Jérémie 31:38 - Ma Zhiklè

³⁸ Ndo nzi pèc pècèk a gaɗa: Pats ngiɗè dai, kokwar nɗaɗaya a pa zaʼa, a géɗ Ndo nzi pèc pècèk. A hinè a sam gi ngurèa man a Hananel, ha ndè a sam ntamagi kokwar ‘Zlogom’.

Jérémie 31:38 ပူးပေါင်းရင်းမြစ်များ

Zacharie 14:10

Kokwar tèlèba a ndi a dalbara, a hinè te Guéba, ha ndè Rimmon, te tsagi Jérusalem. Kokwar a nzi falawaʼa a samaʼa, a hinè a ntamagi Benjamin, a tsoko gèɗ auda a ntamagi zlèzlèʼa, a ntamagi man ta derzla gèɗ a pa, a sam gi ngurèʼa Hananeel a ndè a klok bai.

II Rois 14:13

Amatsia, bi Juda, kra Joas, kra Achazia, Joas a ngso, a ndzawaʼa, te Beth-Shémesh, a ndaʼa a kokwar Jérusalem. A mʼmbeɗa zlazlar Jérusalem, a hinè a ntamagi Ephraim, ha ndè a ntamagi te tsagai, slrats te ndevaʼa a tsi ri 400.

Jérémie 30:18

Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 31:27

Ndo nzi pèc pècèk a gaɗa: Patsaʼa a di a shkè, man i da zleki te Israel, te Juda, tser ndo, tser skwi dak.

II Chroniques 26:9

Ozias a nrom gi ngurèʼa te Jérusalem, a géɗ ntamagi a tsagai, a nʼngalda pa.

Daniel 9:25

Sèi ka cinèʼa a ka suna! Daga mshkè maʼa a géɗ nrèm kokwar Jérusalem zaʼa, ha bi man ta bada na mbar a gèɗ a zhè, a gi luma 7. Ha ta ɗèɗèya a pa, a kokwar ba a dal kokwar a civèɗ ba, a gi luma 62, a pats mwuɗitpa.

Jérémie 23:5

Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Néhémie 2:17

Te deɓaʼa i gaɗa ta: Kin rka skwi mwuɗitpa man a ga nga, ara man Jérusalem ngedas na, a vogwa a nʼndeda ntamagi nengaʼa a ma. Vo-washkè, ngo-romokoy zlazlar Jérusalem zaʼa, a ngo-cokoy hori auda a di nga!

Néhémie 3:1

Eliashib, bi ndohi mvi skwi a Zhiklè, a nslambada a nda ndohi mvi skwi a Zhiklè, kramamhi na, a ta gu ntamagi ‘tambak’. Tengaʼa man ta vu ntatakaʼa, a ta derzla ntamagai. A ta rom a ma ma, ha ndè a sam ntamagi ‘tèmère’, ha ndè a gi ngurèa Hananel.

Jérémie 31:4

I da ɗaɗay ka, a ka ɗaɗaya, bidali te Israel. Ka da ngècè mwuffè a ka tsi tèzlèzlèu, ka da shkè auda a verzi ndohi ngècè man ta ngwèshè.

Jérémie 33:7

I da helka ta ndohi ɓèlè te Juda, a ndohi ɓèlè te Israel, a deɓa; i da til ta zaʼa ara halaʼa.

Psaumes 102:17

Aman Ndo nzi pèc pècèk a da rèm Sion zaʼa, a da ngrédè va na te nʼnjèl na,

Zacharie 2:6

Ndo nzi pèc pècèk a gaɗa: Va-hakaɗai, va-hakaɗai, va-jèkeda kokwar man a géɗèʼa; aman i ɓic kinè te verzi herkeda faɗ, Ndo nzi pèc pècèk a gaɗa.