɗa. I gi ndav a mèdèp azɓai.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Ezéchiel 20:34

I da helka kinè auda te ndev ndohi kokwar, i da ɓic kinè a deɓa te ndev kokwar man i ksar kinè a pa, a ri man wuɗi na zhè, a ri ngedaʼa, a ndzoan man i ga kinè.

Ezéchiel 20:41

Aman kin ndaray skwai a zhkèhayè, i ce kinè a pombai, aman i da helka kinè auda te ndev ndohi nte deɓa, a i ɓicka kinè a deɓa te kokwar man i venda kinè gèɗ a pa. A i woya a i ngreda va ga auda a sam kinè, I Zhiklè nkezlaʼa, a sam di ndohi nte deɓa.

Ezéchiel 34:12

Ara man ndo mɓer skwai, a wèr rèwè na a pats man iyam a ndombozlor a shkè, man tambakihi na ta ksar ta, i woya a i ɓer tambakihi ga, a i mbalka ta a deɓa a sam tèlèba man ta ksar ta a pa, a pats man vani a zhè, a pats ruva.

Ezéchiel 34:13

A i de ta auda te va ndohi herkeda, a i ɓicka ta a deɓa te kokwar bihai, a i helka ta a deɓa a kokwar bab ta, a i war ta a gèɗ za Israel, te nkulgodok, a sam nʼnzi tèlèba te kokwar.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Michée 4:6

A pats nasa, Ndo nzi pèc pècèk a gaɗa, i da ɓic ta ndohi vedal, a i ɓic ta tenga man ta venda gèɗ ta, a tenga man i ga ta matakwan.

Sophonie 3:19

Na haha i da zede ta ndohi tèlèba man ta ga ka matakwan – a pats nasa – a i da mbél skwi man vedal, a i ɓica skwi man ta ksaraʼa, a i va ta nʼnjèlè; a ndohi ta slebarde ta tʼherkeda tèlèba.

Zacharie 2:6

Ndo nzi pèc pècèk a gaɗa: Va-hakaɗai, va-hakaɗai, va-jèkeda kokwar man a géɗèʼa; aman i ɓic kinè te verzi herkeda faɗ, Ndo nzi pèc pècèk a gaɗa.

Matthew 12:20

A pèslè pandar ngurɓaʼa azɓai, a mbècè vogwa ndüzhèa azɓai, ha skwi nzuraʼa a gi a ngulaʼa.

Jean 21:15

Aman ta ndau skwi nʼndi ma, Yèsu a ngaɗa na Simon Pierre: Simon, kra Jonas, ka woy iyè a ndav ngaya, a fena ndohi haha dè? A nengaʼa a ngaɗa na: Halau, Bai, ka suna, i woy ka.

1 Corinthians 8:10

Aman ndo ngiɗè a rka, ka ndo man ka sun maya, a ka ndi skwi a sam mʼmbèh skwai, a mèzhèɓ ndav nengaʼa a nʼngots wuɗi di ɓai, a hérè te ndav nengaʼa azɓi ɗè: amba aman i ndi zluèɗ mbèh skwai.

Deutéronome 30:4

Ko ta dzam ka a verzi herkeda ngidè dra, Ndo nzi pèc pècèk, Zhiklè ngaya, a da ɓic ka te pa, a da woy ka te pa.

1 Thessalonians 5:14

Aman nga fa kinè ma a gèɗ, dalahimam nga, va-ngatsa ta maya a ndohi ndzakaɓahiaʼa, va-bid ta ndohi zlau, va-takaha ta ndohi man wuɗi ta azɓai, va-zhèr ta ndohi tèlèba a rai.

Hébreux 12:12

Gar haha va-zlatseda rihi kinè man ta ngeza, va-sala gurmbèzhi kinè man ntulè a keɗ ta.

Hébreux 4:15

Nga, wuɗi nga azɓai; aman nga ngots bi ndohi mvi skwi a Zhiklè man a ngaka nga auda. Skwi a mpeda a wi lèmèlèmè ara nga, a sam tèlèba, aman nengaʼa a nʼnga mali ɓai.